Dərs vəSAİTİ Azərbaycan Respublikası Təhsil Nazirliyi Elm və

15) Təbii qoruq zonaları; 
16) Dağ massivi zonaları; 
17) Radioaktiv və kimyəvi tullantıların basdırılma zonaları; 
18) Xüsusi neft – qazçıxarma-antropogen zonalar. 

---

108 
 
«Şəhərsalmanın  əsasları haqqında» Azərbaycan Respublikasının Qanununa (11 iyun 1999-cu il) görə, 
Azərbaycan Respublikasında şəhərsalma fəaliyyətinin əsas obyektləri aşağıdakılardır:  
- Azərbaycan Respublikasının ərazisi;  
- coğrafi regionlar, inzibati bölgülərin əraziləri;  
- şəhər və digər yaşayış məskənləri; məskənlərarası ərazilər;  
- ərazi-istehsalat (sənaye, aqrosənaye, hidrotexniki) kompleksləri;  
- mühəndis (su, kanalizasiya, istilik, qaz, elektrik təchizatı, rabitə və s.) nəqliyyat şəbəkələri, şəhərsalma, 
memarlıq, təbii-mədəni landşaft kompleksləri, parklar, ansambllar, bina və qurğular;  
- yaşayış  və digər zonalar, ictimai mərkəzlər, idman kompleksləri, rayonlar, mikrorayonlar, məhəllələr, 
tikinti sahələri;  
- sanatoriya-kurort, turizm kompleksləri və obyektləri;  
- rekreasiya əraziləri;  
- xüsusi qorunan ərazilər;  
- yaşayış  məskənlərində  və  məskənlərarası  ərazilərdə yerləşən daşınmaz  əmlak və onların 
komplekslərində yenidən planlaşdırma, yenidənqurma, genişləndirmə işləri aparılan obyektlər. 
Qanunun  ən müsbət tərəflərindən biri şəhərsalma sənədlərinin müzakirəsində, həmçinin  şəhərsalma 
fəaliyyəti haqqında onların informasiya almaq hüquqları barədə  məsələlərin müzakirəsində  vətəndaşların, 
onların birliklərinin və hüquqi şəxslərin iştirakı haqqında məsələnin həllidir. 
Azərbaycan Respublikasının Dövlət Şəhərsalma və Arxitektura Komitəsi şəhərsalmanın planlaşdırılması, 
layihələndirilməsi və arxitektura sahələrində dövlət siyasətini və tənzimlənməsini həyata keçirən mərkəzi icra 
hakimiyyəti orqanı olub, öz vəzifələrini və hüquqlarını  həyata keçirərkən digər icra hakimiyyəti və yerli 
özünüidarəetmə orqanları və qeyri-hökumət təşkilatları ilə qarşılıqlı əlaqədə fəaliyyət göstərir. 
Torpaq ehtiyatlarının dövlət idarəedilməsinin funksiyalarından biri də torpaq qanunvericiliyində riayət 
olunmasına nəzarət, torpaqlardan istifadəyə və onların mühafizəsinə dövlət nəzarətidir. 
Torpaqlardan istifadəyə  və onların mühafizəsinə dövlət nəzarətinin vəzifələri torpaqlardan səmərəli 
istifadə edilməsi və onların mühafizəsi məqsədilə torpaq qanunvericiliyinin tələblərinə bütün dövlət 
orqanlarının, bələdiyyələrin, hüquqi və fiziki şəxslərin əməl etməsini təmin etməkdən ibarətdir. 
Torpaqlardan istifadəyə  və onların mühafizəsinə dövlət nəzarətini müvafiq icra hakimiyyəti orqanları 
həyata keçirirlər. Onların göstərişləri bütün torpaq mülkiyyətçiləri, istifadəçiləri və icarəçiləri üçün məcburidir. 
Azərbaycan Respublikası Prezidentinin 29 noyabr 2000-ci il tarixli Fərmanı ilə  təsdiq edilmiş