Yevgeni Nikitiç Qapon (1904-1950) – torpaqların fizi-
ki-kimyəvi problemlərinin öyrənilməsində böyük mütəxəssis
hesab edilir. Onun atmosfer azotunun fiksasiya olunması və
25
torpaq kolloidlərinin quruluşu haqqında çox original işləri
olubdur. Ən məşhur tədqiqatı torpaqda ion mübadiləsinin qa-
nunauyğunluqları hesab edilir. O, torpaqda kationların müba-
diləsinin izoterm xarakterini izah etmiş və dünya alimləri tərə-
findən qəbul edilmiş tənlik (Qapon tənliyi) təklif etmişdir.
İvan Nikolayeviç Antipov-Karatayev (1888-1965) tor-
paq kimyası və fiziki-kimyası sahəsində ən görkəmli tədqi-
qatçı kimi qəbul edilmişdir.
Şorlaşmış torpaqların kimyəvi meliorasiyasının əsasını
qoyanlardan hesab edilir. Kationların torpağın uducu komp-
leksi ilə qarşılıqlı reaksiyalarında adsorbsiya və xemosorbsiya
hadisələrinə Antipov-Karatayev çox böyük əhəmiyyət verirdi.
Qələvi və qələvi-torpaq metallarından başqa bu prosesdə Hg,
Cu, Pb və başqa ağır metalların da rolunu öyrənmişdir. Anti-
pov-Karatayev torpaqda elektrodializ və elektroliz metodlarını
yenidən işlədi və dinamik şəraitdə adsorbsiya prosesinin öyrə-
nilməsinin original metodikasını təklif etdi. Torpaq məhlulu-
nun ayrılma üsulları, rentgenquruluşu və termiki təhlilləri
birbaşa onun adı ilə bağlıdır.
Antipov-Karatayev ion mübadiləsində torpaq kolloidlə-
rinin peptizasiyası və koaqulyasiyasını tədqiq edərək, aqrono-
miki qiymətli strukturanın yaranmasının nəzəri həllini gös-
tərdi. Şoranların mənşəyinin və coğrafi yayılmalarının nəzəri
əsaslarını işləyərək, təsnifatını və diaqnostikasını müəyyənləş-
dirdi və buna müvafiq dəmyə və suvarılan torpaqlarda melio-
rativ üsullar təklif etdi.
Bu işlərin yekunu olaraq 1953-cü ildə onun elmi redak-
təsi ilə «Şoranların meliorasiyası» monoqrafiyası nəşr olundu.
Nil Petroviç Remezov (1899-1961) çox hərtərəfli və
qabiliyyətli alim idi. Torpaqda oksidləşmə-reduksiya proses-
26
lərinin öyrənilməsini yetərincə inkişaf etdirmişdir. Torpaqla-
rın genezisinə və elementlərin bioloji dövranına aid 100-dən
artıq elmi əsərlər onun qələminin məhsuludur. Onun element-
lərin bioloji dövranı haqqında tədqiqatları dünya alimləri tərə-
findən qəbul edilmiş və torpaqşünaslıq elmində yeni istiqamət
sayılmışdır. Bundan başqa N.P.Remezov torpağın turşulu-
ğunu, buferlik qabiliyyətini, oksidləşmə-reduksiya xassələrini,
əhənglənməsini, üzvi maddələrinin tərkibini, mübadilə kation-
larını və s. tədqiq etmişdir. Torpaq kimyasına qarşı marağını o
ömrünün sonunadək saxlamışdır. Remezovun 1957-ci ildə işıq
üzü görən «Torpaq kolloidləri və torpağın udma qabiliyyəti»
monoqrafiyası indi də öz əhəmiyyətini saxlamaqdadır.
Evdokiya Vasilyevna Arinuşkina (1899-1994) elm
aləmində məşhur kimyaçı-torpaqşünas kimi qəbul edilmişdir.
Onun tədqiqatları əsasən torpaq mikroelementlərinin öyrənil-
məsinə və torpağın kimyəvi analizlərinin sistemləşdirilməsinə
həsr edilmişdir. Torpaq-bitki sistemində mikroelementlərin
vəziyyəti, birləşmə formaları və dinamikası onun işlərinin
əsasını təşkil edirdi. 1949-cu ildə nəşr olunmuş «Torpaq və
qruntların kimyəvi analiz üsulları» tədqiqatçıların və tələ-
bələrin stolüstü kitabına çevrildi.
İvan Serqeyeviç Kauriçyev torpaqda N.P.Remezov
tərəfindən başlanılmış oksidləşmə-reduksiya proseslərinin
tədqiqi suvarma və meliorasiya işlərinin geniş inkişafı ilə əla-
qədar olaraq professor Kauriçyev iki aspektdə daha da təkmil-
ləşdirdi. Birincisi oksidləşmə-reduksiya rejimini tiplərə ayır-
maqla onun torpağın xassələrinə və elyuvial-qleyli proseslərin
inkişafına təsirini müəyyənləşdirmək oldu. Məhz onun bu
istiqamətdə apardığı tarla və laboratoriya tədqiqatları əsaslı
nəzəri nəticələrlə yekunlaşdı. İlk dəfə İ.S.Kauriçyev oksidləş-
27
mə-reduksiya rejiminə görə torpaqları qruplaşdırdı və elyuvi-
al-qleyli prosesin konsepsiyası əsasında bir sıra torpaq forma-
larını təklif etdi.
Onun işlədiyi ikinci aspekt isə oksidləşmə-reduksiya
şəraitinin dəyişkən valentli kimyəvi elementlərin transforma-
siyasına təsiri oldu. Kauriçyev və onun yetirmələri torpağın
oksidləşmə-reduksiya potensialı ilə oksidləşmə vəziyyətində
olan elementlərin əmələ gətirdikləri birləşmələrin mövcud
olma sərhədinin son həddini və reaksiya tiplərinin oksidləşmə
potensialının dəyişməsi ilə əlaqəli olduğunu sübut etdilər. Bu
tədqiqatlar bir çox kimyəvi elementləri, o cümlədən Mn, Fe,
S, N, Cu, Cr, Se və fosfor birləşmələri, üzvi birləşmələri əhatə
edirdi. Tədqiqatların nəticələri imkan verdi ki, kimyəvi mad-
dələrin tətbiqi və aqrotexniki tədbirlərin həyata keçirilməsi
oksidləşmə şəraitinə uyğun nizamlansın. İ.S.Kauriçyev bir
çox xarici ölkə alimlərinin və özünün bu sahədə olan tədqiqat-
larını ümumiləşdirərək «Oksidləşmə-reduksiya proseslərinin
torpağın genezisində və münbitliyində rolu» monoqrafiyasını
nəşr etdirdi.
Bu kitabın müəllifi iki dəfə professor İ.S.Kauriçyev işlə-
diyi TKTA-da müəllimlərin təkmilləşdirilməsi kursunda ol-
muş və onun maraqlı mühazirələrini dinləmişdir. Onun ok-
sidləşmə-reduksiya prosesləri haqqında olan mühazirələrində
başqa qruplardan da çoxlu dinləyici iştirak etdiyinə görə otur-
mağa yer tapılmırdı. Professor Kauriçyevin redaktəsi ilə dəfə-
lərlə təkrar nəşr olunmuş «Torpaqşünaslıq» dərsliyini bütün
dünya torpaqşünasları qəbul etmiş və uyğun ali məktəblərdə
indi də tədris edilir. Hər dəfə kursu bitirərkən mənim buraxılış
işimin elmi rəhbəri professor İ.S.Kauriçyev olmuşdur. O,
28
gözəl insan, qayğıkeş müəllim və təkraredilməz alim idi. Hər
bir dinləyiciyə fərdi yanaşmağı bacarırdı.
Serqey Vladimiroviç Zonn (1902-2002) çox dərin bi-
likli, hərtərəfli tədqiqatçı, aktiv alim və elmin yorulmaz təş-
kilatçısı idi. Meşə və tropik torpaqşünaslığın nailiyyətləri
onun adı ilə bağlıdır. Bütün materiklərin torpaqları haqqında
olan dərin biliyi əsasında təsnifat, coğrafiya, genezis və tor-
paqəmələgəlmənin mexanizmi haqqında original hipotezlər
irəli sürdü. O, tarla təcrübələri vasitəsilə bir sıra duzların tor-
pağın uducu kompleksindən mübadiləvi natriumun çıxarılma-
sı mexanizmini işlədi:
CaC
2
4
4
)
3
K
2
SO
4
24H
2
O
4
Bu tədqiqatlar şoranlar haqqında aparılan sonrakı çox-
saylı elmi işlərin başlanğıcı oldu. S.V.Zonn torpaq kimya-
sında ayrı-ayrı elementlərin roluna aid monoqrafiyalar yazdı.
Məsələn, 1982-ci ildə «Dəmirin torpaqda rolu» və 1992-ci
ildə isə «Alüminiumun torpaqəmələgəlməsində rolu və bitki-
lərə təsiri» kitabları işıq üzü gördü.
İvan Vladimiroviç Tyurin (1892-1962) görkəmli tor-
paqşunas-genetik və torpaqşünas-kimyaçı idi. O, torpağın üz-
vi maddələri haqqında olan baxışlar sistemini yaratdı və hu-
musu təbiətin yüksək molekullu maddələr qrupuna aid edərək,
onun əmələgəlməsini bioloji proseslərlə əlaqələndirdi.
V.İ.Tyurin torpaqda karbonun və azotun üzvi birləş-
mələrinin təyinedilmə metodunu işlədi. İndi də bütün dünya
laboratoriyalarında torpaqda humusu onun metodikası ilə tə-
yin edirlər. O, torpaqda azot fondunun istifadəsinin mühüm
prinsiplərini formalaşdırdı. 1927-ci ildə Vaşinqton şəhərində
keçirilən ümumdünya torpaqşünaslar cəmiyyətinin I Beynəl-
xalq konqresində torpaq kimyasına aid çox sanballı məruzə ilə
29
çıxış etdi. Onun «Torpağın üzvi hissəsi və onun torpaqəmə-
ləgəlməsində, münbitliyin yaranmasında rolu» monoqrafiyası
torpaqda üzvi maddələrin mənbəyinə və humuslaşma prose-
sinə həsr olunmuşdur. Tyurin öz yetirmələrilə ilk dəfə olaraq
humusun fraksion tərkibini və torpaq humusunun keyfiyyət
xüsusiyyətlərini müəyyənləşdirdi. Onlar torpaq humusunun
başlıca komponentlərinin humin turşuları, fulvoturşuları və
huminlər olduğunu sübut etdilər. Məhz bu konsepsiya əsasın-
da aydınlaşdı ki, torpaq humusunun tərkibinin dəyişilmə qa-
nunauyğunluğu torpaq tiplərindən asılıdır. Tyurin müəyyən-
ləşdirdi ki, humin turşularının fulvo turşularına nisbəti
(C
ht
:C
ft
) torpaqəmələgəlmə amili kimi çıxış edir. Bu turşuların
nisbəti torpaq diaqnostikasının və təsnifatının əlaməti kimi
qəbul edildi.
Mariya Mixaylovna Kononova (1898-1979). Torpağın
üzvi maddələri haqqında ən görkəmli tədqiqatçı hesab edilir.
Onun apardığı elmi işlərin yekunu «Torpağın humus problemi
və onun öyrənilməsinin müasir məsələləri» monoqrafiyasında
öz əksini tapmışdır. Eləcə də, başqa bir monoqrafiyası «Tor-
pağın üzvi hissəsi, onun təbiəti, xassələri və öyrənilmə üsul-
ları» humuslaşma prosesinin yaranma sxeminə həsr edilmiş-
dir. Sxemdə əsasən ilkin bitki qalıqlarının heyvanların və mik-
roorqanizmlərin təsiri ilə çevrilmə mərhələləri təsvir edilmiş-
dir. Kononovanın bu baxışları bütün dünya ölkələrinin alim-
ləri tərəfindən qəbul edilmişdir. Onun tədqiqatlarının xarakte-
rik xüsusiyyətlərinin əsasını coğrafi qanunauyğunluqlar prob-
leminin həlli və humus əmələgəlməsinin biokimyası təşkil
edirdi. M.M.Kononovanın kitabları dövlət mükafatına layiq gö-
rülmüş və İngiltərə, Almaniya, Polşa, Yaponiya, Çin və başqa
ölkələrdə nəşr olunmuş və bir çox dillərə tərcümə edilmişdir.
30
Vera Vladimirovna Ponomaryeva (1908-1978) –
müxtəlif tip torpaqların tərkibinin, xassələrinin, humusun
miqdarının genezis və münbitliklə hansı rabitədə olma təlimi-
nin əsasını yaratdı. O, qara, şabalıdı, boz-meşə, qonur-meşə,
podzol və başqa torpaq tiplərində profildə humusun formalaş-
ma prosesini öyrənmişdir. Torpaqəmələgəlmənin mahiyyətin-
də biokimyəvi təsvirlərin inkişafına əsaslanaraq, podzol əmə-
ləgəlmə prosesinin original konsepsiyasını irəli sürdü. Pono-
maryevanın metodiki işləri dünya mütəxəssisləri tərəfindən
rəğbətlə qarşılanmışdır. Humusun qrup və fraksiyalar üzrə tər-
kibinin təyin olunma metodları indi də tədqiqatçılar tərəfindən
çox geniş istifadə olunur.
Lyudmila Nikolaevna Aleksandrova (1908-1983).
Torpaqda üzvi-mineral maddələrin qarşılıqlı təsir mexanizmi
haqqında fundamental tədqiqatlar aparmışdır. O, humus mad-
dələrinin metal kationlara, hidroksidlərlə, alümosilikatlarla
qarşılıqlı təsir nəzəriyyəsini işləyərək, humus turşularnın üzvi-
mineral təsnifatını yaratdı. Daha sonra humin maddələrinin
torpaqda bərkimə mexanizmini aydınlaşdırdı. 1966-cı ildə
Aleksandrova humuslaşma prosesində yeni hipotez irəli sür-
dü. Bunun mahiyyətində turşuların yaranması azotlu molekul-
ların formalaşması və yeni humus turşularının transformasiya-
sı dururdu. Çoxillik nəzəri və eksperimental təcrübələrin ye-
kunu olaraq 1980-ci ildə «Torpağın üzvi maddələri və trans-
formasiya prosesləri» monoqrafiyası mütəxəssislərin töhvəsi
oldu.
Yan Voldemaroviç Peyve (1906-1976) – torpaqşünas-
lıqda yeni mikroelementlərin biokimyası istiqamətinin əsasını
qoymuşdur.
31
Hələ 30-cu illərdə bor, mis və başqa mikroelement-
lərinin kətan bitkisinin məhsuldarlığına təsirini öyrənmişdi.
Bu problemin ən aktiv işlənmə dövrü 1946-1958-ci illərdə
onun yaratdığı torpağın biokimyası və mikroelementləri labo-
ratoriyasında oldu. Y.V.Peyve mikroelementlərin profildə ya-
yılmasını və miqdarını, torpaq əmələgəlmə prosesi və kimyəvi
elementlərin xüsusiyyətləri ilə əlaqələndirirdi. Bunun əsasında
isə torpaqda mikroelementlərin idarəolunma qanunauyğunluş-
darını aydınlaşdırdı. Bütün bu işlərin yekunu «Torpağın
biokimyası» monoqrafiyasında öz əksini tapdı. Bundan başqa
Y.V.Peyve torpaqda mütəhərrik kalium birləşmələrinin, alü-
miniumun, humuslu maddələrin və bir çox mikroelementlərin
təyin edilməsinin yeni metodları torpaq kimyası elminə töhvə
verdi.
Bu dövrlərdə alimlər torpaqda mikroelementlərin bitki-
lər üçün vacib olan forma və miqdarının təyini üsullarını öy-
rəndilər. Xüsusilə torpaq profilində mikroelementlərin müx-
təlif birləşmələrini, miqrasiya və akkumulyasiya qanunauy-
ğunluqlarının öyrənilməsi torpaq kimyasının inkişafına böyük
təkan verdi.
Ümumiyyətlə, XX əsr və XXI əsrin birinci onilliyində
Moskva Dövlət Universitetində kimyaçı-torpaqşünasların bu
elmin inkişafında böyük xidmətləri olmuşdur. Bunlardan
N.Q.Zırin, M.A.Qlazovskaya, V.Q.Mineyev, F.A.Tixomirov,
D.S.Orlov, L.A.Qrişina, Q.V.Dobrovolski, Q.V.Motuzova,
L.K.Sadovnikova və başqalarını göstərmək olar.
32
Azərbaycanda torpaq kimyasının inkişafı
Azərbaycanın elmi tarixində xüsusi yer tutan Həsən bəy
Zərdabi (1837-1907) öz elmi dünyagörüşünün çoxşahəli ol-
ması ilə fərqlənir. O, XIX əsrin ikinci yarısı və XX əsrin
əvvəllərində Azərbaycanda torpaqşünaslıq haqqında bir sıra
elmi məsələləri əsil alim kimi inkişaf etdirmişdir. Onun torpaq
haqqındakı fikirləri öz dövründəki torpaqşünaslıq elminin
yüksək səviyyəsində yazılmış, elmin müasir nailiyyətləri sıra-
sında mühüm əhəmiyyət kəsb edir. H.M.Zərdabinin torpaq-
şünaslıq haqqındakı fikirləri əsasən torpaq kimyası bölməsini
əhatə etməklə, dağ süxurlarının aşınma prosesindən, torpaq-
əmələgətirən amillərin rolundan, elementlərin torpaq əmələ-
gəlmə prosesində iştirakından, torpağın fiziki-kimyəvi xüsu-
siyyətlərindən, münbitliyindən, torpaq analizlərindən, əlveriş-
siz torpaqları yaxşılaşdırmaq üçün müvafiq tədbirlərdən
(qranulometrik tərkibi dəyişmək, şoran torpaqların meliora-
siyası, bataqlıq torpaqları yaxşılaşdırmaq, torpaq eroziyasının
qarşısını almaq, meşə meliorasiyası və s.), daha sonra torpağın
aqroistehsalat keyfiyyətindən, növbəli əkin sistemini tətbiq et-
məklə torpağı qida elementləri ilə zənginləşdirmək üçün düz-
gün şumlamadan, peyin, quş zılı, çay lili və s. ilə gübrələmək-
lə onu daha da gücləndirməkdən ibarətdir. H.M.Zərdabinin bu
fikirləri «Əkinçi» (1875-1877) və «Kaspi» (1899-1903) qəzet-
lərində dərc etdirdiyi məqalələrində və «Torpaq, su və hava»
adlı kitabında verilmişdir. Onun torpaq kimyasına aid ən mü-
tərəqqi fikirlərindən biri seçilmiş əsərləri səh.164-də yazırdı:
«Hər əkinçiyə vacibdir ki, öz torpağının xüsusiyyətlərini bil-
sin. Bunu isə yalnız imtahan, yəni analiz etməklə bilmək
olar». O, hər şeydən əvvəl torpağın qranulometrik tərkibini,
33
torpaqdakı rütubətin, üzvi hissənin, karbonatların miqdarını
təyin etməyi zəruri hesab edirdi.
Bütün inkişaf etmiş dünya ölkələrində olduğu kimi,
Azərbaycanda da torpaqların mənşəyi, diaqnostikası, sistema-
tikası və yayılması qanunauyğunluqlarının dəqiqləşdirilməsi,
torpaqşünaslıq elminin bir sıra yeni nəzəri və tətbiqi sahələri-
nin inkişaf etdirilməsi problemini ortaya qoyurdu.
Torpaqlarda gedən kimyəvi proseslərin mahiyyətinin
açıqlanması və öyrənilməsi Azərbaycan Milli Elmlər Akade-
miyasının Torpaqşünaslıq və Aqrokimya İnstitutunda torpaq-
ların kimyası laboratoriyasının yaradılması zərurətini doğur-
du. Belə ki, 1959-ci ildə torpaqların kimyası laboratoriyası
təşkil edildi.
Torpaqların kimyası laboratoriyası öz tədqiqatlarında
torpaqlarda gedən kimyəvi, fiziki-kimyəvi məsələləri öyrən-
məklə, Azərbaycanın ayrı-ayrı regionlar üzrə torpaqların lil
fraksiyalarının mineraloji tərkibi və mikromorfoloji xüsusiy-
yətləri ilə yanaşı, yüksək dispers mineralların xüsusiyyətlə-
rini, onların kimyəvi tərkiblə bilavasitə asılılığı qanunauyğun-
luqlarını da müəyyən etməyə çalışmışdır.
Torpaq mineralogiyası sahəsində aparılan bu tədqiqatlar
1975-ci ildə torpaqların kimyası və mineralogiyası laboratori-
yasının təşkil edilməsinə səbəb oldu. 1976-1993-cü illərdə
laboratoriyanın rəhbəri k.t.e.d., prof. İsgəndər Şahbala oğlu
İsgəndərov olmuşdur.
Torpaqların mineraloji tərkibinin öyrənilməsinə dair o
dövrə qədər aparılan ayrı-ayrı tədqiqatlar epizodik xarakter
daşımaqla fundamental və tətbiqi mineralogiyanın nəzəri və
praktiki problemlərini özündə əks etdirmişdir.
34
1975-ci ildən başlayaraq laboratoriyada Azərbaycan tor-
paqlarının lil fraksiyalarının mineraloji, mikromorfoloji xü-
susiyyətləri və onların ana süxurlar ilə əlaqəsinə dair sanballı
tədqiqat işlərinin aparılmasına başlanmışdır.
Tədqiqatların nəticəsində hər bir torpaq tipinə dair
mineraloji tərkib müəyyənləşdirilmiş, mikromorfoloji xüsu-
siyyətlərdən asılı olaraq torpaqlarda gedən proseslərin istiqa-
məti və torpaqəmələgəlmənin mahiyyəti öyrənilmişdir.
İlk dəfə olaraq Kür-Araz ovalığı torpaqlarının mine-
raloji, mikromorfoloji tərkibinə dair tədqiqatlar aparılmış, təd-
qiqatdarda gedən kipləşmə, qaysaq əmələgəlmə proseslərinin
mahiyyətinin açılmasına, sintez-prosintez prosesləri ilə bağlı
dispers xassələrin formalaşmasına, torpaqdaxili mineral əmə-
ləgəlmənin və yeni üzvi-mineral birləşmələrin mahiyyətinin
açılmasına dair tədqiqat işləri aparılmışdır.
Respublikamızın rütubətli subtropik zonasında və Kiçik
Qafqazın mərkəzi hissəsində əsas torpaq tiplərində hidro-
termik rejimdən asılı olaraq mineralların aşınma qabıqlarının
xüsusiyyətləri ilə bağlı torpaqların mineraloji və ümumi kim-
yəvi tərkibləri öyrənilmiş, ilk dəfə hündürlük qurşaqlarından
asılı olaraq aşınmanın faza, stadiyaları və tipləri müəyyənləş-
dirilmişdir. Torpaqlarda minerallaşmanın nəzəri məsələləri ilə
yanaşı, tətbiqi sahələrinə də geniş yer verməklə makro və
mikroelementlərin mineralların tərkibindən asılı olaraq
torpaqda miqdarı müəyyənləşdirilmiş, bir sıra digər qeyri-
ənənəvi torpaqyaxşılaşdırıcılardan istifadə etməklə torpaqların
münbitliyinə, ekoloji təmiz və sabit kənd təsərrüfatı məhsul-
larının əldə edilməsinə təsiri öyrənilmişdir.
Hal-hazırda laboratoriyada Azərbaycanın əsas torpaq
tiplərində lil minerallarının yayılma qanunauyğunluqlarını bir
35
sıra müasir diaqnostik və instrumental metodlarla öyrənilməsi
davam etdirilir. Laboratoriyada həmçinin qeyri-ənənəvi mine-
ral ehtiytlardan istifadə etməklə torpaqların münbitliyinin bər-
pası, torpaqların xassələrinin yaxşılaşdırılması, onların torpaq-
ların fosfor rejiminə və mütəhərrik fosforun mənimsənilmə-
sinə təsiri məsələləri tədqiq edilir. İlk dəfə olaraq torpaqların
geoloji tarixindən və torpaqda gedən aşınma, deqradasiya,
təkamül proseslərindən asılı olaraq Azərbaycan torpaqlarında
narın dispers mineralların yayılma qanunauyğunluqlarını əks
etdirən xəritələr işlənib hazırlanır.
Azərbaycanda torpaq kimyasının inkişafında bu institu-
tun torpaqların bioloji tədqiqatları laboratoriyasının da böyük
xidmətləri olmuşdur. Bu laboratoriyada elmi-tədqiqatlar əsa-
sən müxtəlif tip torpaqlarda humusun toplanması; üzvi mad-
dələrin kəmiyyət və keyfiyyət göstəriciləri; bioloji proseslərin
intensivliyi və dövrü fazaları, zonal ekosistemlərdə dəyişilmə-
si; onurğasız heyvanların növ, tərkib və miqdarı; torpağa daxil
olan bitki qalıqlarının çevrilməsində, biokimyəvi və humus
balansının saxlanması, bərpası və kənd təsərrüfatı bitkilərinin
məhsuldarlığının artırılması istiqamətində aparılır. Torpaqla-
rın münbitliyinə, bioloji fəallığına və becərilən bitkilərin məh-
suldarlığına müsbət təsir göstərən tədbirlər sistemi öyrənilir.
Ümumiyyətlə, Azərbaycan Milli Elmlər Akademiyası-
nın Torpaqşünaslıq və Aqrokimya İnstitutu və onun əməkdaş-
larının Torpaqşünaslıq elminin və onun böyük bir şöbəsi olan
torpaq kimyasının inkişafında misilsiz xidmətləri olmuşdur.
Belə alimlərdən biri də Həsən Əlirza oğlu Əliyevdir (1907-
1993). O, torpaqşünas, ümumi əkinçilik və təbiəti mühafizə
sahəsində alim və ictimai-siyasi xadim kimi xalqın yaddaşın-
da qalmaqdadır. O, bu institutda elmi işlər üzrə direktor müa-
36
vini və laboratoriya müdiri vəzifələrində işləmiş və torpaq-
şünaslığın inkişafında əvəzsiz xidmətlər göstərmişdir. Onun
«Pirsaat düzünün torpaqları və perspektivası», «Azərbaycan
Respublikasının torpaqları», «Qəhvəyi-meşə torpaqları», «Bö-
yük Qafqazın torpaqları», «Naxçıvan Muxtar Respublikasının
torpaqları» və s. monoqrafiyalarında torpaqşünaslığın mühüm
problemlərini şərh etmiş, torpaqdan düzgün istifadəni elmi cə-
hətdən əsaslandırmış və torpaqlarda kimyəvi elementlərin bir-
ləşmələrinin formaları, miqdarı və çevrilmələrini izah etmişdir.
Akademik Cəbrayıl Məmməd oğlu Hüseynov (1913-
1964). Onun rəhbərlik etdiyi laboratoriya üzvi gübrələr və
örtülü qruntun aqrokimyası adlansa da tədqiqat işlərinin əsas
obyekti torpaq olmuşdur. Onun işlərinin əsas istiqaməti kimya
sənaye tullantılarından yeni gübrə və stimulyatorların alın-
ması (superfosfat, qumbrin, ÜMMK, MU, NBM və s.) və on-
ları torpağa tətbiq etməklə münbitliyini artırmağa yönəldil-
mişdir. Bundan başqa torpaqda fosfor rejimi və onun istifadə-
sinin artırılması üsulları mərhum akademikin adı ilə bağlıdır.
Həmin laboratoriyaya 1975-ci ildən hal-hazırki dövrə qədər
k.t.e.d. prof. Paşa Bayram oğlu Zamanov rəhbərlik edir.
Torpaq kimyasının inkişafında bu institutun mineral
gübrələr və mikroelementlər laboratoriyasının böyük xidmət-
ləri olmuşdur. Təşkil olunduğu gündən 1978-ci ilə kimi bu la-
boratoriyaya k.t.e.d., prof. Rizvan Qafar oğlu Hüseynov
(1911-1979) qəhbərlik etmişdir. Sonrakı illərdə k.t.e.d., prof.
F.H.Axundov və hazırda isə laboratoriyanın rəhbəri k.t.e.d.,
prof. Z.R.Mövsümovdur. Laboratoriyada Respublikamızın
müxtəlif tip torpaqlarında becərilən bitkilərin gübrələmə siste-
minə, torpaqların qida maddələri ilə təmin olunmasını göstə-
rən kartoqramların tərtibinə, bitkilərin azot, fosfor, kalium və
37
mikroelementlərlə qidalanma rejiminin öyrənilməsinə dair
tədqiqatlar aparılır. Bu məsələlərin tədqiqində prof. R.Q.Hü-
seynovun əməyi olmuş və bu işlərə həsr olunmuş bir çox mo-
noqrafiyalar, kitablar, tövsiyələr və elmi məqalələr nəşr olun-
muşdur. O cümlədən, «Azərbaycanda gübrələmə sisteminin aq-
rokimyəvi əsasları» (R.Q.Hüseynov), «Torpaqda və bitkilərdə
mikroelementlər və onların bitkiçilikdə tətbiqi» (Ə.N.Güləh-
mədov), «Azot Azərbaycan əkinçiliyində» (Z.R.Mövsümov)
kimi əsərləri misal göstərə bilərik.
Mikroelementlərin kənd təsərrüfatında və biologiyada
rolu və əhəmiyyyəti haqda bir sıra mühüm məsələlər, o cüm-
lədən, yeni səmərəli mikrogübrələrin alınması, onların tətbi-
qinin elmi əsasları, torpaqda təbii radioaktiv maddələrin miq-
darı, mikroelementlərin yayılmasının biogeokimyəvi rayon-
laşdırılması, texnogen tullantılar nəticəsində torpaqların ağır
metallarla çirklənməsi tədqiq edilmişdir. Bu işlərə böyük əhə-
miyyət verilmiş və prof.Ə.N.Güləhmədov Respublika Dövlət
mükafatına layiq görülmüşdür.
AMEA-nın müxbir üzvü Məmməd-Emin Məmməd-
Dostları ilə paylaş: |