Dərslik azərbaycan Respublikası Təhsil Nazirliyi tərəfindən təsdiq edilmi şdir. Baki 2001

Inkivizisiya ona öz tə'limindən əl çəkməyi etdi. O isə tonqalda 
yandırılmağı bundan üstün tutdu
. 
Yuxarıda deyilənlər sübut edir ki, intibah dövrü fəlsəfəsində bir çox 
maraqlı fikirlər irəli sürülmüşdür. Lakin bu fəlsəfəyə verilən qiymət 
birmənalı olmamışdır. Onu yüksək dəyərləndirənlərlə yanaşı, fəlsəfə 
tarixində xüsusi mərhələ kimi ayırmağa etiraz edənlərə də rast gəlinir. 
Əslində bu dövrün fəlsəfi 
irsi orta əsrlərin sxolastikasının aradan 

---

83 
qaldırılmasında mühüm rol oynamışdır
. O həm də Yeni dövrdə 
fəlsəfənin inkişafı üçün müəyyən özül, yaratdı. 

---

84 
VI FƏSIL. 
 YENI DÖVR FƏLSƏFƏSI 
 
1. Empirizm və rasionalizm. 
Fəlsəf fikrin inkişafında növbəti mərhələni yeni dövr fəlsəfəsi təşkil 
edir. Hələ intibah dövründə başlanmış olan feodalizmin dağılması prosesi 
XVII əsrdə daha da genişləndi və dərinləşdi. Artıq bir sıra ölkələrdə baş 
verən burjua inqilabları kapitalizmin inkişafında mühüm rol oynadı. 
Yeni cəmiyyət təkcə iqtisadiyyat və sosial münasibətlərdə deyil, 
həm də insanların şüurunda əsaslı dəyişikliklər yaratdı
. XVII əsrdə 
təşəkkül tapan elm, ictimai şüurun yeniləşməsinin çox mühüm amili oldu. 
Təsadüfi deyildir ki, bütövlükdə XVII əsr elmi inqilab dövrü adlandırılır. 
Həmin dövrün fəlsəfi fikri də əsasən elmə arxalanırdı. Odur ki, XVII əsr 
fəlsəfəsini düzgün başa düşmək üçün əsası bu dövrdə qoyulan yeni elm 
tipinin- 
təcrübi- riyazi təbiətşünaslığın spesifikliyi nəzərə alınmalıdır
. 
Digər tərəfdən həmin dövrdə insanların dünyagörüşündə bu elm aparıcı yer 
tutduğu üçün fəlsəfədə idrak nəzəriyyəsi problemləri- qnoseologiya ön 
plana çıxmışdı.