Dərslik azərbaycan Respublikası Təhsil Nazirliyi tərəfindən təsdiq edilmi şdir. Baki 2001

inteqrasiyaedici
(bərpaedici, 
birləşdirici deməkdir) 
funksiya
ilə sıx əlaqədə fəaliyyət göstərir. Biliklərin 
inteqrasiyasının əsasında dünyanın maddi vəhdəti haqqında fəlsəfi prinsip 
durur. Qeyd edək ki, hazırda bir sıra elmlər arasında əlaqələr 
güclənməkdədir. Nəticədə bir elmi səciyyələndirən anlayışlar tədricən 
digər elm sahələrində istifadə olunmağa başlayır, geniş əhatəli ümumelmi 

---

26 
anlayışlar yaranır və inkişaf edir. Bu münasibətdə fəlsəfə böyük rol 
oynayır. Müasir dövrdə üstün yer tutan elmi biliklərin inteqrasiyası meyli 
fəlsəfənin bu funksiyası üçün yeni şərait və imkanlar yaradır. 
Nəhayət, fəlsəfənin 
məntiqi- qnoseoloji funksiyası 
da vacibdir. 
Həmin funksiya fəlsəfi metodun, onun normativ prinsiplərinin işlənib 
hazırlanmasında, habelə elmi biliyin strukturlarının məntiqi- qnoseoloji 
əsaslandırılmasında təzahür edir. Dialektikanın prinsipləri həm də 
dialektik məntiq olmaq e'tibarilə müxtəlif elmi nəzəriyyələrin tərkibinə 
məntiqi əsas kimi daxil olur. Bu zərurət onunla şərtlənir ki, ayrı- ayrı 
xüsusi elmlər təfəkkür formalarını, onun qanunlarını və məntiqi 
kateqoriyalarını öyrənməklə məşğul olmurlar. Buna görə də onların 
məntiqə, qnoseologiyaya, ümumidrak metodologiyasına ehtiyacı yaranır. 
Bu funksiyanı məntiq rolunu oynayan dialektika yerinə yetirir. O idrak 
fəaliyyətinin ümumi oriyentirlərini müəyyən edir, beləliklə də fəlsəfənin 
ümummetodoloji funksiyalarını praktiki həyata keçirir. 
Yuxarıda deyilənlər sübut edir ki, fəlsəfə cəmiyyətdə çoxlu və 
mühüm funksiyalar yerinə yetirir. Həm də nəzərdə tutulmalıdır ki, onlar 
bir- birindən təcrid olunmuş halda deyil, sıx qarşılıqlı əlaqədə fəaliyyət 
göstərirlər. 
3. Fəlsəfə və digər elmlər 
Fəlsəfə yarandığı vaxtdan e'tibarən