Dərslik azərbaycan Respublikası Təhsil Nazirliyi tərəfindən təsdiq edilmi şdir. Baki 2001

Həm elmi-texniki tərəqqini mütləqləşdirən, həm ona 
tam qarşı çıxan baxışlara haqq qazandırmaq olmaz. 
Müasir 
cəmiyyətdə yeganə düzgün yol elmi-texniki tərəqqinin müxtəlif 
nailiyyətlərini həyata keçirərkən, elmi tədqiqatların istiqamətlərini 
müəyyənləşdirərkən onların törədə biləcəyi gələcək nəticələri irəlicədən 

---

340 
nəzərə almaqdır. Bu barədə təkcə elmi dairələrdə deyil, həm də geniş kütlə 
içərisində demokratik müzakirələr və diskusiyalar keçirilməli, əksəriyyətin 
rə‟yi əsas götürülməlidir. Deyilənlər elmi işçinin, tədqiqatçının sosial 
mə‟suliyyətini ifadə edir. Bu mə‟suliyyət onun elmi axtarışları cəmiyyətin 
ümumi mə‟nafeyinə tabe etməyə, əldə etdiyi elmi nəticələrin tətbiqindən 
törənəcək mənfi meyllərə görə cavab verməsini nəzərdə tutur.
Buradan aydın olur ki, elmi axtarışların mümkün olan həddlər daxilində 
azadlığı və sərbəstliyi ilə onun ictimai nəticələrinə görə məsuliyyətin di-
alektik vəhdəti əsas götürülməlidir. 

---

341 
IV HISSƏ 
SOSIAL FƏLSƏFƏ 
 
I FƏSIL 
SOSIAL IDRAKIN SPESIFIKLIYI.
CƏMIYYƏT ÖZÜINKIŞAF EDƏN SISTEMDIR 
 
1. Sosial idrakın özünəməxsusluğu 
Ictimai həyat varlığın spesifik sahəsidir. Varlıq formalarını 
səciyyələndirən ümumi cəhətlər burada özünəməxsus şəkildə çıxış edir. 
Buna görə də sosial idrakı ayrıca xüsusi forma kimi seçib götürmək, ona 
xas olan əlamətləri aşkar etmək zəruridir. 
Insan cəmiyyəti təbiətin inkişafının müəyyən mərhələsində 
yaranmışdır və onun özünə məxsus şəkildə davamıdır. Buradan aydındır 
ki, sosial həyatın öyrənilməsi, sosial idrak ümumilikdə idrak prosesini 
səciyyələndirən qanunauyğunluqlara tabedir. Lakin nəzərdə tutulmalıdır 
ki, burada sosial mövcudatlar, yə
'
ni şüurlu insanlar yaşayırlar.