Dərslik Prof. S.İ. Seyidov və prof. M.Ə. Həmzəyevin elmi redaktorluğu ilə
Məktəb psixoloqu tərəfindən ailələrlə aparılan iş
Yüklə 2,65 Mb. Pdf görüntüsü
|
- Bu səhifədəki naviqasiya:
- Özünü yoxlamaq üçün sual və tapşırıqlar
- Ədəbiyyat Həmzəyev M.Ə
- Quliyev E.
- Məmmədzadə R.H.
|
Məktəb psixoloqu tərəfindən ailələrlə aparılan iş. Yuxarıda qeyd etdiyimiz kimi məktəbə psixoloji xidmətin əsas istiqamətlərindən birini psixoloqun müəllimlərlə, valideynlərlə və şagirdlərlə apardığı konsultativ işlər təşkil edir. Məlum olduğü kimi, təlim fəaliyyətinin müvəffəqiyyəti, şagird şəxsiyyətinin formalaşması və inkişafı onun böyüdüyü və tərbiyə aldığı ailə mühitinin xüsusiyyətindən çox asılıdır. Ailə və məktəb iki əsas sosial institut kimi uşaqların təlim-tərbiyə və sosiallaşma prosesinə, şəxsiyyətinin inkişafına əsaslı təsir göstərir. Ona görə də ailə tərbiyəsindən çox şey asılıdır. Təcrübə göstərir ki, bəzi ailələrdə uşağın tərbiyəsi üçün zəruri olan psixoloji şərait yaradılmadığı, onun psixoloji xüsusiyyətləri nəzərə alınmadığına görə bir sıra çətinliklər meydana çıxır. Bu cür çətinlikləri aradan qaldırmaqda ailəyə psixoloji xidmətin rolu böyükdür. Adətən, valideynlər uşaqla əlaqədar hər hansı bir problemə rast gəldikdə kömək üçün məktəbə, məktəb psixoloquna müraciət edirlər. Bu zaman əksər hallarda uşağın ehtiyacı və tələbi nəzərə alınmır. Bütün bunları nəzərə alaraq məktəb psixoloqu şagirdlərin davranışı, onların şəxsiyyətdaxili vo şəxsiyyətlərarası münaqişə problemləri ilə məşğul olarkən uşağın yaşadığı və tərbiyə aldığı ailə, həmin ailə üzvləri arasındakı qarşılıqlı münasibət və s. ilə də maraqlanmalıdır. Buradan çıxış edərək psixoloq öz xidmətini
639 göstərməlidir. Lakin bütün ailələr psixoloqun onun övladı ilə müvafiq iş aparmasına, yeri gəldikdə valideynlərə lazımi məsləhət verməsinə eyni cur yanaşmırlar. Bəzi ailələr özləri psixoloqun övladlarının şəxsiyyətini tənzim etməsi ilə maraqlanır və bu sahədə ona şərait yaradırlar, başqa ailələr bu sahədə neytral mövqe tutur, bəziləri də bu işə hər yolla mane olurlar. Ona görə də psixoloqun işi həmişə istə- diyi kimi gedə bilmir. Xüsusilə uşağın tərbiyəsi və onun şəxsiyyətinin inkişafı üçün müvafiq şərait olmayan ailələrlə iş zamanı bu çətinlik özünü qabarıq şəkildə göstərir. Belə ailələrin müxtəlif tipləri mövcud ola bilər ki, onların hər birində psixoloqun yerinə yetirəcəyi iş o birilərindən fərqlənir. Bu cür ailələrin aşağıdakı tiplərinə rast gəlmək mümkündür: 1) boşanma ərəfəsində olan ailələr, 2) boşanmış ailələr, 3) şəxsiyyətlərarası və şəxsiyyətdaxili munaqişələri həll
olunmamış ailələr, 4) əxlaq, ictimai münasibət normalarına uyğun olmayan sərvət və normalar sistemi formalaşmış ailələr. Psixoloqun həmin ailələrdən gələn uşaqlarla müvafiq iş apara bilməsi üçün həmin ailələr, orada uşaqların tərbiyəsi üçün yaradılan şəraitin xüsusiyyətləri ilə ətraflı tanış olması zəruridir. Adətən, birinci tip ailələrdə uşaqların tərbiyəsi və sosiallaşması üçün yaranmış şəraitin xarakterik xüsusiyyəti bundan ibarətdir ki, həmin ailələrdə uşaqlar artıq kəskin, açıq xarakter almış ailə münasibətlərindəki münaqişələrə cəlb olu- nurlar. Onlar münaqişədə olan valideynlərinə öz münasibətlərini bildirməyə məcbur olurlar. Bütün bunlar həmin ailədəki uşaqların psixoloji və mənəvi zədə almasına, eləcə də məktəbdəki fəaliyyətinə mənfi təsir göstərməsinə səbəb olur. Məktəb psixoloqunun vəzifəsi bu cür şəraitə düşən şagirdləri müəyyənləşdirmək və onlarla psixoloji məsləhət işi aparmaqdan ibarətdir. Bu sahədə aparılan iş uşağın özünü qiymətləndirməsini təshih etməyə, günahkar olmaq fikrini, hissini aradan qaldırmağa yönəldilməlidir. Psixoloq uşağın öz
640 gələcəyini daha nikbin təsəvvür etməsinə köməklik göstərə bilər və göstərməlidir. Bu dövrdə valideynlərlə də izahat xarakterli söhbət aparmaq mümkündür və lazımdır. Söhbət zamanı valideynlərin uşağa qarşı müvafiq şəkildə davranmaq məsələsinə toxunmaq lazımdır. İkinci tip ailələrdə böyüyən uşaqlarla əlaqədar psixolo- qun aparacağı iş də düşünülmüş xarakter daşımalıdır. Burada da nəzərə alınması zəruri olan cəhətlər çoxdur. Adətən, bu cür ailələrdə uşaqdan bir növ qisas almaq silahı kimi istifadə olu- nur. Belə ki, uşağın onunla olmayan valideynlə ünsiyyət saxlamasına qəti imkan vermirlər. Bu isə uşağın nəinki ümumi inkişafına, tərbiyəsinə, o cümlədən təlim fəaliyyətinə mənfi təsir göstərir. Bu cür ailə şəraitində olan uşaqlarla psixoloqun apardığı iş onların yaş və cinsi xüsusiyyətlərini nəzərə almaq əsasında qurulmalıdır. Psixoloq bu zaman rollu treninqdən istifadə etməklə uşağın evdə əldə edə bilmədiyi rolu mənimsəməsinə, ünsiyyət sahəsinin genişlənməsinə və özü üçün yaxın dost seçməsinə nail olmalıdır. Bu kimi hallarda uşağın yanında qaldığı valideyni ilə məsləhət xarakterli iş aparılması məqsədəuyğundur. Üçüncü tip ailələrdə də uşağın inkişafı və sosiallaşması üçün uyğun olmayan şərait yaranır. Psixoloji tədqiqatlar göstərmişdir ki, həmin ailələrdəki şərait gizli, həll olunmamış münaqişələrin və ya uyğun şəkildə
həll edilməyən münaqişələrin olması ilə xarakterizə olunur. Bu cür münaqişələr isə ailədəki münasibətlərin psixoloji strukturunu aradan qaldırır ki, bu da çox vaxt uşağın şəxsiyyətinin inkişafına mane olur. Onun şəxsiyyətində arzu olunmayan əlamət və keyfiyyətlər, uyğun olmayan özünüqiymətləndirmə formalaşır, məktəbdəki davranışına, mənimsəməsinə, sinif yoldaşları və müəllimlərlə qarşılıqlı münasibətinə mənfi təsir göstərir. Yenietməlik dövründə bu daha aydın şəkildə təzahür edir. Məktəb psixoloqu bu cür ailələri aşkara çıxarmaqla burada
641 böyüyən
uşaqlara mümkün
olan psixoloji köməkliyi göstərməlidir. Valideynlərlə müvafiq izahat işi aparmalı, onların arasındakı münasibətin uşağın tərbiyəsinə nə kimi təsir göstərməsini qeyd etməlidir. Yeri gəldikcə həmin valideynlərə müvafiq psixoloji məsləhətlər verməlidir. Nəhayət, dördüncü tip ailələrlə psixoloqun apardığı iş də özünəməxsus xüsusiyyətə və əhəmiyyətə malikdir. Bu cür ailələrdə güc, gobudluq, alkoqolizm hökm sürə bilər. Həmin ailə mühiti nəinki uşaqlarda şəxsiyyətin ahəngdar inkişafına şərait yaratmır, eyni zamanda məktəbin həmin sahədə apardığı işi sıradan çıxarır. Belə ailələrdə böyüyən uşaqlarda ikili əxlaq, mənəviyyat formalaşır. Həmin uşaqlar qanunu pozmağa daha çox meylli olurlar. Onlarda, adətən, şübhə, inamsızlıq, onu əhatə edənlərlə mülayim şəxsi təmas yarada bilməmək, təcavüzkarlıq, zəifiradəlilik, xüdbinlik və s. kimi mənfi xarakter əlamətləri formalaşır. Məktəb psixoloqunun bu cür ailələrdən gələn uşaqlarla apardığı iş olduqca çətindir. Adətən, bu cür ailələr üçün qapalılıq, kənardan ona qarışmağa yol verməmək xarakterik haldır. Bu- na baxmayaraq həmin ailələr və onlardan gələn uşaqlarla iş aparılmalıdır. Məktəbin, məktəb psixoloqunun vəzifəsi uşağı tərbiyə etmək, onda mövcud olan qüsurları aradan qaldırmaqdan, onun şəxsiyyətindəki müsbət cəhətləri möhkəmləndirməkdən ibarətdir. Bütün bu işləri həyata keçirərkən psixoloq sinif rəhbərinin, ayrı-ayrı müəllimlərin, valideyn komitəsinin, şagird təşkilatlarının köməyindən istifadə etməlidir. 642 Özünü yoxlamaq üçün sual və tapşırıqlar 1. Psixoloji xidmət dedikdə nəyi başa düşürsünüz? 2. Məktəbə psixoloji xidmətin məqsəd və vəzifələri barədə qısaca danışın. 3. Məktəbə psixoloji xidmətin prinsipləri hansılardır? 4. Məktəbə psixoloji xidmət hansı mərhələlərdə həyata keçiri- lir? 5. Məktəbə psixoloji xidmətin
funksiyaları və əsas istiqamətləri hansılardır? 6. Məktəbə psixoloji xidmət məqsədilə hansı psixoprofilaktik işlər aparmaq lazımdır? 7. Məktəbə psixoloji xidmət prosesində yerinə yetirilən məsləhət işlərindən danışın. 8. Məktəbə psixoloji xidmət prosesində nə kimi diaqnostik işlər aparmaq olar? 9. Məktəbə psixoloji xidmət məqsədilə aparılan korreksiya işlərinin mahiyyəti nədən ibarətdir? 10. Məktəbə psixoloji xidmət prosesində yerinə yetiriləcək yardımçı işlərdən danışın. 11. Məktəbə psixoloji hazırlığın diaqnostikasını necə aparmaq olar?
– Bakı, 2003, səh.212-257 Əlizadə Ə.Ə. Məktəbə psixoloji xidmət: problemlər, düşüncələr// Azərbaycan məktəbi, 1993, №3.
643 – Bakı, 2004. Quliyev E.M. Uşaq və yaş psixologiyası. Testlər-300. - Bakı, 2006. Məmmədov İ.Ə. Azərbaycan məktəblərində psixoloji xidmətin təşkili təcrübəsi və elmi-metodik problemləri. – Bakı, 1996
xidmət. – Bakı, 1996. Psixoloqiçeskaə slujba
v şkole
/ Pod
red. İ.V.Dubrovina. – M., 1984 Roqov E.İ. Nastolğnaə kniqa praktiçeskoqo psixoloqa v obrazovanii. – M., 1995. 644 Mündəricat Ön söz ....................................................................................... 2 BİRİNCİ HİSSƏ 5 PSİXOLOGİYAYA GİRİŞ...................................................... 5 1 - c i F Ə S İ L 5 PSİXOLOGİYANIN PREDMETİ VƏ METODLARI ............ 5 I. 1.1. Psixologiyanın predmeti ................................................. 6 I. 1.2. Psixologiyanın elmlər sistemində 8 yeri və sahələri .......................................................................... 8 I.1.3. Psixologiya elminin inkişaf mərhələləri ..................... 16 I.1.4. Azərbyacanda psixoloji fikrin və elmi psixologiyanın yaranması, inkişafı ......................................... 21 I.1.5. Psixologiyanın tədqiqat metodları .............................. 47 2 - c i F Ə S İ L PSİXİKANIN FİLOGENEZDƏ İNKİŞAFI........................... 56 İKİNCİ HİSSƏ FƏALİYYƏT VƏ ÜNSİYYƏT.............................................. 64 3 - c ü F Ə S İ L FƏALİYYƏT.......................................................................... 64 II.3.1. Fəaliyyət haqqında anlayış ........................................ 64 II.3.2. Fəaliyyət və fəallıq ...................................................... 65 II.3.3. Fəaliyyətin quruluşu ................................................... 67 II.3.4. Fəaliyyətin mənimsənilməsi........................................ 70 II.3.5. Fəaliyyətin əsas növləri ............................................... 91 4 - c ü F Ə S İ L ÜNSİYYƏT ............................................................................ 97 II.4.1. Ünsiyyət haqqında anlayış............................................ 97 II. 4.2. Ünsiyyət informasiya mübadiləsi kimi..................... 105 II. 4. 3. Ünsiyyət şəxsiyyətlərarası qarşılıqlı təsir kimi .............................................................................. 122 II. 4. 4. Ünsiyyət insanların bir-birini qavraması
645 və anlaması kimi ................................................................... 130 ÜÇÜNCÜ HİSSƏ ŞƏXSİYYƏT, QRUPLAR VƏ ŞƏXSİYYƏTLƏRARASI MÜNASİBƏTLƏR............................................................... 136 5 - c i F Ə S İ L ŞƏXSİYYƏT ........................................................................ 136 III. 5. 1. Şəxsiyyət haqqında anlayış ..................................... 137 III.5.2. İnsan, fərd, şəxsiyyət və fərdiyyət ............................ 140 III.5.3. Şəxsiyyətin psixoloji strukturu.................................. 141 III. 5. 4. Şəxsiyyət haqqında əsas nəzəriyyələr ..................... 165 III. 5. 5. Şəxsiyyətin fəallığı və istiqaməti .......................... 178 III. 5. 6. Şəxsiyyətin mənlik şüuru........................................ 185 III.5.7.Hisslər, iradə, fəaliyyət .............................................. 189 6-cı F Ə S İ L QRUPLARIN PSİXOLOGİYASI ....................................... 194 III. 6. 1. Qruplar haqqında anlayış ....................................... 195 III. 6. 2. Qrupların təsnifatı .................................................. 198 III.6.3. Kiçik qrupların fenomenologiyası və strukturu ....... 202 III. 6.4. Şəxsiyyətlərarası münasibətlər............................. 216 III. 6. 5. Qruplarda şəxsiyyətlərarası seçmə..................... 222 DÖRDÜNCÜ HİSSƏ PSİXİ PROSESLƏR VƏ HALLAR ..................................... 239 7-ci FƏSİL DİQQƏT ............................................................................... 239 IV. 7. 1. Diqqət haqqında anlayış.......................................... 239 IV. 7. 2. Diqqətin fizioloji mexanizimləri............................. 241 IV. 7. 3. Diqqətin növləri ...................................................... 243 IV. 7. 4. Diqqətin xarakterik xüsusiyyətləri.......................... 245 IV.7.5. Diqqətin inkişafı və dərsdə şagirdin diqqətinin səmərəli təşkili haqqında....................................................... 249 8 - c i F Ə S İ L DUYĞULAR ........................................................................ 252 IV.8.1. Duyğular haqqında anlayış ....................................... 253 I V . 8 . 2 . D u y ğ u l a r ı n t ə s n i f a t ı .................... 255
646 IV.8.3. Duyğuların ümumi qanunauyğunluqları................... 259 9-cu FƏSİL QAVRAYIŞ .......................................................................... 266 IV . 9.1. Qavrayışın ümumi xarakteristikası ......................... 266 IV.9.2. Qavrayışın əsas xüsusiyyətləri.................................. 267 IV. 9.3. Qavrayışın təsnifi və növləri:................................... 271 10-cu FƏSİL HAFİZƏ ................................................................................ 279 IV.10.1. Hafizə haqqında anlayış.......................................... 280 IV.10.2. Hafizənin prosesləri ................................................ 283 IV.10.3. Hafizənin növləri və tipləri ..................................... 288 IV.10.4. Hafizə pozuntuları................................................... 291 1 1 - c i F Ə S İ L T Ə F Ə K K Ü R ................................................................. 294 IV. 11.1. Təfəkkür haqqında anlayış.................................... 294 IV.11.2. Dilin və nitqin təfəkkürlə əlaqəsi............................ 299 IV.11.3. Təfəkkür prosesləri və ya fikri əməliyyatlar........... 302 IV.11.4. Təfəkkürün əsas növləri........................................ 307 IV.11.5. Təfəkkürün formaları.............................................. 310 IV.11.6. Təfəkkürün fərdi xüsusiyyətləri.............................. 315 12-ci FƏSİL TƏXƏYYÜL VƏ YARADICILIQ ...................................... 318 IV. 12.1. Təxəyyül haqqında anlayış ................................... 318 IV. 12. 2.. Təxəyyülün növləri ............................................. 322 IV. 12. 3. Təxəyyül surətlərinin yaradılması prosesi ................................................................................... 325 IV. 12. 4. Təxəyyül və oyun................................................. 327 IV. 12. 5. Təxəyyül və yaradıcılıq ...................................... 329 13-cü FƏSİL HİSSLƏR. EMOSİONAL HALLAR ................................... 335 IV.13.1. Hisslər haqqında anlayış ......................................... 335 IV 13.2. Hisslərin xarici ifadəsi və əsas keyfiyyətləri .......... 339 IV.13.3. Hisslərin fizioloji əsasları və funksiyaları .............. 341 IV.13.4. Hisslərin keçirilməsi formaları ............................... 345
647 IV.13.5. Ali hisslər................................................................ 350 14-cü FƏSİL İRADƏ .................................................................................. 357 IV.14.1. İradə haqqında anlayış ............................................ 357 IV.14.2. İradi işin quruluşu ................................................... 361 IV.14.3. Şəxsiyyətin iradi keyfiyyətləri ................................ 362 BEŞİNCİ HISSƏ ŞƏXSIYYƏTIN FƏRDI-PSIXOLOJI XASSƏLƏRI ......... 367 1 5 - c i F Ə S I L TEMPERAMENT................................................................. 367 V.15.1. Temperament haqqında anlayış................................ 367 V.15.2. Temperament haqqında təlimlər tarixindən ............. 369 V.15.3 Temperamentin tipləri............................................. 371 V.15.4. Temperamentin fizioloji əsasları.............................. 373 16-cı FƏSİL XARAKTER ........................................................................... 378 V.16.1. Xarakter haqqında anlayış........................................ 379 V.16.2. Xarakterin quruluşu.................................................. 380 V.16.3. Xarakter haqqında təlimlər tarixindən ..................... 382 V. 16.4. Xarakter və şəxsiyyət .............................................. 391 V 16.5. Xarakterin formalaşmasının şərtləri......................... 393 17-ci F Ə S İ L Q A B İ L İ Y Y Ə T L Ə R .................................................. 398 V. 17.1. Qabiliyyətlər haqqında anlayış................................ 398 V.12. 2. Qabiliyyətlərin keyfiyyət və kəmiyyət xarakteristikası ...................................................... 402 V. 17. 3. Qabiliyyətlərin quruluşu......................................... 407 V. 17. 4. Qabiliyyət və talantın təbii şərtləri......................... 411 V. 17. 5. Qabiliyyətlərin formalaşması ................................. 414 ALTINCI HİSSƏ ŞƏXSİYYƏT TƏLİM VƏ TƏRBİYƏNİN OBYEKTİ KİMİ ................................................................... 419 18-ci FƏSİL YAŞ VƏ PEDAQOJİ PSİXOLOGİYANIN
648 PREDMETİ, VƏZİFƏLƏRİ VƏ METODLARI ................. 419 VI.18.1. Yaş və pedaqoji psixologiyanın predmeti............... 420 VI. 18. 2. Yaş psixologiyasının əsas bölmələri və vəzifələri ............................................................................................... 423 VI. 18. 3. Psixi inkişafın yaş dövrləri .................................. 423 VI.18.4. Müasir pedaqoji psixologiyanın əsas problemləri, vəzifələri və bölmələri .......................................................... 427 VI.18.5. Yaş və pedaqoji psixologiyasının tədqiqat metodları ............................................................................................... 430 19-cu FƏSİL MƏKTƏBƏ DAXİL OLANADƏK UŞAĞIN PSİXİ İNKİŞAFI................................................................... 436 VI. 19.1. Körpəlik və erkən uşaqlıq dövrünün xüsusiyyətləri ........................................................................ 436 VI.19.2. Bağça yaşı dövrünün psixoloji xüsusiyyətləri ........ 440 VI.19.3.Uşağın məktəbə psixoloji hazırlığı .......................... 447 2 0 - c i F Ə S İ L KİÇİK MƏKTƏBLİLƏRİN PSİXİ İNKİŞAFI .................... 454 VI.20.1. Uşağın məktəb həyatının ilk dövrünün psixoloji xüsusiyyətləri ......................................................... 455 VI.20.2. Kiçik yaşlı məktəblilərdə idrak proseslərinin inkişafı ............................................................................................... 456 VI.20.3. Kiçik məktəblilərdə hisslərin, iradə və xarakterin inkişafı................................................................................... 462 21-ci FƏSİL YENİYETMƏLİK YAŞI DÖVRÜNÜN PSİXOLOGİYASI ............................................................................................... 468 VI.21.1.Yeniyetməlik yaşının ümumi xarakteristikası ......... 468 VI.21.2. Yeniyetmə yaşında şəxsiyyətin formalaşması ........ 471 VI.21.3. Yeniyetmələrdə yaşlılıq hissi və meylinin formalaşması ......................................................................... 475 VI.21.4. Yeniyetmələrin təlim fəaliyyəti və onlarda idrak proseslərinin inkişafı ............................................................. 476 2 2 - c i F Ə S İ L
649 İLK GƏNCLİK YAŞI DÖVRÜNÜN PSİXOLOJİ XÜSUSİYYƏTLƏRİ............................................................ 483 VI.22.1. Gənclik yaşının ümumi xarakteristikası ................. 483 VI.22.2. İlk gənclik yaşında şəxsiyyətin inkişafı .................. 485 VI.22.3. Böyük məktəblilərin təlim fəaliyyəti və idrak proseslərinin inkişafı ............................................................. 489 2 3 - c ü F Ə S İ L TƏRBİYƏ PSİXOLOGİYASI ............................................. 496 VI.23.1. Şəxsiyyətin formalaşması tərbiyə psixologiyasının əsas problemi kimi ................................................................ 497 VI.23.2. Məktəb yaşı dövründə şəxsiyyətin formalaşmasının psixoloji şərtləri..................................................................... 498 VI.23.3. Tərbiyəvi tədbirlərin psixoloji cəhətdən əsaslandırılması və məktəblilərin tərbiyəlilik səviyyəsinin müəyyənləşdirilməsi problemi.............................................. 501 VI.23.4. Şəxsiyyətin özünütərbiyəsinin psixoloji əsasları................................................................................... 508 VI.23.5.Şagirdlərin əxlaq tərbiyəsinin psixoloji ................... 515 əsasları................................................................................... 515 VI.23.6. “Çətin” uşaqlar və onlarla aparılan işin xüsusiyyətləri ............................................................................................... 521 2 4 - c ü F Ə S İ L TƏLİM PSİXOLOGİYASI................................................... 527 VI.24.1.Təlim prosesi pedaqoji psixologiyanın nəzəri və tətbiqi problemi kimi........................................................................ 528 VI. 24.2. Təlim və psixi inkişaf ............................................ 533 VI. 24.3. Öyrənməyə qabillik problemi və mənimsəmə ....... 536 VI.24.4. Öyrənmənin müvəffəqiyyətini təmin edən amillər........................................................................... 541 VI.24.5. Təlim prosesində motivasiya - tələbat .................... 548 sahəsinin formalaşması ......................................................... 548 VI. 24.6. Dərsin təşkilinin psixoloji şərtləri.......................... 553 VI.24.7. Təlimin fərdiləşməsi və diferensiasiyası................. 557 2 5 - c i F Ə S İ L
650 PEDAQOJİ FƏALİYYƏTİN VƏ MÜƏLLİM ŞƏXSİYYƏTİNİN PSİXOLOGİYASI ................................ 562 VI.25.1. Pedaqoji fəaliyyətin psixoloji xüsusiyyətləri.......... 563 VI.25.2. Müəllim şəxsiyyətinin psixologiyası və müəllimin pedaqoji ustalığının psixoloji əsasları ................................... 565 VI.25.3. Pedaqoji ünsiyyətin psixoloji mexanizmləri haqqında ............................................................................................... 582 VI.25.4.Şagird şəxsiyyəti və sinif kollektivinin öyrənilməsi və onlara psixoloji xarakteristika tərtibinin prinsipləri. Dərsin psixoloji təhlili......................... 599 VI.25.5. Pedaqoji kollektiv və ona rəhbərliyin bəzi psixoloji məsələləri........................................................ 609 2 6 - c ı F Ə S İ L MƏKTƏBƏ PSİXOLOJİ XİDMƏTİN ƏSASLARI............ 616 VI. 26.1. Məktəbə psixoloji xidmətin məqsəd və vəzifələri................................................................................ 617 VI.26.2. Məktəbə psixoloji xidmətin prinsipləri və həyata keçirilmə mərhələləri................................................. 622 VI. 26. 3. Məktəbə psixoloji xidmətin funksiyaları və əsas istiqamətləri............................................................................... 625 Yüklə 2,65 Mb. Dostları ilə paylaş:
|