Diqqət: Müəllif və tərcüməçi hüququ qorunur!

Məscidə getməyin fəzilət və dəyəri

90- Həzrət Məhəmməd (səlləllahu əleyhi və alih) : Məscidə tərəf addım atan şəxs, (hər addımın) müqabilində (bir) savab qazanar.¹⁰⁶


91- Həzrət Məhəmməd (səlləllahu əleyhi və alih) : Məscidə sarı yola düşən şəxs, atdığı hər addımın müqabilində on savab qazanar.¹⁰⁷

92- Həzrət Məhəmməd (səlləllahu əleyhi və alih) : Məscidə tərəf yola düşən şəxs, evinə qayıdanadək atdığı hər addımın müqabilində on savab qazanar. Həmçının onun əməl dəftərindən on günah silinər və nəticədə o, on mərtəbə ucalar.¹⁰⁸

93- Həzrət Məhəmməd (səlləllahu əleyhi və alih) : Evindən məscidə getmək niyyəti ilə addım atan şəxs, əməl dəftərinə bir addımında bir savab yazar və o biri addımında isə bir günahını silər.¹⁰⁹

94- Həzrət Məhəmməd (səlləllahu əleyhi və alih) : Allah-Təala (qiyamət günü) üç şəxsə zamin olar: məscidə sarı yola düşən şəxsə; Allah-Təala qiyamət günü onu tapıb, beniştə göndərməyə, yaxud da, onun əməlinin savabını verməyə zəmanət verir.¹¹⁰

95- Həzrət Məhəmməd (səlləllahu əleyhi və alih) : Azan oxuyanın (namaza) çağırışını qəbul etmək (namaza getmək), Allahın rəhmət nəzərini cəlb edər və o, behiştlə mükafatlandırılar. Mən onu rəd edən (namaza getməyən) şəxslə qiyamət günü mübarizə aparacağam. Allah carçısının dəvətini qəbul edıb, məscidə gedən şəxsın xoş halına! Cənnət əhli olan mömin şəxslərdən başqa heç kəs müəzzinin (namaza) dəvətini qəbul etməz.¹¹¹

96- Həzrət Məhəmməd (səlləllahu əleyhi və alih) : Məscidə getmək Allah və Peyğəmbərinin (səlləllahu əleyhi və alih) əmrinə tabe olmaq deməkdir. Hər kim, Allah və Peyğəmbərinə (səlləllahu əleyhi və alih) itaət etsə, Tanrı onu sadiqlər və şəhidlərlə birlikdə behiştə daxil edər. O, behiştdə Həzrət Davudla (əleyhis-səlam) həmsöhbət olar və Həzrət Davuda (əleyhis-səlam) verilən savab qədər mükafatlandırılar.¹¹²

97- Həzrət Məhəmməd (səlləllahu əleyhi və alih) : Hər səhər-axşam məscidə getmək Allah yolunda cihad etməyin bir hissəsi sayılır.¹¹³

98- Həzrət Məhəmməd (səlləllahu əleyhi və alih) : Məscidə hər səhər-axşam Allaha xatir getməyən şəxsin əməlləri naqisdir.¹¹⁴

99- Həzrət Məhəmməd (səlləllahu əleyhi və alih) : Hər səhər-axşam məscidə gedən şəxsin hər gedişində, Allah-Təala onun behişt azuqəsini hazırlayır.¹¹⁵

100- Həzrət Məhəmməd (səlləllahu əleyhi və alih) : Sənin məscidə doğru gedişinin və oradan evə qayıdışının savabı bərabərdir.¹¹⁶

101- Həzrət Məhəmməd (səlləllahu əleyhi və alih) : Hər səhər-axşam məscidə gedən şəxs, bu əməlinə başqa işlərlə müqayisədə daha çox əhəmiyyət versə, Allah-Təala hər dəfə onun üçün behişt nemətlərindən azuqə hazırlayar. Necə ki, sizlərdən hər biri sevdiyiniz şəxsin sizin görüşünüzə gəldiyinni gördükdə, ona (xüsusi) ziyafət təşkil edər.¹¹⁷

102- Həzrət Məhəmməd (səlləllahu əleyhi və alih) : Agah olun! Hər kim camaat namazı qılmaq niyyəti ilə məscidə gedərsə, hər addımının müqabilində yetmiş min savab əldə edər və elə bu qədər də, onun əməl dərəcəsi artar.¹¹⁸

103- Həzrət Məhəmməd (səlləllahu əleyhi və alih) : Bu altı xislətdən biri hansı müsəlmanda olarsa, Allah-Təala onun behiştə daxil olmasına zamin olar: ... Gözəl şəkildə dəstəmaz alib, namaz qılmaq üçün məscidə gedən şəxs. Əgər bu şəxs məscidə gedərkən (ya qayıdarkən) dünyasını dəyişsə, Allah-Təala (onun behiştə getməsinə) zamin olar.¹¹⁹

104- Həzrət Məhəmməd (səlləllahu əleyhi və alih) : Evində özünü təmizləyib, sonra da, vacib namazlardan birini yerinə gətirmək üçün Tanrı evlərindən birinə sarı yola düşən şəxsin bir addımı onun pis əməllərini təmizləyib, digər addımı isə (behiştəki) məqamını yüksəldər.¹²⁰

105- Həzrət Məhəmməd (səlləllahu əleyhi və alih) : Gözəl şəkildə dəstəmaz alib, yalnız namaz qılmaq üçün evdən çıxan şəxs, məscidə daxil olana qədər (hər addım attığında) ardıcıl olaraq sol ayağı onun pis əməllərini məhv edib, sağ ayağı da, (ona) savab yazar.¹²¹

106- Həzrət Məhəmməd (səlləllahu əleyhi və alih) : Layiqli şəkildə dəstəmaz alib, təkcə namaz qılmaq məqsədi ilə məscidə sarı yola düşən şəxs, oraya daxil olana qədər attığı hər addımda, Allah-Təala onun günahlarını silib, məqamını yüksəldər. Və məscidə daxil olduğu vaxtdan namazın başlanmasına qədər olan müddətdə, namaz qılan şəxs kimidir.¹²²

107- İmam Zeynül-abidin (əleyhis-səlam) : Məscidlər Allahın evləridir. Məscidə dogru şövqlə tələsən insanlar, fərəhlə Allahın hüzuruna, görüşünə tələsmiş kimidirlər.¹²³

108- İmam Sadiq (əleyhis-səlam): Yağışlı və ya quru havada məscidə tərəf irəliləyən şəxsi, yerin yeddi qatı mədh edər.¹²⁴
3/5

Məscidə hər kəsdən öncə daxil olmağın savabı

109- Həzrət Məhəmməd (səlləllahu əleyhi və alih) : "(Qurani-Kərimdə buyurulur) " Və öndə olanlar. Onlar (dünyada Allah yolunda, imanda, əməldə, xeyirdə öndə olduqları kimi, axirətdə də) öndədirlər! (Nə xoşbəxtdir onlar!)

Onlar (Allah dərgahına, Allahın lütfünə) yaxınlaşmış kimsələrdir."¹²⁵ (Bu ayənın nümunələrindən biri də,) məscidə ilk daxil olan və oranı sonuncu olaraq (hamıdan sonra) tərk edən şəxsdir."¹²⁶

110- İmam Baqir (əleyhis-səlam): Allahın rəsulu (səlləllahu əleyhi və alih) Cəbraildən soruşdu: "Ey Cəbrayıl! Hansı məkan Allah yanında daha sevimlidir?"

Dedi: Məscidlər. Və Allahın ən çox sevdiyi məscid əhli isə hamıdan qabaq məscidə girib, hamıdan sonra oranı tərk edən şəxsdir.¹²⁷

111- Həzrət Məhəmməd (səlləllahu əleyhi və alih) : (Əbuzərə nəsihət edərkən) Ey Əbuzər! Qiyamət günündəki bayraq sahibləri necə də xoşbəxtdirlər. Onlar əllərində bayraq hamıdan qabaqda behiştə doğru gedərlər. Agah olun! Onlar sübh çağı və başqa vaxtlar hər kəsdən əvvəl namaza tələsənlərdir.¹²⁸
4/5