Дисперс системлярдя агрегатив давамлылыг вя коагулйасийа

12.10. Sensibilizasiya. Flokulyasiya. Heteroadaqulyasiya
Bəzi hallarda zollara az miqdar YMB əlavə etdikdə onların davamlılığı art­maq əvəzinə azalır. Bu hadisə sensibilizasiya adlanır. Sensibilizasiyanın me­xanizmi belədir: YMB-nin kiçik qatılıqlarında hissəciklərin səthinin bir his­səsində yumşaq adsorbsiya təbəqəsi yaranır, səthin digər hissəsi isə boş qa­lır. Ona görə də eyni makromolekulun müxtəlif hissələrinin iki dispers fa­za hissəciyində adsorbsiya olunma ehtimalı artır. Nəticədə «tikilmə» he­sa­bına flokulyasiya baş verir və yumşaq aqreqatlar – flokullar əmələ gəlir. YMB-yə flokulyantlar deyilir. Flokulyantlar təbii və sintetik; qeyri-üzvi və üz­vi; ionogen, qeyri-ionogen və amfoter kimi təsnif olunur. Flokulyant ki­mi sənaye miqyasında istehsal olunan poliakrilamiddən (PAA)

geniş istifadə olunur. PAA – nın molyar kütləsi -dır və suda yaxşı həll olur. Flokulyantlardan məhlulların rəngsizləşdirilməsi, su­yun təmizlənməsi üçün geniş istifadə olunur.

Dispers sistemə salınmış yad makrosəthli cisimlərin səthində dispers fa­za hissəciklərinin çökməsi və yapışması heteroadaqulyasiya adlanır. He­te­roadaqulyasiya termini heterogen adigeziya koaqulyasiyasının qısaldılmış for­masıdır. S.S.Voyutskinin fikrincə heteroadaqulyasiyaya səbəb sta­bili­za­to­run yad cismin səthində adsorbsiyası hesabına onun kolloid sistemdə qa­tı­lı­ğının azalmasıdır.