138
qaldıran maşınların, qüllələrin və nərdivanların hərəkət sürəti
5km/saat olub, onların ixtiyari hissəsindən gərginlik altında
olan cərəyan keçirən hissələrə qədər olan məsafə 35kV-a
qədər 1m, 110kV-a qədər 1,5m, 220kV-a qədər isə 2,5
olmalıdır. Gərginlikdən aşılmamış cərəyan keçirən hissələrin
yaxınlığında işləyən maşınların, teleskopik qüllələrin və
hərəkət edən nərdivanların metal gövdələrini (şassi)
torpaqlamaq vacibdir.
Hündürlükdə, avadanlığın və ya metal konstruksiyaların
üstünə çıxıb görülən işlər daha təhlükəli sayılır. Müəyyən
hündürlüyə qalxıb iş görən işçilərin kvalifikasiya qrupu III-
dən az olmamalıdır. Onlar işə başlamazdan öncə və dövrü
(periodik) olaraq (ildə bir dəfə) həkim müayinəsindən
keçməlidir. Yuxarılarda (hündürlükdə) işləyən zaman taxtadan
düzəldilmiş müvəqqəti qurğulardan (çəpərlənmiş) və qoruyucu
qovşaqlardan istifadə olunmalıdır.
Dostları ilə paylaş: