ƏHMƏd-cabiR ƏHMƏdov zeytun və zeytun yağI (Monoqrafiya)


Cədvəl 1.2. Zeytun və zeytun məhsullarının



Yüklə 1,04 Mb.
səhifə11/65
tarix02.01.2022
ölçüsü1,04 Mb.
#38267
1   ...   7   8   9   10   11   12   13   14   ...   65
HM d-cabiR HM dov zeytun v zeytun ya I (Monoqrafiya)

Cədvəl 1.2. Zeytun və zeytun məhsullarının

kimyəvi tərkibi və qidalılıq dəyəri


Məhsulun

Məhsulun adı


adı

100 qram məhsulda, faizlə

100 qr.

məhsulun

enerji

dəyəri,


kkal

Su

Zülal

Yağ

Karbo-

hidrat


Üzvi

turşu


Kül

1. Zeytun

(ətliyi)


50,0

1,6

23,0

4,9-8,6

0,45

1,5

232-245

2.Konservləş-

dirilmiş

zeytun


69,6

1,8

16,3

5,2

0,2

4,7

174,7

İçi doldurul-

muş zeytun:
























3.1. Badam

işli


63,4

4,9

20,3

4,5

0,2

4,1

220,3

3.2. Sarımsaq

içli


73,2

2,0

8,8

6,2

0,2

4,3

112,0

3.3. Şirin

bibər içli



77,5

1,3

8,8

3,7

0,2

4,4

99,2

4.Konservləş-

dirilmiş qara zeytun



69,5

1,8

16,8

5,7

0,3

4,5

181,2

5. Zeytun

yağı


0,2

-

99,8

-

-

-

898

Cədvəl 1.3. Konservləşdirilmiş zeytun məhsullarında vitaminlərin və

minerallı maddələrin miqdarı


Vitaminlər

100 qram məhsulda

Mineral

maddələr

100 qram məhsulda

Xolin

10,3 mq

Selen, Se

0,9 mq

Vitamin PP –

Niasin


0,037 mq

Manqan, Mn

0,02 mq

Vitamin K –

Filloxinon



1,4 mq

Mis, Cu

251 mkq

Vitamin E –

Tokoferol



1,65 mq

Sink, Zn

0,22 mq

Vitamin C-

Askorbin turşusu



0,9 mq

Dəmir, Fe

3,3 mq

Vitamin B6

Piridoksin



0,009 mq

Fosfor, P

3,0 mq

Vitamin B5

Pantoten turşusu



0,015 mq

Kalium, K

8,0 mq

Vitamin B1

Tiamin


0,003 mq

Natrium, Na

872 mq

Vitamin A –

Retinol


20 mkq

Maqnezium,

Mg


4,0 mq

β – karotin

0,237 mq

Kalsium, Ca

88 mq


    1. Zeytun bitkisinin botaniki təsviri və biologiyası

Zeytun bitkisi zeytunkimilər (Oleaceae) fəsiləsinin zeytun (Olea) cinsinə, avropa (Europaea) növünə aiddir. Zeytun bitkisinin elmi təsnifatı 1.4. saylı cədvəldə verilir.

Cədvəl 1.4. Zeytun bitkisinin elmi təsnifatı


Təsnifatın adları

Azərbay-canca

Rusca

Latınca

Aləmi:

Bitkilər

Растения

Plantae

Şöbə:

Örtülütoxum-

lular


Покрытосеменные

Angiospermae

Sinif:

İkiləpəlilər

Двудольные

Dicotyledoneae

Sıra:

Dalamazçi-çəklilər

Ясноткоцветные

Lamiales

Fəsilə:

Zeytunkimilər

Маслиновые

Oleaceae

Cins:

Zeytun

Маслина

Olea

Növ:

Avropa zeytunu

Олива европейская

Olea europaea

Zeytun cinsinin 34 növü vardır. Bunlardan ən çox yayılmış Avropa zeytununun (Olea europaea) 6 növmüxtəlifliyi də vardır.



  1. Olea ambrensis H.PERRIER

  2. Olea bomeensis BOERL

  3. Olea brachiata (LOUR.) MERR.

  4. Olea capensis L.

  5. Olea capitellata RIDL.

  6. Olea caudatilimba L.C.CHIA

  7. Olea chimanimani KUPICHA

  8. Olea cordatula H.L.Li

  9. Olea dioica ROXB.

  10. Olea europaea L.

10.1. Olea europaea subsp. europaea

10.2. Olea europaea subsp. cerasiformis

G.KUNKEL & SUNDING

10.3. Olea europaea subsp. cuspidate (WALL.

EX. G.DON) CIF.

10.4. Olea europaea subsp. guanchica

P.VARGAS ET AL.

10.5. Olea europaea subsp. laperrinei (BATT &

TRAB.) CIF.

10.6. Olea europaea subsp. maroccana

(GREUTER & BURDET) P.VARGAS ET AL.

11. Olea exasperata JACQ.


  1. Olea gagnepainii KNOBL.

  2. Olea gamblei C.B.CLARKE

  3. Olea hainanensis H.L.i

  4. Olea javanica (BLUME) KNOBL.

  5. Olea lancea LAM.

  6. Olea laxiflora H.L.Li

  7. Olea moluccensis KIEW

  8. Olea neriifolia H.L.Li

  9. Olea palawanensis KIEW

  10. Olea paniculata R.BR.

  11. Olea parvilimba (MERR & CHUN) B.M.MIAO

  12. Olea polygama WIGHT

  13. Olea puberula RIDL

  14. Olea rosea CRAIB

  15. Olea rubrovenia (ELMER) KIEW

  16. Olea salicifolia WALL.EX G.DON

  17. Olea schliebenii KNOBL.

  18. Olea tetragonoclada L.C.CHIA

  19. Olea tsoongii (MERR.) P.S.GREEN

  20. Olea welwitschii (KNOBL) GILG

&G.SCHELLENB.

  1. Olea wightiana WALL. EX. G.DON

  2. Olea woodiana KNOBL.

  3. Olea yuennanensis HAND.-MAZZ.


      1. Zeytun bitkisinin botaniki təsviri

Zeytun bitkisi Cənubi Avropada, Afrikada, Cənubi Asiya və Avstraliyanın mülayim isti və tropik bölgələrində yayılmışdır. Zeytun həmişəyaşıl halda 4 – 6, nadirən 10 – 12 metr hündürlükdə ağac olub, müxtəlif çətir formasındadır. Çətirin diametri 2 metrə qədər çata bilir. Yarpaqları bütöv, uzunluğu 3 – 8 sm, eni isə 1 – 5 sm- dir. Yarpaqlarının üst hissəsi tutqun yaşıl, alt hissəsi gümüşü- parlaq, kənarları burulmuş halda olur. Yarpaqlarının epidermis qatında qış dövründə ikinci dəfə nişasta toplanır. Yarpaqları 2 – 3 il tökülmədən ağacın üzərində qalır. Nəzəri o qədər də cəlb etməyən xırda ag və ya yaşıltəhər rəngli çiçəkləri və yetişəndə qara- bənövşəyi rəngə boyanan meyvələri vardır. Meyvəsi birtoxumludur, lətli, yağlı yanlığı var, toxumları uzunsov, qonur rənglidir. Zeytun may – iyun aylarında çiçək açır, meyvələri oktyabr – noyabrda yetişir. Tarixi mənbələrdən aydın olur ki, zeytun 1500 – 2000 ilə qədər yaşayır. O 150 ilə qədər məhsulvermə qabiliyyətinə malik olur.

Meyvələrinin lət hissəsində quru maddəyə görə 70%-ə qədər, toxumunda isə 25 – 30% əla keyfiyyətli piyli yağ vardır. Bu yağdan həm yeyinti sənayesində, həm də təbabətdə geniş istifadə olunur.

Əsil vətəni Aralıq dənizi sahilləri olmasına baxmayaraq Abşeronda özünə daha əlverişli ikinci vətən tapmışdır. Respublika şəraitində zeytun ağacının boyu 4 – 9 metrə çatır, diametri 90 sm- dək, gövdəsi düz və ya əyritəhər, çox vaxt fırlarla örtülü olur. Qabığı açıq- boz rənglidir. Ağacların çətri yaxşı qol- budaqlı, kürəşəkilli və ya oval olur. Yarpaqları bütövkənarlı, xırda və ya orta ölçüdə, uzunluğu 6 – 8 sm, eni 1 – 2 sm, dar- lanset formadan uzunsov- oval formayadək olur. Yarpaqlar qarşılıqlı yerləşmiş, gümüşü- boz rəngli, dərivarı, sivriuclu olub 2 – 4 il ömür sürür. Onlar iyunda, ağacların yazda boy atmasından əmələ gələn cavan yarpaqlardan sonra, tədricən tökülür. Zeytunun çiçəkləri ikicinsli, xırda, 4 – 6 mm uzunluqda ağımtıl- kremi rənglidir. 5- dən 40- a qədər olub kiçik süpürgəcikdə və ya uzunluğu 6 – 7 sm olan hamaşçiçəklərdə toplanmışdır.

Zeytunun meyvəsi birtoxumlu çəyirdəkli, kənarları ətlidir, çəkisi 1 – 15 qr- dək, girdə və ya uzunsov- oval formalı, ucu küt və ya şiş olur. Texniki yetişkənlikdə cavan meyvələrin rəngi açıq yaşıl, tam yetişənlərinki isə qara və ya tünd bənövşəyi olur. Çəyirdəyi iri, çəkisi 1 – 1,5 qr, bərk, səthi şırımcıqlı və ya kələ- kötür, uzunsov- oval formalı, ucu şiş, divarının qalınlığı 2 mm- dək olur.


1.3.2. Zeytunun bioloji xüsusiyyətləri

Zeytun bitkisinin vegetasiyası hava şəraitindən və yetişdirildiyi yerdən asılı olaraq, havanın temperaturu 8 – 100C olduqda, martın axırı və ya aprelin əvvəllərində başlayır. Zeytun ağacları üçün aydın görünən iki vegetativ boyatma dövrü – yaz və yay dövrləri xarakterikdir.

Zoğların yaz boyatması daha intensiv olub, apreldə başlayaraq iyunda qurtarır. Bu vaxt zoğlar Abşeronda 20 – 50 sm, digər bölgələrdə 80 sm- dək boy atır. İkinci – yay vegetasiyası iyulun axırından davam edir və zoğlar 10 – 40 sm boy atır. Zeytun ağacları havanın orta gündəlik temperaturu 20 – 230C olduqda, iyunun əvvəllərində çiçəkləməyə başlayır. Çiçəklər bərabər surətdə açılır, sortundan asılı olaraq 3 – 6 gün davam edir.

Zeytun bitkisi külək vasitəsilə tozlanır. Ağacların birevli olmasına baxmayaraq həm fertil (öz- özünü mayalayan), həm də steril sortları çarpaz tozlanma tələb edir. Çarpaz tozlanma nəticəsində yumurtalıqların sayı artır, tökülən meyvələrin miqdarı azalır və məhsuldarlıq yüksəlir. Odur ki, çiçəkləmə dövrünün hava şəraiti cari ilin məhsulunun yaranmasında görkəmli rol oynayır. Nisbətən sakit (Abşeronun şimal küləyi olmadan), isti, yağışsız hava tozluqların yaxşı yayılmasına, çiçəklərin daha tam mayalanmasına və yüksək məhsulun əsasının qoyulmasına səbəb olur.

Zeytunun xarakterik bioloji xüsusiyyətindən biri, ildən və sortdan asılı olaraq, çiçəklərinin yüksək dərəcədə defektiv (100%- dək) olmasıdır. Bu həm dişi, həm də erkək çiçəklərin orqanlarının degenerasiyası ilə (bioloji pozulma) əlaqədardır. Degenerasiyanın əmələ gəlməsinin əsas səbəbi xarici mühit şəraitidir. Vaxtında və keyfiyyətlə yerinə yetirilən aqrotexniki tədbirlər (gübrələmə, xüsusən azotlu gübrələrlə, suvarma, zoğların boy düyümünün qoparılması və s.) optimal miqdarda (35- 45%) ikicinsli çiçəklərin əmələ gəlməsinə və müntəzəm olaraq yaxşı məhsul götürülməsinə şərait yaradır. Sortundan asılı olaraq zeytunun faydalı yumurtalıqları əmələ gələn çiçəklərin ümumi miqdarının 2 – 7%- ni təşkil edir.

Zeytun meyvələrinin yetişməsi – texniki yetişkənliyə (meyvələr sorta münasib ölçüyə catdıqda, lakin rəngi hələ göy olduqda) oktyabrda başlayır və onları “göy zeytun” konservləşdirməkdə istifadə etmək olar. Həmin yetişkənlik mərhələsində olan meyvələrin tərkibində, sortundan asılı olaraq quru maddəyə görə 40 – 64% yağ olur. Meyvələri göy- bənövşəyi və ya qara rəng aldıqda tam botaniki yetişkənlik dövrünə çatır. Bu yetişkənlik sortdan və hava şəraitindən asılı olaraq yanvarın ortasına kimi davam edir.


1.3.3. Zeytunun aqroekoloji xarakteristikası
Zeytun yetişdirən rayonlarda onun normal boy atıb inkişaf etməsi vegetasiya ərzində fəal temperaturun yekunu 3500 – 45000C olduqda baş verir. Azərbaycanın zeytun yetişdirilən rayonlarında havanın mütləq minimumu ən soyuq keçən 1939/40, 1949/50 və 1963/64- cü illərin qışında qeyd olunmuş və ayrı- ayrı mikrosahələrdə havanın temperaturu -200C- yə çatmış ki, bu da zeytun ağaclarının müxtəlif dərəcədə donmasına səbəb olmuşdur.

Eyni bir sahədə bitkilərin inkişaf vəziyyətindən, onların qışa hazırlanmasından, aşağı temperaturun təsi-rindən, davamından və başqa amillərdən asılı olmayaraq, bitkilərin zədələnmə dərəcəsi sortun xüsusiyyətindən asılı olmuşdur. Yerli sortlar və formalar şaxtaya davamlı olmalarına görə xüsusilə fərqlənirlər. Bu sortlara – Azərbaycan zeytunu, Buzovna zeytunu, Bakı zeytunu, Qara zeytun, Armudu zeytun, Şirin zeytun və başqaları daxildir. Göstərilən sortlar qısa müddət davam edən aşağı temperatura (-13 -150C) dözür. Xarici mənşəli sortlar – Aqostino, Sevilyano, Manzanillo, Koreciolo şaxtaya davamsızdır və -8, -110C şaxtaya dözə bilir.

Müxtəlif ekoloji şəraitdə və mikrozonalarda zeytun bağları salarkən sortları təkcə keyfiyyətinə və məhsuldarlığına görə deyil, habelə onların şaxtaya davamlılığını nəzərə almaqla aşağı temperatura dair çoxillik məlumatlara əsasən iqlim şəraiti ilə müqayisə etməklə seçmək lazımdır. Çünki mütləq minimum respublikanın bir çox təbii zonalaraında və mikrozonalarında zeytunun inkişafı üçün əsas amil sayılır.

Uzun illərin tədqiqat nəticələri və aparılan müşahidələr Abşeron yarımadasında və Qaradəniz sahillərindəki ekoloji şəraitdə yetişən zeytun sortlarını şaxtaya davamlılığına görə 4 qrupa bölmək olar.

1. Şaxtaya əla davamlı sortlar. Çoxillik ağacların budaqları və kötüyü qısamüddətli -17, -180C şaxtaya davam gətirir. Belə sortlara Buzovna zeytunu, irimeyvəli Nikita və Tbilisi sortları aiddir.

2. Şaxtaya nisbətən yaxşı davamlı sortlar. Bu qrupun ağacları -15, -180C şaxtaya davam gətirir. Bunlara Azərbaycan zeytunu, Bakı zeytunu, Qara zeytun, Tolqamskaya, Tossiyskaya, Askolano, Nikita – 1 sortları aiddir.

3. Şaxtaya orta davamlı sortlar. Bu qrupun ağacları -13,5 , -140C şaxtaya davam gətirir. Üçüncü qrupa Qorvala, Leççino, Pikvales, Armudu zeytun, Della Madonna sortları aiddir.

4. Şaxtaya natamam davamlı sortlar. Bu qrupun ağacları -8, -100C şaxtaya qısamüddətdə davamlıdırlar. Dördüncü qrupa Aqostino, Sevilyano, Manzanillo, Koreciolo sortları daxildir.

Şirin zeytun, Santa Katerina, Dolçe-del-Morokko zeytun sortları üçüncü və dördüncü qrup arasında orta yeri tutur. İlin şəraitindən asılı olaraq -140C- dən aşağı temperatura davam gətirirlər.
1.4. Zeytunun botaniki sortları
Zeytunun keçmiş SSRİ- nin subtropiklərində yetişdirilən 80- ə qədər vətən və xaricdən gətirilən sortları məlum idi. Onların 50- ə qədər sort və 30- a qədər forma müxtəlifliyi Azərbaycanda var. Bu sortlara İtaliya, İspaniya, İranın Artvin bölgəsindən gətirilən zeytunlar, eləcə də Azərbaycan Respublikası, Krım Vilayəti, Qərbi və Cənubi Gürcüstanda yetişən yerli vətən sortları aiddir.

Xaricdən gətirilən və vətən sortları Azərbaycan Elmi- Tədqiqat Bağçılıq, üzümçülük və subtropik bitkilər İnstitutunun kolleksiyasında və MDB- nin digər bölgələrində (Krım, Gürcüstan, Tacikistan və digər bölgələr) toplanmışdır.

MDB- nin subtropiklərində becərilən xarici zeytun sortlarından Aqostino, Askolano, Della Madonna, Koreciolo, Leççino, Mission, Manzanillo, Ratso, Santa Katerina, Sevilyano və digərləri; Artvin sortlarından Qorvala, Nacviyskaya, Otur. Tolqomskaya, Tossiyskaya, Tbilisi və digərləri aiddir. Bu zeytun sortlarından vətən kolleksiyasının perspektiv sortları sayılan Nikita-1, Nikita-2 və ya irimeyvəli Nikita, Nikita-5, Nikita-6, Krım-172, Tezyetişən Krım, Kolxozçu, Primorski, Xırdayarpaqlı, Məhsuldar və digər sortlar selleksiya yolu ilə yetişdirilib becərilmişdir. Gürcüstanın yerli sortlarından Kardanaxi (Qərbi Gürcüstandan) və irimeyvəli Suxumi (Qərbi Gürcüstandan) ən yaxşı zeytun sortları hesab edilir.

Azərbaycanda yetişən və becərilən zeytun sortları və onun forma müxtəlifliyi Azərbaycan Elmi- Tədqiqat bağçılıq, üzümçülük və subtropik bitkilər İnstitutu tərəfindən aşkar edilmiş və öyrənilmişdir. Həmin İnstitutun əməkdaşları E.S. Xramov və İ.A. Jiqareviç tərəfindən 10-14 il müddətində zeytunun 28 forma və sortu öyrənilmişdir.

Zeytun sortlarının təsərrüfat- botaniki göstəriciləri şaxtaya davamlılıq, yetişmə müddəti, məhsuldarlığı, meyvənin əmtəəlik- texnoloji keyfiyyəti (yağlılığı, ətliliyi və ətliyin konsistensiyasına görə) üzrə qiymətləndirilmişdir.

Tədqiqatlar nəticəsində geniş miqyasda becərilmək və istifadə olunmaq üçün aşağıdakı zeytun sortları seçilmişdir.

Vətən sortlarından Azərbaycan Zeytunu (Baki-25), Şirin Zeytun (Bakı-17), Qara Zeytun (Bakı-88), Armudu Zeytun (Bakı-68), Buzovna Zeytunu, Bakı Zeytunu (Bakı-8), Nikita-1, Nikita-2 və ya irimeyvəli Nikita, Krım, xaricdən gətirilən sortlardan Askolano, Aqostino, Della Madonna, Pikvales, Santa Katerina, Tbilisi, Tolqomskaya, Tossiyskaya.

Meyvəsindən təsərrüfatda istifadə olunmasına görə zeytun sortları üç qrupa bölünür:



1. Konservlik sortlar – bu sortların meyvəsi texniki yetişkənliyə catdıqda (göy zeytun) duza və sirkəyə qoyulmaqla konservləşdirilir. Bunlara Askolano, Santa Katerina, Tolqomskaya, Armudu Zeytun və başqaları aiddir.

2. Konservlik- yağlı sortlar – bu sortların meyvələri tam yetişdikdə (qara zeytun) duzlamaq (quru duzlama) və zeytun yağı almaq üçün işlədilir. Bunlara Tolqomskaya, Aqostino, İrimeyvəli Nikita Zeytunu, Azərbaycan zeytunu, Şirin zeytun və başqaları daxildir.

3. Yağlı sortlar – bu sortların meyvələrindən ancaq yağ almaq üçün istifadə edirlər. Bunlara çox yağlı sortlardan – Della Madonna, Tbilisi, Koreciolo, Nikita zeytunu və başqaları daxildir.

Dövlət sortsınanmasına qəbul edilmiş bir sıra qiymətli sortları qısa təsvir edək.



Azərbaycan zeytunu – bu sortdan konserv yağ üçün istifadə olunur. Ağacı güclü boy atandır, boyu 9 m- ə çatır; çətri enli- girdə, qollu- budaqlıdır. Meyvəsi iri, uzunluğu 2,5 – 3,1 sm, kütləsi 5,9 qr, qısa- oval formalı, yastıburundur. Konserv üçün istifadə olunan meyvəsi (texniki) oktyabrda və qara meyvələri (botaniki) noyabrda yetişir. Hər ağacdan 35 – 40 kq məhsul yığılır. Meyvələrinin tərkibində 70%- ə qədər yağ vardır, 80%- i isə ətli hissə təşkil edir.

Aqostino – bu konserv yağlı sort sayılır. Ağacı ortaboylu, hündürlüyü 4 – 6 metrdir; çətri kürəşəkilli, qollu- budaqlıdır. Meyvəsi iri olub, uzunluğu 2,8 – 3,1 sm və kütləsi 7,3 – 12 qr, qısa- oval formalı, təpəsi girdədir. Oktyabrın ortalarından (texniki), noyabrın sonuna qədər (botaniki) yetişir. Hər ağacı 25 – 30 kq məhsul verir. Meyvəsinin ətində 68,5% yağ vardır, ətliliyi 80%- ə çatır.

Armudu zeytun – konserv üçün istifadə olunan sortdur. Ağacı ortaboylu, hündürlüyü 4 – 5 metrdir; çətri enli- girdədir, qollu- budaqlıdır. Meyvəsi iridir, uzunluğu 3,0 – 3,3 sm, kütləsi 8 – 10 qramdır, uzunsov- oval formalıdır, ucu uzunsovdur. Oktyabrın ortalarından (göy zeytun) noyabrın (qara zeytun) sonunadək yetişir. Hər ağacdan 25 – 27 kq məhsul verir. Meyvəsinin tərkibində 68%- dək yağ var, ətli hissəsi meyvənin 90%- ni təşkil edir.

Santa Katerina – konservlik sortdur. Ağacı ortaboylu, hündürlüyü 4 – 6 metr, çətri kürəşəkillidir. Meyvəsi çox iridir, uzunluğu 3,2 – 4 sm, kütləsi 9 – 15 qramdır, uzunsov- oval və ya oval formalıdır, təpəsi girdədir. Oktyabrın sonundan (göy zeytunları konservləşdirmək üçün) dekabrın ortasınadək (zeytunları quru duzlamaq üçün) yetişir. Hər ağacdan 20 – 25 kq məhsul yığılır. Meyvəsinin tərkibində 69% yağ olur, ətliliyi 90 – 90,5%- i təşkil edir.

Nikita-1 yağlı sortlara aiddir. Ağacı orta və ya iridir, hündürlüyü 6 – 8 metrdir; çətri kürəşəkilli, yığcamdır. Meyvəsi xırda və ya orta irilikdə olur, uzunluğu 2,0 – 2,3 sm, diametri 1,6 – 1,7 sm, kütləsi 4,5 qramdır; girdə- oval formalı, təpəsi girdə və ya azacıq şişmərdir. Meyvələri noyabrın ortalarında tam yetişir. Hər ağacdan 25 – 30 kq məhsul verir. Meyvəsinin tərkibində 72%- ə qədər yağ olur. Ətliliyi 75%- dir. Konservləşdirmək və yağ almaq üçün istifadə olunur.

Tbilisi – bu sortdan yağ alırlar. Ağacı güclü boy atandır, hündürlüyü 6 – 7 metrdir. Çətri kürəşəkilli, qollu- budaqlıdır. Meyvələri xırda və ya ortadır, uzunluğu 1,8 – 2,4 sm, kütləsi 3,2 – 6,0 qramdır; girdə- oval formalı, təpəsi küt və ya girdədir. Oktyabrın sonundan noyabrın yarısınadək (tam) yetişir. Meyvəsindən quru duzlama üçün də istifadə etmək olar. Hər ağacı 35 – 40 kq məhsul verir. Tərkibində 72%- dək yağ vardır, ətliliyi 86%- dir.

Askolano – zeytunu İtaliyadan gətirilən zeytun sortudur. Meyvəsi iri, oval formalıdır. Meyvəsinin uzunluğu 2,8 – 3,2 sm, diametri 2,4 – 2,6 sm, kütləsi 8 – 9 qramdır. Rəngi tünd- bənövşəyi, ətliyi ağ, qabığı bənövşəyidir. Meyvəsi budaqlarla uzun saplaqlı bir-bir və qrup şəklində yerləşir. Bu ən yaxşı məhsuldar sort hesab edilir. Gec yetişir. Yaşıl meyvələri sirkəyə qoymaqla konservləşdirmək, xırda meyvələr duza qoymaq üçün və yağ almaq üçün istifadə olunur.

Krım-172 – sortu irimeyvəli, dairəvi formada, qabırqalıdır. Meyvəsinin uzunluğu 2,4 – 2,5 sm, diametri 1,8 – 1,9 sm, kütləsi 4,5 – 5,0 qramdır. Meyvəsinin ucu şişdir. Rəngi qara, parlaq və sıx yerlşən xırda ağ nöqtəlidir. Ətliyi zərif, meyvəsi uzun saplaqlı olub budaqlarda tək- tək yerləşir. Bu sort şaxtaya davamlı və məhsuldardır. Gec yetişir. İri meyvələri yaşıl halda sirkəyə qoyulmaqla konservləşdirilir. Krım-172 sortundan yüksək keyfiyyətli zeytun yağı istehsal olunur.

Koreciolo – sortunun meyvəsi xırda, uzunsov- oval formadadır. Meyvəsinin uzunluğu 1,8 – 2,0 sm, diametri 1,2 – 1,4 sm, kütləsi orta hesabla 2,7 qramdır. Meyvəsinin qabığı sıx yerləşən xırda- ağ nöqtəlidir, lakin tam yetişdikdə çox az hiss olunur. Ətliyi kremi, qabığı isə açıq bənövşəyi rəngindədir. Meyvəsi budaqlarda 3 – 5 ədəd qrup şəklində olmaqla kiçik saplaqda yerləşir. Çəyirdəyi sığallı, iri, uzunsov- oval formalıdır. Tez yetişən məhsuldar sortdur, tərkibində yağı 65 – 70%- ə qədərdir. Əsasən yağ istehsalı üçün istifadə olunur.

Manzanilo – zeytunu iri meyvəli, oval formalıdır. Uzunluğu 2,6 – 2,7 sm, diametri 2,2 – 2,9 sm, bir ədədinin kütləsi 6,5 – 7,0 qramdır. Rəngi tünd- bənövşəyi parlaqdır. Yaşıl halda konservləşdirmək, tum yetişdikdə isə yağ istehsalı üçün istifadə edilir. Keyfiyyətli zeytun sortlarından sayılır.

Nikitin-2 – zeytunu iri meyvəlidir. Meyvənin uzunluğu 2,8 – 3,1 sm, diametri 1,8 – 2,0 sm, kütləsi 5,5 – 5,6 qramdır. Meyvəsi uzunsov- oval formalı, uc hissədə konusvarı və çıxıntılıdır. Rəngi tünd- bənövşəyi, mum təbəqəsi ilə örtülü olub, seyrək yerləşən iri ağ nöqtəlidir. Bu sort yüksək keyfiyyətli, məhsuldar, şaxtaya davamlı, gecyetişəndir. Yaşıl meyvələri sirkəyə qoyulur, yetişmiş qara meyvələr quru duzlama və yağ istehsalı üçün sərf edilir. Ətliliyi 85%- dir. Yağ çıxarı 79,1%.

Sevilyano – zeytunun meyvəsi çox iridir. Kütləsi 10 – 12 qrama qədər, oval- uzunsov formalı olub uc hissədə bir qədər nazilir. Rəngi qara, parlaq və ağ nöqtəlidir. Çəyirdəyi şiş uclu, orta iri və ətlikdən çətin ayrılır. Gec yetişən sortdur. Ən yaxşı sort hesab edilir. Əsasən konservləşdirmək üçün istifadə olunur.

Zeytun sortlarını yaşıl konservləşdirmək üçün avqustun sonu- sentyabrda bənövşəyi rəngin əmələ gəlməsinə qədər yığırlar. Quru duzlama və yağ istehsalı üçün zeytunu tam yetişdikdən sonra yığırlar. Zeytun meyvəsinin yetişmə müddəti onun sortundan və becərildiyi bölgədən asılıdır. Bir ağacdan orta hesabla 70 – 75 kq zeytun məhsulu yığmaq mümkündür. Meyvələr əllə yığılır. Yetişmiş meyvələr zərif olduğundan tez əzilir və tünd rəngə boyanıb xarab olur. Yetişmiş zeytunları tutumu 3 – 4 kq olan xırda yeşiklərə və ya səbətlərə yığırlar. Konservləşdirmək üçün zeytunu sortlaşdırdıqda büzüşmüşlər, şaxtavurmuşlar, zərərvericilərlə zədələnmişlər, həmçinin mexaniki zədələnmişlər seçilib yağ istehsalına verilir.

Zeytun meyvəsini təzə halda uzun müddət saxlamaq olmaz. Ona görə də konservləşdirmək (sirkəyə və duza qoymaq üçün) üçün yığılan zeytun tez bir zamanda emal müəssisəsinə çatdırılmalıdır.


1.5. Zeytunun becərilməsi üsulları

Zeytun bitkisi toxum, calaq, firqəndə, pöhrə və çiliklərlə artırılır. Bitki toxumlarla artırıldıqda nəslin qiymətli əlamətləri çox parçalanır. Ona görə də bu üsul ən çox seleksiya işlərində tətbiq olunur. İki üsulun – calaqetmə və yarım odunlaşmış zoğlardan hazırlanmış qələmlərlə çoxaldılmanın prakriki əhəmiyyəti daha çoxdur.

Ağacların bar verməsi bitkinin artırılma üsulundan asılıdır. Toxum üsulu ilə artırıldıqda bitkilər 7 – 10 yaşında, calaq edildikdə 5 – 6- cı ili, qələmlə artırıldıqda 4 – 5- ci ili bar verir. Bitkilər 15 ilə 50 yaş arasında daha intensiv məhsul verir. Buna baxmayaraq 200 və daha çox yaşı olan ağaclar da bol məhsul verir. Bitkinin sortundan asılı olaraq 15 – 20 yaşlı ağacların məhsulu 15- dən 50 kq- dək, rekord ağaclarınınkı isə 80- 90 kq olur.

Yabanı zeytun, habelə qışadavamlı yerli sortlardan Azərbaycan zeytunu, Buzovna zeytunu və başqaları calaqaltı hesab olunur. Zeytunun artırılmasında calaqaltı materialın - zeytun toxmacarlarıın yetişdirilməsi xeyli çətinlik törədir. Zeytunun qalın, bərk çəyirdəyi yazda torpağa əkiləndən 8 – 12 ay sonra cücərir. Çəyirdəklərin cücərməsini tezləşdirmək və toxumların bərabər cücərməsinə nail olmaq üçün onları səpindən qabaq müxtəlif üsullarla emal edirlər. Bunlardan başlıcaları bioloji ( Y.S. Xramovun işləyib hazırladığı) və meaxniki emal üsuludur.

B i o l o j i ü s u l açıq stratifikasiya prinsipinə əsaslanır və aşağıdakı kimi edilir. Zeytunun meyvəsi tam yetişdikdən sonra ətindən çıxarılır, 24 – 36 saat suda isladılır (suyun temperaturu 250C olmalıdır), sonra həmin çəyirdəkləri xırda yeşiyə 20 – 25 sm qalınlığında töküb kisə parçası ilə örtür və temperaturu 180C olan sərin binada 15 gün saxlayırlar. Bu müddət ərzində toxumları hər gün qarışdırır və azacıq nəm halda saxlayırlar. Nəticədə toxumlarda yapışqan maddəsi əmələ gəlir. Bu maddə çəyirdəklərin məsamələrini və qapaqcıqlarını yapışdırır. Sonra həmin maddə tədricən dağılır və çəyirdəyin divarları açılır, toxum hava və rütubət alaraq , cücərməyə başlayır. Bütün proses 30- 65 gün çəkir (sortdan və çəyirdəyin qalınlığından asılı olaraq). Toxumları aprel – may və avqustda səpirlər; 1 – 3 aydan sonra toxumlar kütləvi halda cücərib çıxır.

M e x a n i k i ü s u l çəyirdəklərin şişmər tərəfini xüsusi qayçı və ya bağban qayçısı (sekator) ilə kəsməkdən ibarətdir. Bu zaman toxum sərbəst olaraq hava və rütubət alır, 2 – 4 aydan sonra cücərməyə başlayır. Toxumu hər kavdrat metr sahəyə 1 kq hesabı ilə ləklərə və ya istişitilliklərə səpib 2 – 3 sm dərinlikdə basdırırlar.

Vegetasiya müddətində əkinə qulluq suvarmaqdan, yumşaltmaqdan və alaqları vurmaqdan ibarətdir.

Gələn ilin yazında (aprel – may aylarında) cərgələr arasında 90 – 100 sm məsafə saxlayaraq, bitkiləri bir- birindən 40 – 50 sm aralı yumşaldılmış tarlaya əkirlər. Sahələrdəki calaq olunacaq toxmacarlara edilən qulluq meyvəçilikdə edilən ümumi qayda üzrə aparılır.

Əkindən üç il sonra (mart – aprel aylarında) calaqaltının calaq vurulacaq yerinin diametri 8 – 10 mm- ə çatdiqda onlara calaq vururlar. Çilikləri keçənilki zoğların yaxşısından calaq vurulan gün və ya ondan 1 – 2 gün qabaq tədarük edirlər. Calaq edilən bitkilərin 80 – 90%- i tutur.

Zeytunun bu üsul ilə artırılması, yəni toxumları səpərək sonradan cırların cinsini yaxşılaşdırmaq, əkin materialını yetişdirmək üçün çox uzun (4 – 5 il) çəkir və baha başa gəlir. Daha tez başa gələn və təcrübədə özünü doğruldan üsul – çiliklərlə artırmaq üsuludur. Lakin zeytun çox çətin kök atan subtropik bitki cinsinə aiddir. Yaşlı ağaclardan kəsilən odunlaşmış çiliklər çox çətin kök atır; cavan toxmacardan götürülən çiliklər isə hətta boy maddələrinin təsiri olmadan, qısa müddətdə 100% kök atır.

Bunun səbəbi odur ki, bitkilərin qabığındakı sklerenxim və ya mexaniki elementlər daşlaşmış hüceyrələrdən və lifli sivrimlərdən bütöv halqalar əmələ gətirir, heceyrələrin bölünməsinə və kök rüşeymlərinin əmələ gəlməsinə mane olur.

Birillik cavan zoğların qabığında sklerenxim elementlər zəif inkişaf etmiş və topa halında səpələnmişdir. Bunların arasında canlı parenxim hüceyrələr olur və bu hüceyrələrdən kallüs, yəni kökün ilk mərhələsi əmələ gəlir. Odur ki, zeytun bitkisinin odunlaşmamış birillik göy çiliklərlə artırılması və onların boy maddəsi ilə işlənməsi daha çox fayda verir.

Boy maddələri kambiya hüceyrələrində kök əmələ gələn zaman hüceyrələrin bölünmə prosesini gücləndirir. Bununla da kökəmələgətirmə prosesi və ana ağacın rayonlaşdırılmış sortundan öz kökü olan mədəni bitkilərin inkişafı güclənir.

Bir çox başqa üstünlükləri ilə yanaşı, bu üsul qiymətli sortların az miqdarda olan ana bitkilərindən daha səmərəli istifadə etməyə imkan verir.

Göz calağı vuran zaman yaxşı inkişaf etmiş tam yaşlı bir ana ağacdan 200 çilik tədarük edir, göyqələm vuran zaman isə 2000 ədədədək çilik kəsmək olur. Ana ağaclara yaxşı qulluq olunmalı, onlar güclü olmalı və 30 – 50 sm artım (boy artımı) verməlidir.

Çilikləri aşağıdakı müddətdə tədarük etmək olar: fevral – mart aylarında, payız zoğlarından elə kəsmək lazımdır ki, yayın isti günlərinə kimi onlar kök ata bilsin; aprel – may aylarında təzə boy atmış uzun göy qələmlər kəsilir; payızda – oktyabr, noyabr aylarında ikinci boyatmanın çiliklərindən. Çilikləri səhər tezdən çətrin aşağı hissələrindən kəsirlər. Çiliyi 7 – 12 sm uzunluqda, eni aşağı hissədə buğumun altında 3 – 5 mm aralıqda kəsmək lazımdır.

Çiliklərin tədarük olunduğu vaxtdan asılı olaraq, güclü transpirasiyanın (buxarlanmanın) qarşısını almaq üçün çiliklərdə müxtəlif miqdarda yarpaq saxlanılır: yazda və yayda ancaq yuxarıdakı cüt yarpaq, payızda və qışda isə ancaq aşağıdakı iki yarpaq qoparılır. Çiliklər kəsildikdən sonra onları dərhal dibində su olan vedrəyə qoyurlar. Sonra daha yaxşı kök atmaq üçün çiliklər stimulyasiya maddələrinin – 0,01%- li heteroauksin məhlulu ilə (1 l suya 100 mq) və ya 0,005%- li indolilyağlı turşu (1 l suya 50 mq) ilə 6 saat ərzində (göy çiliklər) və ya 10 saat (odunlaşmış çiliklər) 200C temperaturda işlənilir. Dərmanlanmış çiliklər yazda parniklərə, yayda dərin xəndəklərə, payız- qış dövründə oranjereya və ya isti şitilliklərə əkilir. İlk 15 – 20 gündə, kallus əmələ gələnə kimi havanın rütubəti 90 – 95%, temperaturu 18 – 200C olub, tədricən 250C- dək yüksəldilir. Çiliklər 30 – 35 gündən sonra kök atır, sonrakı 30 gündə isə bitkilər kifayət qədər kök əmələ gətirir. Kökləyən çiliklər 15-25 sm qidalanma sahəsi saxlamaqla, böyümək üçün istişitilliklərə əkilir.

Bitkilərə edilən qulluq suvarmadan, istişitilliklərin havasını dəyişməkdən və çilikləri günəş şüalarından muhafizə etməkdən ibarətdir.

Çiliklərin əkilməsi müddətindən asılı olaraq, kök atmış bitkilər yazda və ya payızda bir- birindən 40 – 50 sm aralı, cərgələrarası 80 – 90 sm saxlanmaqla tingliklərə əkilir.

Tinglikdə bitkilərə edilən qulluq sahəni 1 – 2 il ərzində suvarmadan, yumşaltmadan, yayda əlavə olaraq azot gübrəsi verməkdən, alaqlarla mübarizə aparmaqdan ibarətdir.


1.5.1. Zeytun ağacına forma verilməsi və onun budanması
Bitkilərə hələ tinglikdə ikən forma verilir. Onlara alçaq ştamblı (20 – 40 sm) və ya yarımştamblı (50 – 70 sm) yarussuz və ya çətri kola bənzəyən forma verilir. Tinglikdə bitkilərə yaxşı qulluq edildikdə 3 – 4 əsas budağı olan, düz gövdəli və kök sistemi yaxşı inkişaf etmiş ikiillik tinglər əldə edilir.

Bitkilərin təbii inkişafını sürətləndirmək üçün bir- birinə mane olan və sınıq budaqlar, su pöhrələri kəsilib atılır.


1.5.2. Zeytun bağlarının salınması
İ.M.Axundzadə Azərbaycanda zeytun yetişdirilməsi üçün əlverişli olan 5 subtropik bölgənin olduğunu müəyyən etmişdir.

1. Abşeron yarımadası.

2. Gəncə bölgəsi (Gəncə, Şəmkir, Goranboy, Ağstafa).

3. Qarabağın düzənlik bölgəsi (Tər-Tər, Ağdam, Bərdə).

4. Şirvan bölgəsi (Ağsu, Göyçay, Ucar, Ağdaş)

5. Şərqi Kür- Araz bölgəsi (Şirvan, Neftçala, Səlyan, Sabirabad).

Yuxarıda adları çəkilən bölgələr ən çox taxılçılıq, pambıqçılıq, üzümçülük, tərəvəzçilik, eləcə də heyvandarlıqla ixtisaslaşmışdır. Burada zeytunçuluğu inkişaf etdirmək üçün yeni zeytun plantasiyaları salınmalıdır. Bu işi əsas etibarilə yararsız torpaqlarda, rekultivasiya tələb edilən sahələrdə aparmaq məqsədəuyğundur. Salınan yeni zeytun bağları yalnız 7 – 10 ildən sonra məhsul verməyə başlayacaqdır. Odur ki, bu işləri vaxtında aparılmalı və respublikada Ərzaq proqramının müvəffəqiyyətlə yerinə yetirilməsi üçün zəmin yaradılmalıdır.

Zeytun bağı salmaq üçün su və havanı yaxşı keçirən, qumsal, tərkibində 25%- ə qədər əhəng olan azacıq və ya orta dərəcədə gillicəli- mexaniki tərkibli torpaqlar ayrılmalıdır. Bağları yamaclarda saldıqda cənub, cənub- qərb ekspoziyalı, istinin və işığın ən çox olduğu sahələrin seçilməsi daha əlverişlidir. Sort xüsusiyyətindən asılı olaraq, zeytun ağacına 8 x 8, 8 x 6, 6 –x6 və 5 x 6 m qidalanma sahəsi ayırırlar. Tingləri əkməzdən qabaq hər çalaya 6 – 10 kq çürümüş peyin, 200 qr ammonium şorası, superfosfat və 100 qr kalium duzu verilir. Bunları torpaqla yaxşıca qarışdırmaq lazımdır. Əkindən qabaq verilən gübrə tinglərin ilk 4 – 5 ildə normal inkişaf etməsinə səbəb olur. Bağları bütün üç istiqamətdən olan sortlardan – konservlik, yağlıq, konservlik- yağlıq sortlardan salırlar. Tozlanacaq hər 2 əsas ağaca bir tozlayıcı ağac əkilir. Əsas universal tozlayıcı sort Azərbaycan zeytunu sayılır.


1.5.3. Bağlara qulluq

Cavan bağlara edilən qulluq meyvəçilikdə qəbul edilmiş ümumi qaydalar kimidir. 5 – 10 yaşlı zeytun bağlarına üzvi (peyin) və mineral gübrələr – fosfor və kalium payızda, gövdəətrafı dairəyə, yəni hər bir ağacın altına 40 – 45 kq çürümüş peyin, 600 qr superfosfat və 150 – 200 qr kalium duzu verilir. Azotlu gübrələr yaz becərməsi zamanı hər ağacın altına 400 qr, yayda əlavə olaraq 200 qr verilir. Quraq rayonlarda bitkilər, tələbatdan, ilin şəraitindən və yağıntının miqdarından asılı olaraq 9 – 10 dəfə suvarılır (yazda 2 dəfə, yayda 5 dəfə, payızda və qışda rütubəti toplamaq üçün 2 – 3 dəfə).

Cavan zeytun ağacları çala üsulu ilə suvarılır. Bitkilərin kök sistemi inkişaf etdikcə bütün qidalanma sahəsi şırım üsulu ilə suvarılır.
1.6. Zeytunun yetişməsi, yığılması və emala hazırlanması
Zeytunun meyvəsi birtoxumlu, çəyirdəklidir, kənarları ətlidir, çəkisi 1 – 15 qramadək girdə və ya uzunsov oval formalı, ucu küt və ya şiş olur. Çəyirdəyi bərkdir, çəyirdək divarının qalınlığı 2 mm- dir.

Zeytun bitkisinin vegetasiyası, havanın temperaturu 8 – 100C olduqda, martın axırı və ya aprelin əvvəllərində başlayır. Zeytun ağacları üçün iki vegetativ boyatma dövrü aydın görünür; yaz və yay boyatma dövrləri. Zeytun ağacları havanın orta gündəlik temperaturu 20 – 230C- yə çatdıqda, iyunun əvvəllərində çiçəkləməyə başlayır. Zeytun bitkisi külək vasitəsi ilə tozlanır. Ağacların birevli olmasına baxmayaraq həm fertil (öz- özünə mayalanan), həm də steril sortları çarpaz tozlanma tələb edir. Çarpaz tozlanma nəticəsində yumurtalarının sayı artır, tökülən meyvələrin miqdarı azalır, məhsuldarlıq yüksəlir.

Meyvələr oktyabrın axırında texniki yetişkənlik dövrünə (göy zeytun), noyabrın əvvəlində isə botaniki (qara) yetişkənliyə düşür və sortundan, payız- qış dövrünün hava şəraitindən asılı olaraq, yetişmə yanvarın yarısına kimi davam edir.
1.6.1.Meyvələrin yığılması

Zeytunun meyvələrindən nə məqsəd üçün istifadə olunmasından asılı olaraq, onları müxtəlif yetişkənlik mərhələsində yığırlar. Konserv hazırlamaq üçün “göy zeytun”- u texniki yetişkənlik mərhələsində, meyvələr yaşıl rəng aldıqda yığırlar. Orta və gec müddətdə yütişən bir sıra sortların meyvəsi hava şəraitinə görə tam botaniki yetişkənlik dövrünə çatmır. Odur ki, belə sortların meyvəsini həm konserv hazırlamaq, həm də zeytun yağı almaq üçün yaşılımtıl- qırmızı və ya yaşılımtıl- bənövşəyi rəng aldıqda dərmək lazımdır. Tam yetişdikdə, qara zeytundan quru duzlama və yağ almaq üçün istifadə edirlər. Konserv hazırlamaq üçün irimeyvəli sortlar olan Santa Katerina, Askolano, Azərbaycan zeytunu, Armudu zeytun, Sevilyano və başqa sortların “göy zeytun”- undan istifadə edirlər.

Zeytun meyvələri yağ çıxarmaq, marinad, şoraba və ya duzlanmış halda sərf etmək üçün istifadə olunur. Yağ çıxarmaq üçün meyvələri tamamilə yetişdikdən sonra dərilir. Yaşıl və tam yetişməyən meyvələr marinad və şoraba hazırlamaq məqsədi ilə dərilir. Tam yetişmiş meyvələri də duzlamaq mümkündür. Yetişən meyvələr sortlara məxsus olan bənövşəyi qara rəng alır. Keyfiyyətli yağ almaq üçün əti çox da yumşalmayan meyvələri dərmək lazımdır. Bir qədər sütül toplanmış meyvələrin yağları ətirli, dadlı, gözəl rəngli olur və uzun müddət saxlanılır.

Sütül müyvələrin təzə yağı bir qədər acıtəhər olur. Sonralar bu acılıq itir. Çox yetişmiş meyvələrin yağları dadsız və rəngsiz olur. Uzun müddət qalır. Ağacın üstündə meyvələri uzun müddət saxlamaq qorxuludur. Payızın şaxtalarından tələf ola bilərlər. Meyvələri vaxtında yığılmayan ağaclar gələn il məhsuldarlığını azaldır.

Zeytun meyvələri əl ilə dərilməlidir. Marinad üçün yığılanlar zədələnməməlidir. Zədələnmiş meyvələrin saxlanılması çətinləşir. Bunlar asanlıqla xarab olur, acıyır. Bəzi şəraitdə meyvələr özləri yerə tökülür, buna görə də ağacların altlarını vaxtında təmizləmək, otlarını çalmaq lazımdır. Zeytun ağacı 30 – 50 yaşında maksimum miqdar zeytun meyvəsi verir və bu 100 yaşına qədər davam edir. Bundan sonra məhsuldarlıq azala bilər.
1.7. Zeytun bitkisinin ziyanvericiləri və xəstəlikləri
Zeytunun ən çox yayılmış və əsas ziyanvericiləri: zeytun güvəsi, zeytun milçəyi, zeytun qurdu, zeytun yarpaq birəsidir.

Z e y t u n g ü və s i n i n tırtılları yarpaqları, qönçələri, çiçəkləri və toxumların nüvəsini zədələyir. Zədələnmiş yarpaq və meyvələr vaxtından əvvəl tökülür.

Mübarizə tədbiri yazda (apreldə) 0,4%- li Paris yaşılı məhlulunu söndürülməmiş əhəngin ikiqat dozası ilə bitkilərə çiləməkdən ibarətdir. Ağaclar çiçəkləməyə başladıqda, hər ağaca 0,5 – 1 kq hesabı ilə DDT dustu tozlayırlar. Çiçəklədikdən sonra (lazım gəldikdə) yazda tətbiq olunan preparatlarla, lakin 0,35% anabazin-sulfat əlavə etməklə bitkilər təkrar çilənir.

Z e y t u n m i l ç ə y i meyvələri zədələyərək məhsula böyük ziyan vurur. O meyvənin qabığı altına yumurta tökür və bir neçə gündən sonra həmin yumurtalardan sürfələr çıxaraq, meyvənin əti ilə qidalanırlar. Yoluxmuş meyvələr tökülür.

Mübarizə tədbiri – hər bir kvadrat metr sahəyə 40- 50 qram hesabı ilə ağacların gövdəətrafı dairəsinə iki dəfə (çiçəkləmənin əvvəlində - iyunda və sentyabrda) heksaxloran tətbiq etməkdən ibarətdir. Hər iki dərmanlanmanın arasında, iyul ayında ağaclara 4%- li DDT suspenziyası çiləyirlər. Bitki qalıqlarının toplanılıb yandırılması da yaxşı olar.

Z e y t u n q u r d u n u n sürfələri və dişicikləri zeytunun yarpaqlarında və zoğlarında məskən salaraq onların şirəsini sorur və bunun nəticəsində zədələnmiş hissələr quruyur. Onlar dəstə ilə ağaclara daraşaraq məhsula böyük ziyan vururlar. Ziyanvericilərin ifrazatında hisli göbələklər məskən salır.

Mübarizə tədbirləri – payızda, meyvələr yığıldıqdan sonra bitkiləri fumiqasiya etmək çox fayda verir. Fumiqasiya 98%- li sinil turşusu ilə çadrın altında aparılır, çadrın hər 1 m3 ölçüsünə 10 – 15 qr zəhər götürülür. Ağacların çətrini zədələnmiş hissələrdən mütləq təmizləmək və bitki qalıqlarını toplayıb yandırmaq lazımdır.

Z e y t u n b i r ə s i və ya b a l l ı c a təhlükəli zərərvericidir: onlar erkən yazda tumurcuqların şirəsini, sonra isə hamaşçiçəklərin və cavan zoğların toxumalarının şirəsini soraraq onları zədələyir. Nəticədə qönçələr və çiçəklər tökülür, zoğlar quruyur. Bitkilərin zədələnmiş hissəsində ballıca mum ifrazını şirin- yapışqanlı damcı qarışığı ilə hörür. Uzaqdan o mahlıca bənzəyir. Zərərverici həmin ifrazatlarla hamaşçiçəkləri hörərək, çiçəklərin tozlanmasına mane olur. Yaşlı həşəratlar ağacda qışlayır.

Mübarizə tədbiri erkən yazda (aprelin əvvəlində) və çiçəkləmənin əvvəlində (iyunun əvvəli) hər ağacı 0,4 – 1 kq hesabı ilə DDT dustu ilə tozlamaqdan ibarətdir. Daha sonrakı müddətdə 0,2%- li tiofos və ya ditiofos məhlulu ilə çiləmək yaxşı nəticə verir.

Zeytunun xəstəliklərindən ən təhlükəlisi z e y t u n “s ə p g i s i” və m e y v ə ç ü r ü m ə s i d i r.

Zeytun “səpgisi” və ya halqavarı ləkə - göbələk xəstəliyidir. Bu xəstəliyin xarakterik əlaməti zeytunun cavan yarpaqlarında və meyvələrində xırda zeytunu – qonur, məxmərə çalan ləkələrin əmələ gəlməsidir. Ləkələrin ortası yaşılımtıl, dövrəsində isə açıq- sarı haşiyə əmələ gəlir. Ləkə köhnəldikcə bozumtul- ağ rəng alır. Nəticədə yarpaqlar tökülür, meyvələrin inkişafı ləngiyir, bitkilər zəifləyir; məhsuldarlıq isə xeyli aşağı düşür.

“C ü z a m” və ya meyvələrin çürüməsi göbələk mənşəli xəstəlikdir. Bu xəstəlik iri meyvəli sortların zərif ətini yetişmə mərhələsində zədələyir. Meyvələrin üzərində batıq- qəhvəyi ləkələr görünür. Meyvələr tökülməyə başlayır. Xəstəlik çox yayıldıqda yarpaqları da zədələyir. Həmin xəstəliklərə qarşı vegetasiyanın əvvəlində və avqust – sentyabr aylarında ağacları 1%- li Bordo mayesi ilə ikiqat çiləyirlər. Yoluxmuş yarpaqların və meyvələrin toplanılıb yandırılması, həmçinin hava cərəyanını yaxşılaşdırmaq və göbələklərin əmələ gəlməsi şəraitini ləğv etmək, çətrin hər il budanması və seyrəldilməsi səmərəli profilaktik tədbir hesab olunur.


1.8. Zeytun meyvəsinin standart üzrə

keyfiyyət göstəriciləri və saxlanılması
AZS 233 – 2006 saylı Texniki şərtlər tədarük edilən və sənaye emalına göndərilən təzə yaşıl və qara zeytuna şamil edilir.

Bu texniki şərtlərdə istinad edilən normativ sənədlərin siyahısı kitabın sonunda verilir.

Təyinatından asılı olaraq yaşıl və qara zeytun iki yerə ayrılır:

- konservləşdirmə üçün yaşıl və qara zeytun;

- zeytun yağı istehsalı üçün qara zeytun.

Konservləşdirmə üçün nəzərdə tutulan yaşıl və qara zeytun keyfiyyətindən asılı olaraq iki əmtəə növünə ayrılır: birinci və ikinci.

Keyfiyyət göstəricilərinə görə konservləşdirmə üçün nəzərdə tutulan yaşıl və qara zeytun 1.5. saylı cədvəldə göstərilən tələblərə uyğun olmalıdır.


Cədvəl 1.5. Təzə yaşıl və qara zeytunun

keyfiyyət göstəriciləri.


Göstərici-

lərnin adı



Xarakteristikası və norması

Yaşıl zeytun

Qara zeytun

Birinci

növ


İkinci növ

Birinci növ

İkinci növ


1

2

3

4

5

Xarici

görünüşü


Təzə, sağlam, bütöv, təmiz, lətli, ölçüləri yetişmiş qara zeytunun ölçülərinə çatmış, xəstəlik və ziyanvericilərlə zədələnməmiş, mexaniki zədələrsiz və ləkələrsiz

Təzə, sağlam, bütöv, təmiz,

tam bioloji yetişmə dərəcəsinə

çatmış, xəstəlik və ziyanvericilərlə zədələnməmiş, mexaniki zədələrsiz








ən çoxu 2 yerdə çanaqlı yastıca tərəfindən sancılmaya yol verilir

ən çoxu 2 yerdə

çanaqlı yastıca

tərəfindən sancıl-

maya yol verilir



ən çoxu 5 yerdə çanaqlı yastıca tərəfin-

dən sancıl-

maya yol verilir


Rəngi


Sarımtıl samanı

çalarlı açıq yaşıl



Qara




Tünd bənövşəyi,

qonur, qırmızımtıl-qəhvəyi çalarların olmasına yol verilir. Yaşıla çalar meyvə-lərin olmasına yol verilmir



En kəsiyinin

ən böyük diametri

üzrə meyvələrin

ölçüsü, mm, ən azı: bütöv halda konservləşdiril-mə üçün



16


14


16


14


Zeytun kürüsünün istehsalı üçün

M ə h d u d l a ş d ı r ı l m ı r

Daxili quruluşu

Ləti sıx, yetişməmiş,

çəyirdəyi bərkimiş



Ləti yetişmiş, sıx, zərif, mövcud pomoloji növə məxsus rəngdə, çəyirdəyi asanlıqla ayrılan

Q e y d. Azca əzilmiş, qabığı azacıq ölüşkəmiş və qaralmış meyvələrin zeytun kürüsü istehsalında istifadə edilməsinə yol verilir.


Zeytun yağı istehsalı üçün nəzərdə tutulan qara zeytun 1.6. saylı cədvəldə göstərilən tələblərə uyğun olmalıdır.

Yaşıl və qara zeytunun tərkibində toksiki elementlərin, pestisidlərin və radionuklidlərin miqdarı “Ərzaq xammalı və yeyinti məhsullarının keyfiyyətinə və təhlükəsizliyinə olan gigiyenik tələblər” – SanPiN 2.3.2.560 ilə müəyyən edilmiş və 2.4. saylı cədvəldə göstərilmiş yol verilən hədlərdən yüksək olmamalıdır.

Yaşıl və qara zeytun QOST 10131, QOST 17812 üzrə yeşiklərə qablaşdırılır.

Qablaşdırma tarası möhkəm, təmiz, quru, kənar iysiz olmalıdır.

Qablaşdırılacaq zeytunların səthi nəm olmamalıdır.

Hər bir nəqliyyat tarasının üzərinə aşağıdakı məlumatlar göstərilən etiket yapışdırılmalıdır:

yük göndərən təsərrüfatın adı;

məhsulun adı, pomoloji və əmtəə növü;

məhsulun yığım və yüklənib göndərilmə tarixi;

partiyanın nömrəsi;

briqadanın və ya qablaşdırıcının nömrəsi;

sertifikatlaşdırma haqqında məlumat;

bu standartın işarəsi.

Markalanma Respublikanın dövlət dilində olmalıdır.

Yaşıl və qara zeytun partiyalarla qəbul edilir. Eyni pomoloji və əmtəə sortuna məxsus, eyni növ, tip, ölçülərdə olan taraya qablaşdırılan, eyni nəqliyyat vasitəsində gətirilən, eyni keyfiyyət vəsiqəsi və “Bitkiçilik məhsullarının tərkibində toksiki elementlərin miqdarı və pestisidlərin tətbiqi

üzrə reqlamentlərə riayət edilməsi haqqında sertifikat” ilə rəsmiləşdirilən istənilən miqdarda yaşıl və qara zeytun partiya hesab edilir.



Cədvəl 1.6. Zeytun yağı istehsalı üçün nəzərdə

tutulan qara zeytunun keyfiyyət göstəriciləri


Göstəricinin adı

Xarakteristikası və norması

Xarici görünüşü

Təzə, təmiz, yetişmiş meyvələr. Ölüşkəmə əlamətləri olan meyvələrin mövcudluğuna yol verilir

Rəngi

Qara, qara- bənövşəyi

Partiyada 25%-ə qədər bənövşəyi-qonur və bənövşəyi-yaşılımtıl rəngli (meyvə səthinin 10-i qədər) meyvələrin olmasına yol verilir



En kəsiyinin ən böyük diametri üzrə meyvələrin ölçüsü, mm, ən azı

8





Yüklə 1,04 Mb.

Dostları ilə paylaş:
1   ...   7   8   9   10   11   12   13   14   ...   65




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin