Ehtiyojlar (moddiy va ma’naviy)

Farmatsevtika tashkilotining tuzulmasi — bu o‘zaro barqaror munosabatlarda bo‘lgan, bir-biriga bog‘langan, tashkilotni yaxlit butunlik sifatida ishlashi va rivojlanishini ta’minlovchi elementlar­ning tartibga solingan majmuasi.
Tashkilot tuzulmasi quyidagi turlarga ajratiladi:
· tashkiliy — ishlab chiqarish — bo‘limlar (bo‘linmalar) maj­­muasi;
· boshqaruv (boshqaruv tuzulmasi) — boshqaruv organlari majmuasi;
· ijtimoiy — jinsi, yoshi, ma’lumoti, kasbi va hokazo tamo­yillari bo‘yicha birlashtirilgan xodimlar majmuasi;
· kommunikatsion (axborot) — tashkilot a’zolarining o‘zaro muloqoti, axborotlar almashinuvi amalga oshiriladigan kanallar majmuasi;
· texnologik — moddiy va energetika resurslari majmuasi.
Boshqaruv tuzulmasi va tashkiliy ishlab chiqarish tuzulmasi umumiy — tashkiliy tuzulma tushunchasiga birlashtirilgan.
Tashkilotning xodimlari o‘rtasidagi o‘zaro muloqot rasmiy va norasmiy munosabatlar doirasida bo‘lganligi sababli tashkilotlar ham o‘zining tuzulmaviy mavqeyiga muvofiq rasmiy va noras­miy bo‘lishi mumkin. Bunday ajratish 15.2- jadvalda keltirilgan bir qator alomatlarga asoslanadi.
15.2- jadval


Tashkilotning rasmiy va norasmiy tuzulmasini solishtirma tavsifi

Tasniflash alomatlari	Tuzulmalar
	rasmiy	norasmiy
Yaratish sabablari	Jamiyatning ehtiyojlariga muvofiq rasmiy biriktirlgan maqsadlarga erishish	Tashkilot a'zolarining shaxsiy ehtiyojlarini qondirish
Tartibga solish asoslari	huquqiy mе'yorlar	An'analar, odatlar
Sub'еktlar	Lavozimlar	Shaxslar
Bog’lanish xususiyati	Lavozimlar o’rtasida ko’zda tutilgan (rеglamеntlangan)	Erkin
Funktsiyalar	Odamlarni jamoatchilik mеhnatining vositalari va maqsadlari bilan birlashishi	Axborot almashinuvi, muloqot, bir-birini qo’llab-quvvatlash

Tashkiliy tuzulma xodimlar o‘rtasidagi faqat rasmiy munosabatlarni belgilab va ular (munosabatlari)dan tashkilotning maqsadlariga erishish yo‘lida foydalanish imkonini beradi.