1.5. Ekoloji təmiz qida məhsullarının xüsusiyyətləri
Ekoloji təmiz məhsullar adi məhsullara nisbətən heç bir zərərli
komponentlərə malik olmayan, insan sağlamlığına mənfi təsir göstərməyən
zərərsiz qida məhsullarıdır. Eokoloji təmiz məhsullar mineral gübrələr,
pestisidlər və digər texnogen təsirlərin olmadığı təmiz sahələrdən əldə olunur.
Təbii xammallardan mineral kənar qarışıqların təsiri ilə alınan məhsulları da
ekoloji təmiz hesab etmək olar. Ekoloji təmiz məhsulların becərildiyi yerlərdə
herbisidlərdən, mineral gübrələrdən, insektisidlərdən və funqisidlərdən istifadə
olunmur. Məhsulun ekoloji təmizliyini təmin etmək üçün onun xammalının
yetişmə dövündən hazır məhsulunun piştaxtaya çıxarılana kimi bütün
mərhələlərində ekoloji təmiz məhsul şərtlərinə riayət olunmasını təmin etmək və
nəzarətdə saxlamaq lazımdır. Ekoloji təmiz məhsulların üzərində onları
fərqləndirən “ekoloji təmiz” nişanı vurulur.
XIX əsrin sonu XX əsrin əvvəllərində Avropada sənaye sürətlə inkişaf
etməyə başladı. Yaranan böyük sənaye mərkəzləri və müəssisələri yeni-yeni işçi
qüvvəsi tələb edirdi. Bu tələbat əsasən kənd əhalisinin hesabına ödənilirdi.
Şəhərlər böyüyür, kənd əhalisi isə sürətlə azalırdı. Şəhər əhalisinin qida
məhsullarına olan böyük tələbatı ənənəvi əkinçilik və maldarlıq üsullarına
əsaslanan fermer təsərrüfatları tərəfindən tam həcmdə ödənilə bilmirdi. Bu
dövrlərdə kimya sənayesi sürətlə inkişaf etməyə başlamışdı. Alimlər bu
məsələdən çıxış yolunu kimya sənayesinin inkişafı ilə nəticələnən süni
məhsulların istehsalı həcminin artırılmasında gördülər. Kimya sənayesinin
inkişafı ilə kimyəvi gübrələrin və pestisidlərin istifadəsinin həcmi sürətlə artdı.
Lakin zaman keçdikcə müəyyən fəsadlar ortaya çıxmağa başladı. Alimlər
gördülər ki, xəstəliklərin sayı durmadan artır. Yaranmış vəziyyətdən yeganə
çıxış yolunu yenə təbiətin özündə axtarmağa başladılar və onun ehtiyatlarından
şüurlu surətdə istifadə etməklə məhsullarda kəmiyyət yox keyfiyyət
göstəricilərini, məhsulun ekoloji təmizliyini əsas tutdular.
Qloballaşan dünyanın gündəmində olan ən aktual məsələlərdən biri də
istehsal olunan məhsulların ekoloji təhlükəsizliyinin təmin olunması. Ekoloji
təsərrüfatın beşiyi sayılan Avropada 1990-cı ildən etibarən ekoloji təmiz məhsul
istehsalı sürətlə inkişaf etməyə başlamışdır. Avropa birliyi ölkələrində ekoloji
təsərrüfatçılıq siyasi və hüquqi səviyyədə geniş dəstək tapmışdır. Ekoloji məhsul
standartı Avropada 24 iyun 1991-ci ildə qəbul olunmuş “Ekoloji təmiz kənd
təsərrüfatı istehsalı üzrə Ümumavropa sazişi” əsasında müəyyən edilmişdir.
FƏSİL II. EKSPERİMENTAL HİSSƏ
Dissertasiya işinin bu hissəsində yabanı halda yetişən yemişan
giləmeyvələrindən ekoloji cəhətdən sağlam olan təbii boyaq maddəsinin
alınması üsulları, boyaq maddələri istehsalı üçün sənaye miqyaslı istehsal
texnologiyasının yaradılması, alınmış boyaq maddələrinin texnoloji parametrləri
və tətbiq sahələri göstərilmişdir. Bundan əlavə, bu bölmədə dissertasiya işinin
yerinə yetirilməsi zamanı istifadə edilən tədqiqat obyektləri müəyyən edilmişdir.
Bununla yanaşı tədqiqat işinin aparılma şəraitləri əks olunmuş və tədqiqatın
müxtəlif üsulları, yəni ayrı – ayrı inqrediyentlərin təyin edilmə üsulları şərh
olunmuşdur.
2.1. Tədqiqat obyektləri
Tədqiqat obyekti olaraq ekoloji cəhətdən təmiz təbii boyaq maddəsi ilə
zəngin yabanı yemişan meyvələri seçilmişdir. Təbiətdə yabanı halda yetişən
yemişan bitkisi respublikanın əksər ərazilərində, xüsusilə dağ və dağətəyi
rayonlarda yetişir. Dünya florasında yemişan bitkisinin müxtəlif növləri yetişir.
Azərbaycanda yemişanın 18 növü yayılmışdır. Bu növlərin çətiri kürəvi və ya
yumurtavarı, bəzən asimmetrik olur. Budaqları möhkəm, düz və ya bir qədər
əyri – üyrü, az hallarda sallaq olur. Cavan zoğları çılpaq və ya açıq, sıx tüklüdür.
Tumurcuqları yumurtavarı, dəyirmi və yaxud konusvaridir. Meyvələri ətli olub,
sarımtıl, çəhrayı, qırmızı, qara rəngdə olur.
Təbii boyaq maddəsi ilə yemişan bitkisinin ən çox qırmızı və qara rəngdə
olan meyvələri zəngindir. Təbii boyaq maddəsi istehsal etmək üçün yemişanın
meyvələri sentyabr ayının axırları oktyabr ayının birinci on günlüyündə tədarük
edilməlidir. Bu yetişkənlik mərhələsi “Texniki yetişkənlik” müddətinə təsadüf
edir və bu fazanı ötmüş yemişan meyvələrinin tərkibində təbii boyaq maddəsinin
miqdarı tədricən azalmağa başlayır ki, bu da meyvələrin tərkibində baş verən
biokimyəvi çevrilmələrlə şərtlənir. Buna görə də təbii boyaq maddəsi istehsal
etmək üçün nəzərdə tutulan yemişan xammalı keyfiyyətli olmaqla, nəzərdə
tutulan vaxtda yığılmalıdır. Yemişanın yığılması prosesini mexanikləşdirmək və
ya avtomatlaşdırmaq mümkün olmadığından, hələ ki, bu işi əl əməyindən
istifadə olunmaqla həyata keçirilir.
Yemişanın meyvələrinin kimyəvi tərkibi müxtəlif qiymətli təbii boyaq
maddələri ilə olduqca zəngindir. Lakin bu maddələri ayrılıqda tədqiq etmək
hələlik mümkün deyil. Yemişanmeyvələrinin tərkibinə daxil olan boyaq
maddəsinin ayrılması üçün müxtəlif üsullar tətbiq etmək mümkündür.
Yemişanın tərkibində boyaq maddələrinin öz rəngini dəyişmədən ayrılması çox
mühüm məsələdir. Bunun üçün ilk növbədə tədqiqat obyekti kimi yemişan
xammalı keyfiyyətli olmalı, toxum hissəsi lət hissədən asan ayrılmalıdır.
Yabanı halda yetişən yemişan bitkisinin ekoloji cəhətdən təmiz təbii
boyaq maddələri ilə zəngin olan sortları əsas etibarilə respublikanın dağlıq və
dağətəyi rayonlarında bitir. Boyaq maddələrinin toplanması ilə yanaşı bu
yemişan sortlarında C vitamininin miqdarı da yüksək olur. Buna görə də boyaq
maddəsi istehsal etmək üçün yaxşı olar ki, daha çox dağ və dağətəyi zonalarda
yetişən yemişan xammalından istifadə edilsin.
2.2. Tədqiqat metodları
Yemişan xammalından, qənnadı məmulatları istehsalı sahəsində istifadə
edilmək üçün təbii boyaq maddələrinin hazırlanması zamanı alınan boyaq
maddələrinin keyfiyyət göstəricilərinin tədqiq edilməsi məqsədi ilə müəyyən
edilmiş standartlara və texniki şərtlərə (TŞ) müvafiq yüksək keyfiyyətli məhsul
alınmasını təmin etmək üçün müxtəlif fiziki – kimyəvi tədqiqat metodları tətbiq
edilir.
Tədqiqat işlərinin aparılması müasir cihaz və avadanlıqlarla təchiz edilmiş
laboratoriyada yerinə yetirilir. Hər bir istehsal müəssəsində bu laboratoriyanın
təşkili mühüm məsələdir. İstehsalın gedişinə müvafiq olaraq nəzarət işinin
qarşısında duran birinci vəzifə, xammalın və hazır məhsulun keyfiyyətini
mövcud standartların və texniki şərtlərin tələblərinə müvafiq olaraq
yoxlamaqdır.
Hazır mehsulun keyfiyyəti təkcə xammalın keyfiyyətindən asılı deyildir.
Məhsul istehsalı zamanı texnoloji proseslərin düzgün icra edilməməsi
səbəbindən və ya istehsal zamanı sanitar gigiyenik qaydalara riayət edilmədikdə
keyfiyyətcə tam kondisiyalı xammaldan aşağı keyfiyyətli məhsul alına bilər.
Boyaq maddələri istehsal etmək üçün emala daxil olan yemişan
xammalından ilk növbədə orta nümunə götürülməlidir. Orta nümunəni emala
gətirilmiş yemişan xammalı partiyasını qabaqcadan nəzərdən keçirərək,
sertifikata uyğunluğu müəyyən edildikdən sonra götürürlər.
Götürülən orta nümunənin miqdarı məhsul partiyasının bircinsliyi
dərəcəsindən və az-çoxluğundan, aparılacaq laborator analizlərinin sayından
asılıdır.
Yemişan xammalından orta nümunənin götürülməsi, xammalın sortuna
müvafiq olaraq hər qabdan 500 – 800 qram olmaqla yerinə yetirilir. Əgər
yemişan xammalı nisbətən qurudulmuşdursa, bu zaman orta nümunənin miqdarı
800 – 1000 qramadək artırılır.
Götürülmüş orta nümunə laboratoriya şəraitindən asılı olaraq DÖST-ə
əsasən texniki, fiziki – kimyəvi və mikrobioloji analizlərdən keçirilir.
Nümunələrin analizi zamanı xammalın tərkibində olan xarakterik maddələrin
miqdarı nəzərə alınır və analiz işləri aparılır.
Texnoloji analizlərin aparılması xammalın emalı zamanı müxtəlif
texnoloji əməliyyatlardan asılı olaraq yerinə yetirilir.
Yemişan xammalından ekoloji cəhətdən sağlam olan təbii boyaq
maddələri istehsal edərkən giləmeyvələrin tərkibində suda həll olan quru
maddələrin, ümumi şəkərlərin, boyaq maddələrinin, bəzi vacib (məsələn,
askorbin turşusu, B qrup vitaminlər, polifenol birləşmələrinin və bir sıra digər
bioloji aktiv maddələr) vitaminlərin həm vəsfi və həm də miqdari cəhətdən
tədqiq edilməsi vacibdir.
2.2.1. Quru maddələrin miqdarının müəyyən edilməsi
Quru maddələrin miqdarı və ya quru qalıq – tədqiq edilən məhsulun
tərkibindən suyu çıxarıldıqdan sonra yerdə qalan hissəyə deyilir. Quru qalığın
kimyəvi tərkibi karbohidratların, zülalların, yağların, azotlu və azotsuz üzvi və
qeyri – üzvi birləşmələrin, mineral duzların və bu kimi digər maddələrin
mövcudluğu ilə müəyyən edilir.
Quru qalığın və suyun miqdarını fiziki – kimyəvi, kimyəvi və fiziki
üsullarla müəyyən edirlər. Qeyd edilməlidir ki, quru qalığın bilavasitə müəyyən
edilməsi üsulları, eyni zamanda suyun müəyyən edilməsinin dolayı üsuldur və
ya əksinə. Məhsulun tərkibindən onun suyunu tamamilə çıxarmaq, xüsusilə də
onun tərkib hissələrinin kimyəvi dəyişilməsinə yol verməmək şərtilə çıxarmaq,
hətta kimyəvi cəhətdən təmiz (saf) olan “k i m y ə v i t ə m i z” maddələr üçün
belə, hər zaman mümkün olan bir is deyildir. Tərkibcə mürəkkəb olan qida
məhsullarından suyun çıxarılması zamanı daha böyük çətinliklərlə qarşılaşılır.
Məsələnin mahiyyəti bundan ibarətdir ki, qida məhsullarının tərkibində sərbəst
halda mövcud olan sudan başqa, kolloid maddələrlə birləşmiş su da vardır ki,
belə suyu çıxarmaq daha çətindir.
Qida məhsullarının susuzlaşdırılması dərəcəsi tətbiq edilən temperatur
göstəricisindən, təzyiqdən, məhsulun qurudulmaya məruz qoyulduğu müddətin
davamlılığından və bu kimi bir sıra digər amillərdən asılıdır ki, bu amillər də
çox vaxt dəyişən kəmiyyət olduqlarına görə, quru qalığın və ya suyun müəyyən
edilməsi üçün işlədilən üsullar şərtidir.
Quru maddələrin miqdarının təyin edilməsi tətbiq olunan qurutma
üsullarından asılı olaraq müxtəlifdir.
2.2.1.1. Qurutma üsulu
Ən geniş miqyasda istifadə edilən bu tədqiqat üsulu, hər hansı bir qida
maddəsinin normal atmosfer təzyiqi altında 100
0
C-yə yaxın temperatur
həddində və yaxud vakuum şəraitdə daha kiçik temperatur hədlərində, öz
tərkibindəki suyu sürətlə itirməsi qabiliyyətinə əsaslanmışdır.
Məhsuldakı quru maddələrin miqdarını çox vaxt onu atmosfer təzyiqi
altında 98 – 100
0
C və ya 100 – 105
0
C temperaturda çəkisi sabitləşənədək
qurutmaqla müəyyən edirlər. Qeyd etmək lazımdır ki, bir saat ərzində davam
etdirilən təkrar qurutmadan sonra, maddəni dalbadal tərəzidə çəkməklə onun
müəyyən edilən iki çəkisi arasındakı fərq, qramın mində bir hissəsinə bərabər
oluncayadək qurutmanı davam etdirirlər.
Qida məhsulunu qurudarkən onun tərkibindəki su buxarları ilə bərabər
spirt, efir yağları, ammonyak, karbon qazı, uçucu turşular, ətirli birləşmələr və
bu kimi digər birləşmələri də məhsuldan ayrılıb kənarlaşa bilər ki, bu da onun
çəkisinin azalması ilə nəticələnər. Bununla yanaşı quru maddə itkiləri, qida
məhsullarının tərkibində baş verən kimyəvi parçalanma (məsələn, şəkərlərin
parçalanması) nəticəsində uçucu olmayan birləşmələrdən uçucu birləşmələrin
əmələ gəlməsi səbəbindən də yüksələ bilər.
Qurutma zamanı quru maddə itkiləri əksər hallarda analizin nəticəsinə az
təsir edir. Çünki, qurutma zamanı məhsulun tərkibində bir sıra kimyəvi və fiziki
– kimyəvi proseslər baş verir, bu proseslər isə quru maddələrin miqdarını süni
sürətdə artırır. Misal üçün, qurutma prosesi zamanı maddələrdən bir çoxu
oksidləşir, hidrofil kolloidlər isə rütubətin bir hissəsini özündə saxlayır, bütün
bunlar isə quru qalığın çəkisini artırır.
Məhsulu vakuumlu qurutma şkaflarında nisbətən aşağı temperatur
hədlərində qurutduqda, analiz nəticələri daha dəqiq olur (məsələn, 50 mm civə
sütunu təzyiqində su 38,3
0
C temperatur həddində qaynayır), bu şəraitdə
maddənin oksidləşməsi prosesləri də analizin nəticələrinə az təsir edir. Qida
məhsullarının bir çoxu üçün sabit çəki alınancayadək qurutma əvəzinə (bu cür
qurutmaya çox vaxt 10 saat və daha artıq vaxt sərf etmək lazım gəlir), şərti
qurutma müddəti müəyyən etmək olar.
Şərti qurutma dedikdə maddənin suyunun əsas kütləsinin çıxarıldığı,
sonrakı qurutmaların isə əvvəlcə əldə edilmiş nəticənin çox cüzi dərəcədə
dəyişilməsinə səbəb olduğu müddət başa düşülür.
Quru maddənin təyin edilməsi üçün analiz aşağıdakı kimi aparılır:
Analiz aparmaq üçün diametri 5 – 5,5 sm və hündürlüyü 4 – 5 sm olan
şüşə və ya metal büksdən ya da, eyni diametrli, dibi yactı dibli çini kasadan
istifadə edilir. Qarışdırmaq üçün hər iki başına kiçik şüşə çubuq yapışdırılmış
büksü texniki tərəziyə qoyub çəkisini tarazlaşdırır və içərisinə çəki ilə 12 – 15
qrama yaxın qum tökürlər. Çəkisi müəyyən edilmiş yemişan xammalı nümunəsi
ilə qumu qarışdırmazdan əvvəl qumda olan suyu çıxarırlar. Bunun üçün büksü
qum ilə birlikdə qurutma şkafına qoyub qurudurlar, sonra eksikatorda soyudurlar
və analitik tərəzidə 0,001qrama qədər dəqiqliklə çəkisini müəyyən edirlər. Sonra
analitik tərəzidə həmin büksdə yaxşı əzilib, narınlaşdırılmış orta yemişan
nümunəsindən təxminən 5 – 6 qram miqdarında götürüb qum ilə yaxşıca
qarışdırır və kütləni büksün dibinə bir qərarda yayırlar.
İşində məhsul olan ağzıaçıq büksləri qurutma şkafında rəfin temperaturu
yoxlanılmış müəyyən yerlərinə qoyurlar, sonra kütlənin 98 – 100
0
C istilik
həddidndə vaxtaşırı qarışdırmaqla 4 saat ərzində qurudurlar.
Qurutma prosesi qurtardıqdan sonra büksləri quruducu şkafdan çıxarır,
qapaqları ilə birlikdə eksikatorda CaCl
2
və H
2
SO
4
turşusu üzərində soyutduqdan
sonra tərəzidə çəkirlər.
Əgər büksün qum və çubuqla birlikdə sabit çəkisi (birinci çəki) və həm
məhsulla birlikdə çəkisi (ikinci çəki) məlumdursa, onları bir – birindən çıxmaqla
götürülmüş maddənin çəkisini tapırlar. Qurutduqdan sonra büksü məhsulun quru
qalığı ilə çəkirlər (üçüncü çəki). Bu çəkilərə əsasən, analiz aparan şəxsin
qarşısında qoyulmuş vəzifədən asılı olaraq, quru maddələri (S
qm
) və ya suyun %-
lə midarını (S
c
) asanlıqla təyin edirlər:
(S
c
) = [(ikinci çəki – üçüncü çəki)/(ikinci çəki – birnci çəki)] · 100
(S
qr
)= [(üçüncü çəki – birinci çəki)/(ikinci çəki – birinci çəki)] · 100
2.2.1.2. Refraktometriya üsulu
Şüaların sınması hadisəsi və işığın refpaksiyası ondan ibarətdir ki, iki
mühitin ayrılma müstəvisinə mail yönəlmiş paralel şüalar dəstəsi bir mühitdən
digərinə keçərkən maillik bucağını dəyişdirir. İşığın yayılma istiqamətinin onun
sürətinə təsir etmədiyi cisimlərdə α düşmə bucağı sinusunun β sınma bucağı
sinusuna olan nisbəti sabit təzyiq və temperaturda sabit kəmiyyətdir (n):
const
n
sin
sin
Quru maddənin bu üsulla təyini əsasən mayeşəkilli qida məhsullarına
tətbiq edilir. Bunun üçün müxtəlif tipdə olan refraktometrlərdən istifadə olunur.
Yemişan boyağı ekstraktının quru maddəsini təyin etmək üçün RL və
URL tipli refraktometrlər daha sərfəlidir.
Refraktometr vasitəsilə quru maddənin təyini aşağıdakı kimi aparılır:
Sağanağı prizma ilə birlikdə yuxarıya qaldırır və təmiz şüşə çubuqla aşağı
prizmanın səthinə quru maddəsi təyin ediləcək boyaq maddəsi salırlar, sonra
maddənin üstünü digər prizma ilə örtürlər. Daha sonra baxış sahəsinin
işıqlandırılma dərəcəsinə okulyara baxmaqla nəzər yetirirlər. Bu zaman
kompensatoru kiçik qol vasitəsilə elə vəziyyətə gətirirlər ki, işıq və kölgənin
ayrılma sərhədi kifayət qədər kəskin olsun, bundan sonra refraktometrin
göstərişlərin qeyd edirlər və temperaturu hökmən göstərirlər. Analiz
qurtardıqdan sonra prizmaların səthini suda və ya spirtdə azca isladılmış
pambıqla silib təmizləyirlər. Paralel aparılan hesablamalar arasındakı fərq 0,2%-
dən artıq olmalıdır.
Boyaq maddəsi istehsalı üçün nəzərdə tutulan yemişan xammalının əsas
göstəricilərindən biri də ümumi turşuluqdur. Ümumi turşuluğu aşağıdakı
qaydada təyin edirlər. Orta sınaq nümunəsini (20 qram) texniki-kimyəvi
tərəzisində stəkanda və ya çini kasada 0,01 qram dəqiqliklə çəkib, itkisiz olaraq
(distillə edilmiş isti su ilə) yumaqla 250 ml-lik ölçü kolbasına qıf vasitəsilə
keçirirlər. Kolbaya təqribən
4
3
hissəsinə qədər isti halda (80
0
C) distillə edilmiş
su əlavə edib, yaxşıca çalxalıyır və 30 dəqiqə gözləyirlər. Sonra kolbanı su
kranının altında otaq temperaturuna qədər soyudub, üzərinə nişanlanmış yerə
çatıncayadək distillə edilmiş su əlavə edib və ağzını tıxacla qapayıb, yaxşıca
qarışdırırlar. Sonra mayeni qırışlı quru süzkəcdən quru stəkana və ya kolbaya
süzür, pipet ilə 50 ml filtrat götürüb, tutumu 200 – 250 ml olan konusvari
kolbaya tökür, üzərinə 3 – 5 damcı fenolftaleinin spirtdə 1 %-li qələvi məhlulu
ilə titrləyirlər.
Yemişan boyağı moruğu rəngdə olduğundan titrləmənin sonunu həssas
lakmus kağızı ilə müəyyən edirlər.
Ümumi turşuluğu müvafiq turşuya görə faiz ilə (X) ifadə edirlər.
Hesablama aşağıdakı düsturla aparılır:
a
k
n
X
100
5
;
Burada: n – 0,1 n qələvi məhlulunun sərf edilən millilitrlərinin sayı;
k – müvafiq turşuya görə hesablama əmsalı (alma turşusuna
görə- 0,0067; limon turşusuna görə – 0,0064; çaxır
turşusuna görə – 0,0075 və s. hesablanır).
a – sınaqdan keçirilən maddənin sınaq çəkisi və götürülən
həcmidir.
Təbii yemişan boyaq maddəsinin keyfiyyətini xarakterizə edən
göstəricilərindən birisi də şəkərlərdir. Şəkərlərin təyini üçün müxtəlif üsullar
mövcuddur. Bu üsullar içərisində ən geniş yayılmış üsullardan biri ferrosianid
üsuludur.
Şəkərləri kalium-dəmir 3-heksasianid ilə oksidləşdirdikdə həmin duz,
kalium-dəmir 2-heksasianidə (sarı qan duzuna) reduksiya olunur:
C
6
H
12
O
6
+6K
3
Fe(CN)
6
+6KOH = COOH–(CHOH)
4
–COOH + K
4
Fe(CN)
6
+4H
2
O
Müəyyən konsentrasiyalı kalium-ferrosianidin qələvidə məhlulunu bir
indikator kimi göstərilən metilen abısının iştirakı ilə, tədqiq edilən yemişan
boyağı məhlulu ilə titrləyirlər. Yoxlanılan məhlulda şəkərlərin konsentrasiyası
2% ilə 0,1% arasında olmalıdır.
Birinci analiz təqribi hesab edilir. 100 ml-lik konusvari kolbaya 20 ml
K
3
[Fe(CN)
6
] məhlulu və 5 ml NaOH məhlulu tökürlər. Şəkərlərin
konsentrasiyası 0,25 %-dən azdırsa 10 ml K
3
[Fe(CN)
6
] məhlulu və 2,5 ml NaOH
məhlulu götürülər. Kolbadakı məhlulların üzərinə bir damcı metilen abısı salıb
qarışığı tor üzərində qaynayıncaya qədər qızdırır və qaynayan məhlulu
yoxlanılan məhlul ilə titrləyirlər. Titrlənməni aramla aparıb, hər dəfə bir neçə
saniyə ara verməklə bir damcı əlavə edirlər, metilen abısının rəngi itdiyi anda isə
titrləməni dayandırırlar. Son titrləmədə K
3
[Fe(CN)
6
] və NaOH məhlullarının
qarışığına büretdən yoxlanılacaq məhlulu tökürlər. (təqribi analizdə sərf edilmiş
həcmdən 0,2-0,3ml az tökmək lazımdır). Sonra qarışığı 0,75 – 1 dəqiqə ərzində
qaynama temperaturuna qədər qızdırıb 1 dəqiqəyə yaxın qaynadırlar, bundan
sonra üzərinə 1 damcı metilen abısı əlavə edib, lampanın alovunu azaldır və
metilen abısının rəngi itənə qədər büretdən damcı-damcı məhlul salmaqla
tamam titrləyirlər. Analiz nəticələrini aşağıdakı düstürla hesablayırlar:
b
a
b
K
X
10
)
035
,
0
12
20
(
Burada: X – şəkərin miqdarı, %-lə,
b – titrləmədə əlavə edilən şəkərin həcmi, ml-lə,
k – hazırlanmış K
3
[Fe(CN)
6
] məhlulu üçün həmin duzun düz
1%-li məhlula görə düzəliş əmsalı,
a – durulaşdırma amilidir.
Təbii yemişan boyaq maddəsinin əsas göstəricisi onun tərkibində olan
rəng maddələridir. Ümumiyyətlə boyaq və aşı maddələrini Neybauer və
Levental üsulu ilə kimyəvi metodla təyin edirlər. Lakin bu üsulla boyaq
maddələrini dəqiq təyin etmək çətin olur. Buna görə də boyaq maddələrinin
miqdarını fiziki üsullarla cihazların köməyilə təyin edirlər.
Rəng xarakteristikası üçün Beynəlxalq şüalandırma komissiyası
tərəfindən 1932-ci ildə 3 əsas (göy, yaşıl, qırmızı) rəngə əsasən rəng
maddələrinin təyin edilməsi qəbul edilmişdir. Qırmızı rəng – 700 nm, yaşıl rəng
– 546,1 nm, göy rəng – 435,8 nm dalğa uzunluğuna uyğun gəlir.
Spektrofotometrin köməyi ilə bu 3 rəng sərhədində olan rənglərin
intensivliyi təyin edilərək 400-dən 700 nm dalğa uzunluğunda spektral əyrilər
qurulur.
Yeyinti məhsullarının rəngini təyin edərkən C-işıq mənbəyindən istifadə
edirlər.
X, Y, Z-in qiymətlərini məhluldan keçən və əks olunan şua spektrinə
əsasən Qardi koordinat sistemi əsasında təyin edilir. Koordinatlara uyğun gələn
dalğa uzunluqlarının qiyməti aşağıdakı cədvəldə verilmişdir. Tədqiq edilən
məhluldan keçən və əks olunan şuanın faizlə miqdarı təyin edildikdən sonra
cədvəldə verilmiş X, Y, Z koordinatlarının qiymətləri ayrılıqda toplanır və
0,0980, 0,1000, 0,11814 və ya 0,03269, 0,03333, 0,3938 çevirmə əmsallarına
vurulur, alınmış nəticələr
Z
Y
X
X
X
1
və
Z
Y
X
Y
Y
1
kəmiyyətlərinin təyin
edilməsi üçün istifadə edilir.
Dostları ilə paylaş: |