Tayanch tushunchalar Belgi – boshqa bir predmet, xossa yoki munosabatni ifodalaydigan va muayyan xabarni uzatish, saqlash yoki unga ishlov berishda ishlatiladigan moddiy, hissiy idrok etiladigan predmet.
Chinlik – bu fikrning real voqelikdagi munosabatlarga mos kelish-kelmasligini ifodalaydi.
Deduksiya – tadqiqot yoki tavsiflash metodi, usuli bo‘lib, bunda ayrim qoidalar umumiy xulosalar, aksiomalar, qoidalar, qonunlardan tadrijiy yo‘l bilan keltirib chiqariladi.
Denotat – nomning mazmuni predmetini ifoda qiladi va mantiqdagi nom.
Deskriptiv atamalar - Gapda predmetlarni ularning xossalari va munosabatlarini aks ettiruvchi ifodalar.
Entimema – asoslardan biri yoki xulosasi qoldirilib ifoda etilgan sillogizm.
Epixeyrema – qisqartirilgan murakkab sillogizm.
Formallashtirish - konkret mazmunga ega bo‘lgan fikrlarni simvollar bilan almashtirish.
Kategoriya – tushunchaning maxsus turi.
Klassifikatsiya – tasnif.
Kontsept – nomning ma’nosi, predmetni muhim umumiy belgilarini ifodalaydi.
Mahsulot – ko‘rish, eshitish, umuman besh sezgi tomonidan qo‘lga kiritilgan bilimlar.
Mantiq –tafakkur qonunlari, shakllari va usullarini o‘rganadigan fan.
Mantiqiy anliz – tadqiq etuvchi obyektni fikran tarkibiy qismlarga ajratish.
Mavhumlashtirish – (abstraksiyalash) – bilishda obyektiv reallikdagi predmet, hodisalarning eng muhim, asosiy, umumiy tomonlarini aniqlash.
Pragmatika -kishilarni belgilarga munosabatini, belgilar yordamida kishilar o‘rtasida vujudga keladigan munosabatlarni o‘rganadi.
Predikatlar mantig‘i – mulohaza jarayonini hukmlarning ichki tuzilishini xisobga olgan xolda o‘rganuvchi formallashgan mantiqiy sistemadir.
Predikatorlar – predmet xossalari va munosabatlarini aks ettiruvchi ifodalar.
Psixologiya – insonning ruhiy taraqqiyoti qonunlarini o‘rganuvchi fan.
