Fan va innovatsiyalar vazirligi materialshunoslik universiteti

2. Ammiak ta`siridan temir (II) ion ham oq rangli Fe(OH)₂ cho'kma hosil qiladi.
FeSO₄+ 2NH₄OH→Fe(OH)₂↓ + (NH₄)₂SO₄
Biroq Fe²⁺ ion to'lig'icha cho'kmaydi. Fe(OH)₂ cho'kmasining ammoniy tuzlarida erishi natijasida Fe²⁺ ion ammoniy tuzlari ishtirokida Fe(OH)₂shaklida cho'kmaydi. Eritma aralashmasi ochiq havoda qolib ketsa, Fe²⁺ ionning oksidlanishi natijasida Fe(OH)₃ cho'kmasi hosil bo'ladi.
3. Natriy, kaliy va ammoniy karbonatlari ta'siridan Fe²⁺ ion oq rangli FeCO₃ cho'kma hosil qiladi, cho'kma havo kislorodi ta'siridan sekin oksidlanib, qizil-qo'ng'ir rangli Fe(OH)₃ ga aylanadi:
Fe²⁺+ CO₃^2-→FeCO₃↓
4FeCO₃ ↓ + 6H₂O + O₂→ 4Fe(OH)₃↓ + 4CO₂↑
4. Ammoniy sulfid temir (II) ioni bilan qora rangli cho'kma -temir (II) sulfid hosil qiladi:
FeSO₄ + (NH₄)₂S→FeS↓ + (NH₄)₂SO₄
Fe²⁺+S^2- →FeS↓
Cho'kma mineral va sirka kislotalarida eriydi.
Reaksiyaning bajanlishi. Temir (II) tuzining 2-3 tomchi eritmasiga shuncha (NH₄)₂S eritmasi qo'shiladi.
5. Kaliy geksatsianoferrat (III) - K₃[Fe(CN)₆] temir (II) ioni bilan to'q ko'k rangli turnbul ko'ki cho'kmasini hosil qiladi:
3FeSO₄+2K₃[Fe(CN)₆] →Fe₃[Fe(CN)₆]₂↓+3K₂SO₄
3Fe²⁺+ 2[Fe(CN)₆]^3-→Fe₃[Fe(CN)₆]₂↓
Cho'kma kislotalarda erimaydi, lekin ishqorlarda parchalanadi.
Mazkur reaksiya temir (II) ion uchun o'ziga xos reaksiya bo'lib, uni pH=2 bo'lganda oksidlovchilar bo'lmagan sharoitda o'tkazish kerak. Oksidlovchilar temir (II) ionini oksidlab, temir (III) ioniga aylantirishi mumkin. Unutmaslik kerakki, K₃[Fe(CN)₆] ning o'zi ham oksidlovchi bo'lgani uchun uni tomchilab qo'shish tavsiya qilinadi.