Fənn: Çıxan protezlərin hazırlanma texnikası Şöbə: “Ortopedik stomatologiya” 2 nömrəli Bakı Baza Tibb Kolleci

İkiçiyinli məftil klammerin əyilmə texnikası. 

İkiçiyinli klammer dişi həm vestibulyar, həm də oral səthindən əhatə edir, dayaq dişi az zədələyir 

və  protezin  yaxşı  fiksasiyasına  imkan  yaradır.  İkiçiyinli  əyilmiş  məftil  klammer  iki  üsulla  hazırlana 

bilər.  Çiyin  dişin  vestibulyar  səthi  üzərində  əyilir,  cisim  yan  səthə  doğru  əyilir.  Sonra  krampon 

kəlbətinlə  klammer  cismi  tutularaq,  dairəvi  kəlbətinlə  ikinci  çiyin  əyilir.  İkiçiyinli  klammerə  ucu 

əvvəlcədən yastılanmış çıxıntı lehimlənir. Lehimləmə zamanı metal möhkəmliyini itirə bildiyi üçün 

okklüzion  pəncəli  çıxıntını  mumdan  modelləşdirib  tökmə  yolu  ilə  hazırlamaq  və  klammerə 

lehimləmək  olar.  Bu  zaman  klammer  ikiçiyinli  əyilmiş  klammerdən  ikiçiyinli  dayaq-tutucu  əymə-

tökmə klammerə çevrilir.  

İkinci  üsul:  5-6  mm  uzunluqda  və  0,8-1  mm  qalınlıqda  sancaq  şəklində  əyilmiş  məftil 

parçasından  həm  vestibulyar,  həm  də  oral  çiynin  hazırlanmasından  ibarətdir.  Klammerin  ucları 

hamarlanır və s.