Fənn: Çıxan protezlərin hazırlanma texnikası
Şöbə: “Ortopedik stomatologiya”
2 nömrəli Bakı Baza Tibb Kolleci
47
2. Hissəvi tormozlanma dövrü protez təhvil veriləndən sonrakı 1-5 ci günlərə uyğun gəlir. Bu
dövrdə nitq, çeynəmə bərpa olunur, salivasiya azalır, qusma refleksi sönür.
3. Tam tormozlanma dövrü protez təhvil veriləndən sonrakı 5-33-cü günlərə müvafiqdir. Bu
dövrdə artıq protez xəstələr tərəfindən yad cisim kimi qəbul edilmir, əksinə, onlar protezsiz diskomfort
hiss edirlər.
Xəstəyə adaptasiya dövründə baş verə biləcək bütün hallar - ağız suyu ifrazının artması,
qusmaya meyllik, nitqin dəyişilməsi, dadbilmə və taktil hissiyatın pozulması barədə məlumat
verilməlidir. Bütün bu hallar, həmçinin ağızda artıq bir şeyin duyulması hissiyatı ilk dəfə protezdən
istifadə edən şəxslərdə özünü daha artıq biruzə verir. Tədricən bu hissiyatlar itir. Diskomfortun aradan
qaldırılmasına əməklə məşğul olmaq və yayındırıcı işlər kömək edir.
Xəstələrə tapşırılmalıdır ki, protezlərinə və ağız boşluğuna yaxşı qulluq etsinlər, protezi hər gün
yatmazdan qabaq sabunla sərt fırça ilə yumaq, hər qida qəbulundan sonra ağız boşluğunu və protezi su
ilə yaxalamaq lazımdır.
| 
