Фирузя мяммядли

Seçilmiş əsərləri X 
13 
Yeridik, yürüdük, yıxıldıq, qalxdıq, 
Qala həvəsliydik, koma düzəltdik... 
Yada üz tutmadıq var həvəsilə, 
Aza da, çoxa da gözü tox olduq. 
Bağlandıq məsləkə, elə, obaya, 
Düşmənə nifrətdə səbri çox olduq. 
İçimiz, çölümüz atmadı bizi, 
Necə var idiksə, eləcə varıq. 
Vətənə, torpağa, yurda, yuvaya, 
Dosta bağlılıqda ölüncə varıq. 
...Yollar – ayaqyalın, yollar – qaçaraq, 
Lalə çıraqlıydı, dərə-düz onda. 
Elə sırğa idik söz qulağında, 
Bir ərgən bəlaydıq hərəmiz onda. 
2019

---

Firuzə Məmmədli 
14 
***
Gözüm yolunda qalan 
Uğurlar mənə qaçır. 
İstəyirəm, yol azam, 
Cığırlar mənə qaçır. 
İtirmişəm başımı, 
Yer-göy mənə daşınır. 
Soruşmayın yaşımı, -
Çuxurlar mənə qaçır. 
Səsim uzaqdan gəlir, 
Nəfəsim haqdan gəlir. 
Qismətim yoxdan gəlir, -
«Şükür»lər mənə qaçır. 
2018 
 
 

---

Seçilmiş əsərləri X 
15 
 
 
QAYIDAR 
 
Mənim zənglərimin qulağı – səsdə, 
Gedər siqnallarım, gedər, qayıdar. 
Mənim zənglərimə oyanan kəs də 
Özündən-özünə qədər qayıdar. 
Qayıdar, zamanın içini görər,
Yerinin, yurdunun köçünü görər. 
Ona biçimlənən ölçünü görər, 
Bugündən dünənə gedər qayıdar. 
Bilər ki, halalı, haramı nəymiş, 
Şöhrətin, sərvətin talanı nəymiş. 
Düşdüyü oyunun məramı nəymiş, 
Bəxtin ələk-vələk edər, qayıdar. 
2015
 

---

Firuzə Məmmədli 
16 
***
Davam edir 37 
Xəlil Rza Ulutürk 
Vurdum gecəni gündüzə, 
Əyri neçəni min düzə. 
Yenə bağlandım bir sözə, 
Ümidə bağlandım yenə. 
Bağlı idi, getdim, açdım, 
Dindən-dondan ötdüm açdım. 
Açdım, örtdüm, örtdüm, açdım, 
Qapıda saxlandım yenə. 
Dindi sözüm min dil ilə, 
Yol açmadım him-cim ilə. 
Söz dəyərdə incim ilə, 
İzləndim, yoxlandım yenə. 
2018