Фирузя мяммядли
Yüklə 3,91 Mb. Pdf görüntüsü
|
- Bu səhifədəki naviqasiya:
- Seçilmiş əsərləri X 229 MƏNZƏR NĠYARLl – 60 60 illik yubiley mərasimindəki çıxışım.
|
Firuzə Məmmədli
228 da, ağılarımızın da, sayaçı mahnılarımızın da yaradıcısı, bəstə- karı, müğənnisi odur. Deməli şairlik qadının təbiətində onun mənəviyyatının ayrılmaz bir hissəsi, bir komponentidir. Onda baxaq görək min illik tariximiz ərzində biz çoxmu qadın şairimizin adını uca tut- muş, qoruyub saxlamış, çoxmu qadın şairlərimizin yaradıcılı- ğını qədərincə öyrənmək imkanı əldə etmişik? 800 il bundan əvvəlki əsr bizə Məhsəti Gəncəvini göndərib. İlahi, özü də nə gündə, nə bərbəzəkdə? Nə söz-söhbətdə? Məhsətidən Natəvana, Heyran xanımna qovuşmaq üçün Azərbaycan poeziyası 600 ildən yuxarı yol getməli olub. Do- ğurdanmı bu itirilən yüzillər bizə qadın şairlərimiz barəsində heç nə demir? Əlbəttə belə deyil. Onlarla, bəlkə də yüzlərlə qa- dın şairimiz olub. Nadan münasibətlər, maddi ehtiyaclar, xüra- fatın hücumları, cürbəcür faciəli taleləri bu sənət fədalilərinin yeganə mükafatı olub. Hörmətli yazıçımız Əzizə Cəfərzadənin tədqiqatlarından bu barədə istənilən qədər məlumat ala bilərik. Bəli, qadın yazıçı və şairlərimizin bugünkü taleyi ilə 100 il, 200 il, 500 il, 800 il bundan əvvəlki taleyi arasında bir o qə- dər də fərq yoxdur. Yenə həmin şübhəli, həqarətli, laqeyd, say- mazyana münasibət, yenə həmin faciəli tale, qurbanlar, məh- dudiyyətlər... 1990 Seçilmiş əsərləri X 229 MƏNZƏR NĠYARLl – 60 60 illik yubiley mərasimindəki çıxışım. Mənzər Niyarlı ədəbiyyatımızın nəsr qoluna qüvvət verən istedadlı yazıçılarımızdandır. Mənim onunla tanışlığımın 30 il- dən bir az çox yaşı var. Mənzər xanımı ilk dəfə görəndə o mən- də iki hiss, iki fıkir oyatdı: Əvvala, Mənzər xanımın təmkini, səbirli, ağır-sabır davranışı məndə belə bir fıkir oyatdı ki, o çox dərin düşüncəli, ciddi, hadisələri dönə-dönə saf-çürük etməyi xoşlayan bir xanımdır. İkinci fıkir bir qədər qəribə səslənsə də, mənə belə gəldi ki, Mənzər xanım mənəviyyat adamından daha çox həyat adamıdır. O real həyatla, gündəlik qayğılarla daha çox bağlıdır. Sonralar onun əsərləri ilə tanışlıq təsəvvürümdə bu iki mövqeyi birləşdirdi və Mənzər xanım təsəvvürümdə bir ya- zıçı kimi tamlaşdı. Sən demə, Mənzər xanımın real həyat ha- disələri ilə bağlılığı onun müşahidə qabliyyətinin güclülüyün- dən irəli gəlirmiş. Dərinlik isə onun müşahidə etdiyi faktları təhlil qabiliyyəti ilə bağlıdır. Xasiyyətindəki plastika Mənzər xanımın hadisələrə, götürdüyü mövzunun bədii həllinə ciddi və tələbkar yanaşmasına maneçilik törətmir. Mənzər xanımın cid- diyyəti o qədər ciddidir ki, bəzən mənə elə gəlir ki, o dəlilər haqqında yaza bilməz. Yəni dəlilər haqqında yazmaq üçün Mənzər xanım çox ağıllıdır. Mənzər xanımın dəst-xətti, özünə- məxsusluğu, orijinallığı onun bütün qələm məhsullarında nəzəri cəlb edir. Onun nəsri təmizdir, pakdır. Erotika, parnoqrafıya həlləm-qəlləmliyi Mənzər xanımın nəsrinə yaddır. Tipajları da təmiz, saf dağ adamı kimi mərdanə və vicdanlı adamlardır. Bu, həyatın gözəl tərəfıdir. Gözəl tərəfı isə ancaq gözəl gözlərlə görmək olar. Mənzər xanım öz bədii obrazlarını ömrün kamillik pilləsindən götürür. Həyatın ortasından, qayğı və ehtiyaclarının içindən götürür. |