Gdds dqaf category Templates

3.3.2 Boshqa statistik jarayonlar 
Yillik va choraklik YAIMni ishlab chiqarish usulida baholashda qonun bilan taqiqlangan 
faoliyatlar baholanmaydi. Norasmiy faoliyatni maxsus tadqiqotlar, ma’muriy ma’lumotlar va uy 
xo‘jaliklarining tanlanma kuzatuv ma’lumotlari asosida baholanadi. 
3.4 Ma’lumotlarni taqqoslash 
3.4.1 Oraliq natijalarni taqqoslash 
Ayrim ma’lumotlar manbalari keskin farq qiluvchi qiymatlar bor yoki yo‘qligi tekshirib boriladi. 
Keskin farq qiluvchi qiymatlar aniqlanganda milliy hisoblarni shakllantiruvchi xodimlar tegishli 
bo‘linmalarga ma’lumotlarni tekshirish uchun murojaat qiladilar. Dastlabki ma’lumotlar tahlil 
qilinadi va dinamik mosligi tekshiriladi. 
3.4.2 Oraliq ma’lumotlarni baholash 
Asosiy oraliq ma’lumotlarda yuzaga kelishi mumkin bo‘lgan farqlar tahlil qilib boriladi va bu 
farqlarni bartaraf etish uchun moslashtirish ishlari amalga oshiriladi. Xususan, quyidagi 
koeffitsientlar ehtiyotkorlik bilan tekshiriladi: oraliq iste’mol / ishlab chiqarish, yalpi qo‘shilgan 
qiymat / ishlab chiqarish. Bundan tashqari, faoliyat turlari kesimida qo‘shilgan qiymatning 
tarkibi xronologik mosligi tekshiriladi. 
3.4.3 Yakuniy statistik ma’lumotlardagi tafovutlar va boshqa nomuvofiqliklarni o‘rganish 
YAIMni ishlab chiqarish va xarajatlar (yakuniy iste’mol) usullari orasidagi statistik tafovutlar 
aniq ko‘rsatilib o‘tiladi. YAIMni baholashdagi tafovutlar tahlil qilinadi. 

---

3.5 Ma’lumotlarni qayta ko‘rib chiqish tahlili 
3.5.1 Ma’lumotlarni qayta ko‘rib chiqishni o‘rganish va tahlil qilish 
YAIM ko‘rsatkichlarini qayta ko‘rib chiqish tartibi har yili tasdiqlanadigan Statistika dasturida 
aks etadi. YAIMni yillik (dastlabki) baholash hisobot yili yakunlangandan so‘ng
bir oydan keyin taqdim etiladi. YAIMni ushbu baholanishi hisobot yilidan keyin 11 oydan so‘ng 
yillik statistik hisobot ma’lumotlari asosida qayta ishlanadi.