|
Dəmiryol nəqliyyatının tikinti və qurğuları
Dəmiryol nəqliyyatı mürəkkəb, çoxşaxəli təsərrüfat olub tərkibinə dəmir yolları, dəmir yollarına xidmət edən müəssisələr daxildir. Daşıma proseslərinin yerinə yetirilməsi üçün dəmir yolu hərəkət tərkibi, dəmir yolu tikinti qurğularından ibarət texniki vasitələrə malik olub aşağıdakılardan ibarətdir:
-dəmiryol şəbəkəsi – buraya dəmir yolları, dalan və ehtiyat yollar, qəbul məntəqələri, qatarların tərtib edilməsi, göndərilməsi və qəbul edilməsi üçün məntəqələr və s aiddir;
- sərnişinlərin minməsi, düşməsi vasitələri;
- yükvurma və yükboşaltma qurğuları;
-qatarların təhlükəsiz hərəkətini təmin edən, istehsal proseslərini sürətləndirən avtomatika, telemexanika, rabitə və hesablama texnikası sistemləri;
- lokomotiv və vaqonları təmir edən istehsal sahələri;
- dartı yarımstansiyası, kontakt şəbəkəsi və digər elektrik avadanlıqları sahəsi;
- su təhcizatı qurğuları;
- texniki təhcizat bölümü.
Dəmir yolunun ayrılmaz hissəsi olan metropoliten vaqonların təmiri, yeraltı stansiyaların işinə xidmət, vaqonların verilməsi və s. problemlərin həllini yerinə yetirir. Dəmiryol nəqliyyatının işinə qatarların hərkət ardıcıllığının istənilən vəziyyətlərdə təmin edilməsi, dəmiryol müəssisələri arasındakı qarşılıqlı əlaqələrin məqsədyönlü yaradılması daxildir. Bu strukturun əsasını vahid rəhbırliyin təmin edilməsi, xətti qulluq strukturlarına sərbəstlik verilməsi, sahələr üzrə lokal rəhbərliyin yaradılması təşkil edir.
Dostları ilə paylaş: | 
