21-MAVZU. MAKTAB O‘QUVCHILARINI PEDAGOGIK KORREKSIYA QILISHDA QO‘LLANILADIGAN METODLAR
Asosiy savollar: O‘zlashtirishi past o‘quvchilarni korreksiya qilish metodi.
Ijtimoiy adaptatsiyani korreksiya qilish metodi.
Bolalar bilan ishlash uchun korreksion metodlar.
Quyida kichik va o‘rta sinf o‘quvchilari bilan tashkil qilinadigan tarbiyaviy faoliyatda qo‘llanilishi mumkin bo‘lgan pedagogik korreksiya metodlaridan namunalar keltirilgan. “Do‘stimga yordam” korreksiya metodi.
Metod turi: mashq. Maqsad: depressiv bola xulq-atvorini korreksiya qilish Jarayon:depressiyaga tushgan, o‘ziga ishonmaydigan bolaga butun sinf o‘quvchilari yordam beradi. O‘qituvchi bolalar bilan kelishib olgan holda o‘quvchiga ochiq samimiy, do‘stona munosabat o‘rnatish kerakligini kelishib olishadi. O‘qituvchi boshqa sinf a’zolariga “hozir unga qiyin, bunday vaziyat hammamizda bo‘lishi mumkin. Biz uni qo‘llab quvvatlasak, u o‘ziga kelib olishi mumkin”, deb tushuntiradi va zaruriyatga qarab rollarni ham taqsimlab berishi ham mumkin.Masalan, kimdir o‘qishlariga, kimdir muloqot o‘rnatishiga, kattalar bilan munosabat o‘rnatishiga yordam berishi mumkin.
Variatsiya: Bu metodika barcha turdagi оg‘ishishlarga ijobiy ta’sir ko‘rsatadi.
Natijalar tahlili: O‘quvchi harakatlarini kuzatish.
Xulosa: Natijalar o‘z poyiga yetganda, o‘quvchida normal munosabatlar paydo bo‘ladi va boshqalarni jalb qilish odati yo‘qo‘ladi. Frustrattsiya va deprivatsiyani bartaraf etuvchi korreksiya metodi.
Nomlanishi: “ Men hursandman”
Metodi:yozma
Maqsad:. deprivattsion hislarni normallashtirish.
Jarayon: o‘qituvchi bolalarga “Men hursandman chunki men... emasman” deb boshlanadigan kichik hajmdagi insho yozishni taklif etadi. Bolalar sog‘lomligidan, kiyimlari va yeyishga bir burda noni borligidan xursandligini yozishi mumkin. Oldinda butun hayot turibdi, o‘zini bularning barchasi yo‘q insonlar bilan taqqoslashtirib ko‘rsin.
Variattsiya: yoshga yoki deprivattsiya darajasiga bog‘liqlik.
Natijalar tahlil: o‘zini o‘zidan ham og‘ir atrofdagilar bilan solishtirib ko‘rgan bola asta - sekin deprivattsiyadan holos bo‘ladi.
