|
Ko‘plab parazitizmda bir xo‘jayinni takroran bir tur yoki bir necha tur qayta zararlaydi. Bunda ularning avlodi bir vaqtning o‘zida rivojlanadi.
Zararlanadigan turlar soniga qarab, parazitlar ko‘p turlarni zararlovchi polifaglar, kamroq turlarni zararlovchi oligofaglar va faqat bir turni zararlovchi monofaglarga bo‘linadi.
Monoksen va geteroksen parazitizm ham mavjud bo‘lib, monoksen parazitizmda parazit rivojlanishi poyoniga yetishi uchun bitta xo‘jayin, geteroksen parazitizmda esa uning to‘liq rivojlanishi uchun bir qancha xo‘jayin kerak bo‘ladi.
Bir organizmda rivojlanadigan parazitlar soni va qaysi turga mansubligiga qarab, parazitizmning quyidagi ko‘rinishlari qayd qilinadi:
– yakka holda rivojlanish, bunda bir parazit zoti rivojlanishi bitta xo‘jayin tanasida kechadi;
– guruhlab rivojlanish, bunda bir turga mansub parazitlarning ikkitasi va undan ko‘prog‘i bir xo‘jayinda rivojlanadi;
– kleptoparazitizm yoki o‘g‘irlik parazitizmi, bunda kleptoparazit o‘z avlodini, oldinroq zararlangan xo‘jayin tanasiga joylashtiradi va so‘ngra raqobat natijasida dastlabki parazitni bartaraf etadi.
Dostları ilə paylaş: | 
