I bob. So‘zning funksiyasi
Yüklə 1,24 Mb. Pdf görüntüsü
|
|
4 I BOB. SO‘ZNING FUNKSIYASI So‘z tilning va nutqning serqirra unsuri hisoblanadi. Shuning uchun u fonetikada, leksikologiyada, frazeologiyada, grammatikada, stilistikada ham o‘rganiladi. Fonetikada so‘zning tovush xususiyatlari, fonologik tomoni o‘rganilsa, leksikologiyada uning denotat
va signifikat tomonlari tekshiriladi. Frazeologiyada so‘zning ko‘chma ma’nodagi birikma qolipida kelishi, grammatikada turkumlarga bo‘linishi va gap bo‘laklari vazifasida kelishi tekshiriladi. Stilistikada turli uslublarga ko‘ra qo‘lanishi yoritiladi. Shuni ta’kidlash kerakki, so‘zning tilshunoslikning turli bo‘limlarida o‘rganilishining sababi uning mazmuni bilan chambarchas bog‘liq. Chunki bir so‘zning o‘zini turli ma’nolarda qo‘llash mumkin. Darhaqiqat, Sh. Balli so‘zning ma’nosini chaqishdan charchadim, deb bejiz aytmagan edi 1 . Agar shunday bo‘lmaganda tilimiz allaqachon o‘lik tilga aylangan bo‘lar edi. So‘z voqelikdagi biror narsani, voqeani, hodisani nomlaydi. Ana shu jarayonda so‘zning ma’nosi shakllanadi. So‘zning fizik qiyofasi bilan u anglatayotgan narsaning fizik qiyofasi o‘rtasidagi bog‘lanish birligi ma’no hisoblanadi. So‘z ana shu ma’no tufayligina nimanidir ataydi 2 . Boshqacha aytganda, kishining borliqni bilishi, ongida aks ettirishi so‘z ma’nosida o‘z ifodasini topadi. “Sezish tajribasi orqali biz predmetni his qilsak, idrok etish orqali uning nomimi belgilaymiz”, - degan edi L. Feyerbax 3 . So‘z, fonema hamda morfemalardan farqli holatda faqat sintagmatik qatorda emas, balki paradigmatik qator doirasida ham o‘z lesik va semantik vazifasiga ega bo‘ladi. So‘z paradigmatik qatordan sintagmatik qatorga o‘tgandan keyin, shu qatorda uning ichki qonun-qoidalariga bo‘y sunadi va yangicha mazmun, funksiyalar bajara boshlaydi. Boshqacha aytganda, ma’lum bir gapning ajralmas bo‘lagi sifatida namoyon bo‘ladi.
1 Балли Ш. Общая лингвистика и вопросы фрацузского языка. – М., 1955. 2 Turniyozov N. Tilshunoslikka kirish. – Samarqand, 2006, 50-bet. 3 Qarang: Дрошевский В. Элементы лексикологии и семиотики. – М.,1973,-С.168. 5 Shuni alohida ta’kidlash kerakki, til elementlarinig bir morfologik kategoriyadan ikkinchisiga o‘tishi va o‘sha kategoriyaga mansub elementlarning funksiyalarini bajarishi faqat sintagmatik qatorda yuz beradi. So‘zning qaysi ma’noda va qanday funksiyada ekanligini biz faqat nutq jarayonida konkret qo‘llangandagina belgilay olamiz. Boshqacha aytganda, so‘z “ma’nosizdir”. Ma’no faqat u aniq qo‘llangandagina hosil bo‘ladi (A.Meye) 1 . Shunday qilib, gapdagi har bir bevosita ishtirokchi unsur uning ajralmas bir bo‘lagi bo‘lib, ma’lum bir funksional vazifa bajaradi. Gapning leksik-grammatik qurilishi jarayoni til elementlarining ma’lum bir qonun-qoidaga rioya qilgani holda, paradigmatik qatordan sintagmatik qatorga o‘tishi bilan uzviy bog‘liqdir. Gap unsurlarining har qanday funksiyasi ham bo‘shliqda emas, balki so‘zlovchi shaxsning va nutq jarayonining munosabati doirasida yuzaga keladi. Boshqacha aytganda, har qanday sintaktik strukturaning shakllanishi va real qo‘llanishi so‘zlovchining nutqiy faoliyati bilan bevosita bog‘liqdir. Til faktorlarini so‘zlovchisiz so‘zlovchini esa, o‘z navbatida, til faktorlarisiz tasavvur etish qiyin
2 . Mazkur haqiqat bugungi kunda yanada kuchliroq namoyon bo‘lmoqda. Bu haqda Ye. A. Popova quyidagilarni yozadi: “Сегодня трудно представить тот период развития языкознания, когда изучение языка проходило без учёта человеческого фактора, а лингвистика была бесчеловечной” 3 . Taniqli tilshunos I.V. Arnold ham inson omilining til sistemasi voqeligi uchun ustuvor ahamiyat kasb etishini alohida ta’kidlaydi: “Tilni faqat o‘z qobig‘ida uning ijodkori va egasi ishtirokisiz tasavvur etib bo‘lmaydi. Gumanitar fanlarni, ular o‘z mohiyatiga ko‘ra inson faoliyati bilan bog‘liq bo‘lsa-da, tom ma’noda antropotsentrizm tushunchasi doirasida o‘rganish lozim”
4 .
1 Qarang: Дрошевский В. Элементы лексикологии и семиотики. – М., 1973.-С.215. 2 Qarang: Turniyozov B. Hozirgi o‘zbek tilida teng komponentli murakkab sintaktik qurilmalar derivatsiyasi. – Samarqand, 2008, 66-bet. 3 Попова Е.А.Человек как основопологающая велечина современного языкознания// Филологические науки, 2002, №3. – С.69. 4 Арнольд И. В. Современные лингвистические теории взаимодействия системы и среды// Вопросы языкознания, №3, 1991.-С.125-126. 6 Bu o‘rinda shuni ham aytish kerakki, tilshunoslik fan sifatida shakllanganidan to hozirgi taraqqiyot davrigacha tilning voqe hodisa yoki faoliyat ekanligi inson omili bilan uzviy bog‘liq bo‘lishini sanoqli tilshunoslargina e’tirof etdilar. Umuman olganda esa, A. Nurmonov va M. Mahkamovlar to‘g‘ri ta’kidlashganlaridek, tilni voqe hodisa tarzida o‘rganishda inson omili e’tiborga olinmadi, deyish mumkin 1 . Darhaqiqat, tilning har bir unsuri, fonemadan tortib so‘zgacha, inson tafakkuri bilan bevosita bog‘liqdir. Boshqacha aytganda, til inson bilan, inson esa til bilan tirikdir. Bu o‘rinda E.Benvenistning quyidagi so‘zlarini eslash, bizningcha, mutlaqo o‘rinlidir: “Til inson omili bilan shu qadar chuqur bog‘liqki, bundan til boshqacharoq holatda bo‘lishi va umuman, voqe bo‘la olishi, til deb nomlanishi mumkinmidi, degan savol tug‘ilishi tabiiydir” 2 .
fanida gegemonlik qilgan sistemotsentrik nazariyadan antropotsentrik nazariya tomon qo‘yilgan muhim qadam edi. Benvenistning fikriga monand mulohazalar rus tilshunoslari Yu. Stepanov va V.Zveginsevlarda ham kuzatiladi. Ammo, shunday bo‘lsa-da, bu sohada ilmiy tadqiqot ishlari keng ko‘lamli darajaga ko‘tarilmadi. Shu bois bugungi kunda bunday tadqiqotlar uchun jiddiy ehtiyoj sezilmoqda. XXI asr tilshunosligi antropotsentrik xarakter kasb etishi shubhasizdir. Til bilan inson munosabatining uzviyligi nutqiy jarayonda yanada aniqroq ko‘zga tashlanadi. Buni tishunoslik fanining har bir bo‘limida – fonologiyada ham, leksikologiyada ham, morfologiya va sintaksisda ham bevosita kuzatilishi mumkin. Zotan, tovushning artikulatsiyasi, so‘zning ma’no jihatlari va grammatik formalari, ularning o‘zaro bog‘lanishi kabi jabhalarning har birida inson omilini his etamiz. Bu esa, o‘z navbatida, tilning har bir unsurining nutqqa ko‘chirilishi inson omilining ishtirokisiz ro‘y bermasligini to‘liq tan olishimiz
1
Qarang: Nurmonov A., Hakimov M. Lingvistik paradigmatikaning nazariy shakllanishi// O‘zbek tili va adabiyoti, №4. 2001, 56-bet.
2
Бенвенист Э. Общая лингвистика. –М., 1974. – С.295.
7 lozimligini ko‘rsatadi, zero, til sistemasi belgilarining nutqda qo‘llanishiga bo‘lgan ehtiyoj so‘zlovchining nutqiy muloqoti jarayonida tug‘iladi.
Yüklə 1,24 Mb. Dostları ilə paylaş:
|