İ Ç İ n d e k I l e r t a r I h

Birinci M adde: Dârü’s-saltanati’s-seniyyede teşkîl kılınan Meclis-i 

Meşâyihin riyâsetine dâir olan ahkâmın sûret-i icrâsı makâm-ı celîl-i Meşîhat-i 

İslamiyyeye münhasır olacak meclis-i mezkûrun vazîfe-i esâsiyyesi mevzi‘-i 

müzâkereye konulan mevâddan hiç birisine doğrudan doğruya hükm edemeyip 

küllî ve cüz’î her madde üzerine cereyân edecek müzâkerâtın fezlekesi merci‘-i 

hakîki olan makâm-ı celîl-i Meşîhat-i İslamiyyeye bâ-mazbata arz olunacakdır. 

İ k i n c i   M a dde : Âzâlığın sıfat-i lâzımesi kemâl-i adl ü hakkâniyet olup 

Meclis-i Meşâyih’e havâle olunan husûsâtda kâ‘ide-i nasfet u hakkâniyete tev-

fîkan tedkîk ve re’y olunmasiçün şahsa âid olan mesâlihde tarafeynin ifâdâtı 

gayet bî-tarafâne ve başka başka tamamiyle istima‘ olunup hakîkat-i maslahata 

yakîn-i tâm hâsıl ve şahsa müte‘allik olmayan mevâddın dahî kezâlik evvel 

emirde her ciheti tedkîk-birle zâhire çıkarılıp maddenin ğavr u hakikatine vâsıl 

olmadıkça ve iştibâhtan kurtarılmadıkca asla re’y vermeğe müsâbakat olunma-

yacakdır. 

Ü çüncü M adde:  Şeyhi bilâ-veled vefât eden tekyenin meşîhat-i mahlûle-

sine ol tekyenin mensûb olduğu tarîkin hulefâsından ulûm-i diniyye ve 

ma‘ârif-i maneviyye ve vera‘ u takvâca en ehil ve müstahıkkın intihâbı bi’l-

ittifâk şâyân-ı i‘tinâ ve dikkat olub ol tekyenin tevcîh-i cihet-i meşîhati âsitâne 

add u itibâr olunan hânkâhlardan birinde postnişîn bulunan meşâyihin arz u 

inhalarına meşrut ise bu usûl kemâ-kân mer‘i ve mu‘teber tutulup fakat 

meşâyih-i mümâ-ileyhimin inhâları üzerine meclis-i mezkûrda ehliyyet ve 

adem-i ehliyyetine dikkat olunarak ehliyyeti nümâyân olanlar kabul olunup 

nâ-ehil olanlar kabul olunmayacakdır. 

D ördüncü M a dde: Meşîhati müştereken tevcîh kılınmış bulunan tekâyâ 

meşâyihinden birisi bilâ-veled vefat ettikde müşterekinin ehliyyet ve istihkâkı 

zâhir olur ise münhal olan hisse-i meşîhate müştereki intihâb olunub tekye-i 

mezbûr iştirâkden kurtarılması  zımnında gayri kimesnenin intihâbından ic-

tinâb olunacakdır. 

B eş i n c i   M a dde : Bir tekyenin şeyhi vefât edip de bir nefer veledi mevcûd 

bulunub ve umûr-i meşîhati bizzat hüsn-i îfâya ehliyyet ve kifâyeti meclisce 

tahakkuk eder ise umûr-i meşihat âna havâle olunub ve meşîhat umûrunu biz-

---

T ü r k   K ü l t ü r ü  İ ncelemel eri  D ergisi 

 

61 

zat îfâya ehliyeti olmadığı surette eğerçi ol tekyeye mensûb hulefâ mevcûd 

bulunur ise içlerinden ehliyyetlisi intihâb ve eğer hulefâ mevcûd olmaz ise 

mensûb olduğu tarîkden ehliyyetli bir zât intihâb ve meşîhat ana tevcîh oluna-

cakdır. Ve müteveffânın evlâdı iki veya daha ziyâde olur ve cümlesi pederinin 

tarîkine sâlik ehil ve müstehak bulunur ise cihet-i meşîhati ale’s-seviye müşte-

reken tevcîh olunub fakat umûr-i meşîhatin icrâsı îçlerinden en ehliyetli ola-

nına havâle olunub diğerleri maiyetinde bulunacakdır. Ve eğer evlâdının bazısı 

ashab-ı rütbeden ve yâhut sıfat-i meşîhate muhâlif tarîklerde bulunur ise cihet-

i meşîhate içlerinden ehliyetli olan intihâb olunub rütbe ashâbına ve tarîk-i 

sufiyyeye muhâlif olanlara tevcîh olunmayacakdır. Fakat müteveffânın terk 

eylediği oğlu sağîr ise kesb-i ehliyyet ve istihkâk edinceye değin ol tekyeye 

mensûb hulefâdan biri vekâleten intihâb olunur, yoğise ol tarîkden ehliyetli bir 

zât intihâb olunacakdır. 

A l tıncı  M a dde : Bundan böyle münhal olan meşîhat cihetleri hakkında 

tâlibleri tarafından takdîm kılınacak istid‘â ve arzuhâller üzerine Evkâf-ı 

Hümâyûn muhâsebesinden kuyûdu derkenâr olunarak intihâb zımnında Mec-

lis-i Meşâyih’e hâvâle buyurulub lâzım gelen mazbatası arzuhâl-i mezbûr üze-

rine tahrîr ve tanzîm ve mûcebince icrâ-yı muâmele-i mukteziyyesi Evkâf-ı 

Hümâyûn Teftîş Mahkemesi’nin i‘lâmına hâvâle olunacakdır.