İ Ç İ n d e k I l e r t a r I h

Yedinci M adde: Turuk-i aliyyenin fazîlet-i asliyye ve illet-i gaiyyesini 

hüsn-i muhâfaza içün ba‘demâ istihlâf edecek zevâtın her kangı tarîkden olur 

ise olsun kâbiliyet-i zâhiriyye ve ma‘neviyyece müstehakk-ı hilâfet olması ka-

ziyye-i mühimmesine i‘tinâ ve bi’l-akis nâ-ehil gürûhuna icâzet ve hilâfet i‘tâ 

olunmak tarîk-i nâ-savâbından ictinâb edilmesi esbâb-ı hayriyyesinin istikmâli 

Meclis-i Meşâyih’in himmet ve gayretlerine müfevvez olacakdır. Ve uhdesinde 

bir tekyenin cihet-i meşîhati olmayan hulefânın sûk u bâzârda meşâyiha mah-

sûs kisve ve heyet ile geşt ü güzârları dahî nâ-savâb görünüb her birerleri 

mensûb bulundukları tekâyânın meclis-i mukabele ve âyîninde iksa ve kisve-i 

meşihat edip evkât-ı sâirede dervîşâna mahsûs kıyâfetle geşt ü güzârları 

münâsib görülür. 

Sekizinci M a dde: Tekâyâ ve meşâyih ve dervîşâna müte‘allik ba‘zı 

de‘âvî resmen Meclis-i Meşâyih’e havâle olunduğu takdirde bi’r-rü’ye karârı bâ-

mazbata makâm-ı vâlâ-yı Meşîhat’e arz u inhâ olunacakdır. Fakat müdde‘î ve 

müdde‘â-aleyhden biri meclis-i mezkûrun kararına râzı olmaz ise îcâb edecek 

devâire havâle olunmak üzere meclis-i mezkûr makâm-ı celil-i müşarûn-ileyhe 

beyân-ı hâl edecekdir. 

---

M u h a r r e m   V A RO L  

 

62 

D okuzuncu M a dde:  Dersaâdet ve Bilâd-ı  Selâsede  kâin  tekâyâ  ve 

zevâyâda hilâf-ı şerî‘at ve muhill-i âdâb-ı tarîkat bir gûne ahvâl ü harekât vukû‘ 

bulur ise Meclis-i Meşâyih ma‘rifetiyle tedkîk ve tahkîk olunarak hakikat-ı hâl 

muhıkkâne ve munsifâne zâhire ihrâc ve icrâ-yı îcâbı bâ-mazbata taraf-ı âli-i 

Meşîhat-i ulyâya arz u inhâ olunacakdır.  

Onuncu  M adde: İşbu meclisde esnâ-yı müzâkerede verilecek karar hak-

kında beyne’l-âzâ ihtilâf zuhûr eder ise ekseriyet-i ârâ üzerine mazbata tanzîm 

edilecekdir. 

Onbirinci M a dde: Taşralarda mahlûl olan tekâyâ ve zevâyânın meşîha-

tini tahsîl içün haseb u neseb ve yâhud istihkâk-i zâtî da‘îyyesiyle Dersaâdet’e 

gelenlerden zâtı ma‘rûf olmayıp hâl u şânında  şübhe olub neseb ve istihkâk-ı 

zâtîsinin tahkîki meclis-i mezbûra havâle olunduğu takdirde sahîhü’n-neseb ve 

yâhud derece-i zâtiyyesi olub olmadığı bi’t-tahkîk bâ-mazbata arz olunacakdır. 

Onikinci Madde: Tarîkat-ı aliyye-i Mevleviyye dergâhlarının tekâyâ-yı 

sâire meşîhatları gibi bâ-berât tevcih olunur cihetlerden olmayıp mine’l-kadîm 

Çelebi Efendilerin meşîhatnâmeleriyle ve sâir umûr u husûsları dahi müşarûn-

ileyh efendilere ihâle-i rü’yet ve tesviye olunmuş olması Devlet-i Aliyye-i ebe-

diyyü’d-devâmın bu da başkaca bir inâyet-i mahsûsasından olarak mer‘î olma-

sıyla ittihâz kılınan işbu usûl-i cedideden tarikat-ı aliyye-i mezkûre müstesna 

bulunduğu emr-i aşikâr olub fakat tarîkat-ı aliyye-i mezkûre dervişânının  şa-

hıslarına âid bazı de‘âvî ve mevâdd hasbe’l-iktizâ vuku‘ bulan istid‘âları üzerine 

meclis-i mezkûra havale buyurulduğu takdirde meclisce davalar bade’l-istima‘ 

îcâb ve iktizâsı makâm-ı vâlâ-yı Meşîhat’e arz u inhâ ve iktizası vechile 

te’dibâtları meşâyihlerine havale olunacakdır. 

Onüçün cü M a dde: Bu meclisin teşkîlinden maksad turuk-i aliyyenin 

şeref-i aslîsine lâyık olan hüsn-i sülûkün devâm u terakkîsi ve aksi hâlâtın men‘ 

u ıslâhı kaziyye-i hayriyyesi olub bâlâda muharrer mevâdd ise ittihâz olunacak 

usûlden ibaret idüğinden binâberin bilâ-istisnâ bi’l-cümle tekâyâ ve zevâyâda 

âdâb-ı  şeri‘at ve tarîkatca muhtâc-ı  ıslâh  şeyler var ise ânın dahî mütalaa-i 

icâbâtı yine meclis-i mezkûrun re’yine muhavvel bulunduğundan bu makûle 

ıslahât ve terakkiyâtın müzâkere ve arz u inhâsına meclis-i mezkûr me’zun 

olacakdır.