İ Ç İ n d e k I l e r t a r I h

Yedinci M adde: Bir tekyenin şeyhi vefât ettikde bir nefer veled-i zükûru 

bulunup umûr-i meşîhati bizzat hüsn-i îfâya kifâyeti ve mesâ’il-i dîniyyeden 

şifâhen bi'l-imtihân ehliyyeti meclisce tahakkuk eder ise Cihât Nizâmnâmesi 

ahkâmına tevfîkân meşîhat ciheti âna tevcih olunacakdır.  

Eğer meşîhat vezâifini bizzât îfâya ehliyyet ve kifâyeti ber-vech-i muharrer 

tahakkuk etmez ise meşîhat-ı mezkûre hakkında beşinci madde ahkâmına tev-

fîk muâmele olunacakdır. 

Müteveffânın evlâdı iki olup da pederlerinin isrine sâlik ve ehil ve müste-

hak bulunurlar ise Cihât Nizâmnâmesi ahkâmına tevfîkân meşîhat ciheti bi'l-

imtihân ekberine tevcîh edilip diğeri ânın ma‘iyyetinde bulundurulacakdır. Ve 

kezâlik müteveffânın evlâdı müte‘addid olduğu ve içlerinde sağîr bulunduğu ve 

kebîri de bir hizmetde bulunmayarak isr-i pedere

 

sâlik olduğu ve cümlesi 

süknâ ve ta‘ayyüş cihetlerinden dolayı ol tekyeye muhtâc oldukları hâlde 

dergâhdan çıkarılmayıp birâderlerini iktidârı kadar iâşe ve idâre etmek üzere 

meşîhat ciheti mezkûr nizâmnâme ahkâmına tevfîkân bi'l-imtihân ekberine 

tevcîh edilecekdir. 

Müteveffânın ashâb-ı rütbeden olan veya tarîk-i sûfiyyeye muhâlif tarîkde 

yani sanâyi‘-i hasîsede bulunan evlâdına meşîhat ciheti tevcih olunmayacakdır. 

Ve fakat sanayi‘-i hasîsede bulunub da pederinin vefâtından dolayı terk 

ederek bir daha o misillü sanatlarda bulunmayacağını temîn ve taahhüd eden 

ve bi'l-imtihân ehliyyeti tahakkuk eyleyen müteveffânın evladına ba‘dema sa-

nat-ı hasîsede bulunmamak ve bulunduğu halde ref‘ edilmek şartıyla münhal 

olan meşîhat ciheti verilecekdir. 

Sekizinci Madde:  Şeyh-i müteveffânın oğlu sağîr ise isbât-ı rüşd edip 

vazîfe-i meşîhati îfâya kesb-i ehliyyet ve istihkâk eylediği bi'l-imtihân tebeyyün 

edinceye değin talîm ve terbiyesine bakmak üzere o tekyenin mensûb olduğu 

tarîk-i meşâyihden bir zât intihâb olunarak sağîr-i mûmâ-ileyhe vekâleten 

vazîfe-i meşîhat ifâ ettirilecekdir. 

Ve ol sağir bâliğ ve reşîd oldukda vazîfe-i meşîhati îfâya lâzım gelen 

ulûmu tahsîl ile iktisâb-ı liyâkat etmemiş bulunur ise meşîhat ciheti uhdesin-

den ref‘ ile beşinci madde mûcebince münâsibine verilecekdir. 

Şu kadar var ki bu misillüler tarîk-i tahsîlde bulunurlar ise ikmâl-i tahsîl 

içün kendilerine mühlet-i münâsibe i‘tâ edilecekdir. 

D okuzuncu M a dde:   Şimdiye kadar hısas-ı müte‘addideye münkasım 

olarak tevcîh kılınmış olan cihât ile sâire hakkında dahî Tevcîh-i Cihât 

Nizâmnâmesi ahkâmına tevfîk muâmele olunacakdır. 

---

M u h a r r e m   V A RO L  

 

66 

Onuncu M a dde:  Münhâl olan meşîhat cihetlerinin uhdelerine tevcîhi 

hakkında tâlibleri tarafından takdîm olunub meclise havâle buyurulan arzu-

haller üzerine kuyûd-i lâzîmesi Evkâf-ı Hümâyun Cihât Kalemi’nden derkenâr 

edildikden sonra meclisce muamelesi icrâ ve lâzım gelen mazbatası tanzîm 

olunarak mûcebince îfâ-yı muktezâsı  zımnında makâm-ı celîl-i Meşîhat’den 

Mahkeme-i Teftîş-i Evkâf-ı Hümâyûn’a havâle olunacakdır 

Onbirinci M a dde: Turuk-i aliyyenin fazîlet-i asliyye ve illet-i gaiyyesini 

hüsn-i muhâfaza içün ba‘demâ istihlâf olunacak zevâtın her kangı tarîkden olur 

ise olsun kâbiliyyet-i zâhire ve ma‘neviyyece müstehakk-ı icâzet olması ka-

ziyye-i mühimmesine i‘tinâ ve bilâkis nâ-ehil olanlara icâzet i‘tâsından ictinâb 

etmek meclisin vezâif-i mahsûsası cümlesinden olmağla ba‘demâ icâzet alacak 

dervişânın ulûm-i diniyyeden ve mensûb olduğu tarîkin usûl ü füru‘undan 

meclisce  şifâhen imtihânı bi'l-icrâ isbât-ı ehliyyet eylediği sûrette icâzetine 

ruhsat verilecek, eylemediği halde icâzet i‘tasından ictinâb edileceği gibi adem-

i ehliyyetine mebnî istihlâfına meclisce ruhsat verilmeyen kesâna hilâf-ı tenbîh 

icâzet verildiği halde icâzet i‘tâ eden şeyh hakkında onüçüncü madde mûce-

bince muâmele olunacakdır.