Peyinin zərərsizləşdirilməsi. Helmintlərlə yoluxmuş heyvanlar və quşlar öz kalı ilə parazitlərin yumurtalarını və sürfələrini ətraf mühitə yayaraq, yoluxma mənbəyi yaradırlar. Ona görə də helmintin yumurta və sürfələri məhv etmək üçün peyin biotermiki üsulla zərərsizləşdirilməlidir. Bunun üçün hər gün təsərrüfatlarda, komplekslərdə, fermada,yataqda olan peyin kütləsi xüsusi anbarlara tökülməli, üstü küləş və torpaqla örtülməlidir. Peyin bu cür yığılıb saxlandıqda onun daxilinə +700c-yə qədər temperatur əmələ gəlir.Bu zaman helmintin yumurta və sürfələri tələf olur.
