XULOSA CHIQARAMIZ
•
Barcha tirik organizmlar kabi o‘simliklar ham oziqlanadi. O‘simliklar ildizi orqali mine-
ral oziqlanib, barglarida anorganik moddalardan organik modda sintez qiladi. Bu jarayonda
quyosh energiyasidan foydalanadi. Bunday oziqlanish avtotrof oziqlanish deyiladi.
YANGI BILIMLARNI QO‘LLAYMIZ
Bilish va tushunish
1. O‘simliklarning oziqlanishida suvning qanday ahamiyati bor?
2. O‘simlik hayotida minerallarning yetishmasligi qanday namoyon bo‘ladi?
3. Fotosintezning tabiatdagi ahamiyatini aytib bering.
4. O‘simliklarning mineral oziqlanishi elementlarning davriy aylanishida qanday ahamiyatga ega?
Qo‘llash
. “O‘simliklarni o‘g‘itlashning zamonaviy
usullari” mavzusida biologik esse yozing.
Tahlil
. Azotli go‘ng ishlab chiqarish dunyoning
ko‘plab mamlakatlarida qishloq xo‘jaligi sanoatining
ustuvor yo‘nalishi hisoblanadi. Buning sababini qanday
izohlaysiz?
Sintez
. Azotli o‘g‘itlar o‘z ta’sirini uzoq saqlamaydi
va tuproqda ko‘p to‘planmaydi. Buning sababi nima?
Baholash
. Mutaxassislar ammoniy sulfatni kul bilan
birga ishlatmaslikni tavsiya qiladi. Siz bu fikrga qanday
qaraysiz?
5.2. LOYIHA ISHI.
MINERAL O‘G‘ITLARNING O‘SIMLIK RIVOJIGA TA’SIRINI O‘RGANISH
Maqsad:
o‘simliklarning o‘sishi va rivojlanishiga minerallarning ta’sirini o‘rganish.
Yashil o‘simliklar organizmidagi hayotiy jarayonlar uchun nafaqat uglevodlar, balki oqsil
-
lar, lipidlar, vitaminlar, fitogormonlar ham zarur. Bu moddalar tarkibiga uglerod, vodorod,
kislorod, azot, oltingugurt, fosfor va boshqa elementlar kiradi. Bu elementlarni o‘simliklar
mineral moddalar: sulfatlar, nitratlar, fosfatlar ko‘rinishida qabul qiladi. O‘simliklar suvda
erigan mineral moddalarni tuproqdan shimib oladi.
Bizga kerak:
4 ta o‘rtacha kattalikdagi gultuvak, mayda toshchalar, boyitilmagan oddiy
tuproq, kurakcha, suv purkagich, bulg‘or qalampiri urug‘i, 50 gr selitra, 500 gr organik o‘g‘it,
tuxum po‘chog‘i, pista po‘chog‘i, plastik idishlar.
Dostları ilə paylaş: |
