19.12.3. Balıq və balıq məhsulları
Balıq əti qida dəyərinə və kimyəvi tərkibinə görə mal ətinə yaxındır. Onun tərkibində 10-23% zülal, növündən asılı olaraq 0,4%-dən 29%-ə qədər yağ olur. Balıq yağında çoxlu doymamış yağ turşuları var. Ona görə də, yağlı balıq ətini saxladıqda onun yağı havanın oksigeni ilə asan oksidləşir və məhsula xoşagəlməz dad və ya iy verir. Balıq ətində vitaminlərdən B1, B2, PP, yağlı balıqların toxumasında isə bunlardan əlavə A və D vitaminləri də vardır. Balıq əti bir sıra mikroelementlərin ftorun, bromun, yodun mənbəyi hesab olunur.
Balıq tez xarab olan məhsullardandır. O, ətdən daha tez xarab ola bilir. Ona görə də, balıq ovlandıqdan sonra 2-30C-yə qədər soyudulub saxlanılmalıdır. Balığ dondurmaqla, duzlamaqla və durmayıb isti və ya soyuq hisə verməklə konservləşdirirlər. İsti hisə verməklə konservləşdirilmiş balıq daha tez xarab olan məhsullardandır.
Dostları ilə paylaş: |
