İkram agasiyev şİrxan səLİmov azərbaycan tariXİ baki-2017 Elmi redaktor

Nadir şahın dini islahatları.Nadir şahın apardığı dini siyasət Səfəvilər dövründən yayılan məzhəb ixtilaflarına son qoyulmasına, sünnülər, şiələri və sair məzhəb tərəfdarlarının vahid məqsədlər ətrafında birləşdirilmsinə xidmət edirdi.Bu məqsədlə 1743-cü ilin noyabr ayında Nadir şah xanımı, Şah Sultan Huseynin qızı Raziyyəbəyim ilə Kərbəlaya gəlmiş, burada imamların qəbirlərini ziyarət edib, səcdəgahın təmiri ucun 20000 pul ayırmışdı. Bundan sonra Nadir şah Nəcəfə gəlib burada bütün müqəddəs yerlərin din alimlərinin iştirakı ilə məclis təşkil etdi, sünnü və şiə təriqətləri arasında olan ixtilafların aradan qaldırılması ücün tapşırıqlar verdi. Məlumdur ki, dövrünün ən qüdrətli və möhtəşəm dövləti olan Osmanlı dövlətinin sultanı 1517-ci ildə Misirin fəthindən etibarən, həm də müsəlman dünyasının xəlifəsi kimi əmir əl- möminin (möminlərin əmiri) olmaqla ruhani hakimiyyətini də təmsil edirdi. Ona gorə də Nadir şah dini tələblərlə bağlı məsələləri Osmanlı sultanı ilə bilavasitə razılaşdırmaq yolunu tutdu.

Orta əsrlər müsəlman idarəcilik sisteminin mahiy­yətini müəyyən edən Nadir şah islamla bağlı mövcud stereotipləri məhv etdi.Özu müsəlman ayin və ibadətlərini ardıcıl olaraq yerinə yetirsə də, din xadimlərinin dövlət işlərinə müdaxiləsini mini­muma endirdi və dünyəvi məzmunlu qüdrətli bir imperiya yarada bildi. Şiə məzhə­binin dövlətin idarəçiliyində hegemon­luğunu bir kənara qoyaraq, vahid məzhəbin bərqərar olması istiqamətində ən müxtəlif səviy­yələrdə tədbirlər gördu. Nadir xəlifə kimi ruhani hakimiyyətini də həyata kecirən türk sultanı Mahmud ilə yazışmalardan sonra VI İmam Cəfər Əs-Sadiqin adı ilə bağlı olan Cəfəriliyin rəsmi təriqət kimi qəbul edilməsinə cəhd etdi. Hənəfi, Şafii, Hənbəli və Maliki məzhəbləri kimi, dörd məşhur məzhəblə yanaşı, sünnülər Cəfəri məzhəbini də felən tanıdılar. Cəfərilər adı çəkilən sünnü məktəbinin davamcıları ilə bərabər, Kəbə ətrafında namaz ücün ayrıca yer (məqam və ya musalla) aldılar. Bütün bunlar Nadirin müstəsna fəaliyyətinin nəticəsi idi.Nadir şahın həm dini, həm siyasi, həm də hərbi sahədə apardığı siyasət məhz Turan və İslam aləmini birləşdirmək olmuşdur. 1740-cı ildə Nadir şah Sultan I Mahmuda (1730-1754) belə bir muraciətlə məktub göndərmişdi ki, əgər siz Cəfəri məzhəbini qəbul etsəniz, mən butun məmləkət­lərimi Osmanlıya qataram.