Maxmudov Abrorjon Zakirovich
Namangan davlat universiteti “Informatika” kafedrasi oʻqituvchisi
yangilik2019@gmail.com
Annotatsiya:
Ushbu maqolada Pow Toon resursidan pedagogik faoliyatda
foydalanish, yaʼni taʼlimga oid taqdimotlar, video va animatsion roliklar yaratish
boʻyicha bir qator tavsiyalar berilgan.
Kalit soʻzlar:
Taqdimot, raqamli texnologiyalar, taʼlim resurslari, onlayn
xizmat.
Bugungi kunda butun dunyo boʻylab barcha sohalarda raqamli texnologiyalarga
oʻtish jarayoni kechmoqda, bu esa net-toplar, planshetlar, mobil telefonlar, aqlli
soatlar, AR va VR texnologiyalari taʼlim jarayoniga kirib kelganligida namoyon
boʻlmoqda. Oʻquv jarayonini tashkil etish va boshqarish bilan birga oʻquv jarayoni
samaradorligini oshirish maqsadida taqdimotlar, video, audio ilovalarni namoyish
etish endi yangilik emas.
Hozirgi paytda muhim va qiyin vazifa axborot sharoitlari, raqamli muhitda zarur
taʼlim mazmunini shakllantirgan holda talabalarni jalb qila olish zarur. Raqamli
muhitda oʻsayotgan yoshlar bilan bu jarayonni amalga oshirish esa koʻproq mehnat
talab qiladi, chunki ular uchun oddiy anʼanaviy manbalar va imkoniyatlarga qiziqish
yanada qiyinroq boʻladi. Boshqa tomondan, bugungi kunda pedagogik kadrlar
tayyorlash tizimidagi har bir zamonaviy oʻqituvchi innovatsion kompyuter
texnologiyalaridan foydalangan holda taʼlimni yangicha usulda olib borish zarurligini
tushunadi. Bu esa har bir oʻqituvchidan oʻz ustida tinimsiz ishlash, izlanish, oʻzining
raqamli taʼlim resurslarini ishlab chiqishni talab qiladi.
Shunday resurslardan biri PowToon boʻlib, bu dastur 2012 yilda paydo boʻlgan
va darhol taqdimot videolarini yaratish muxlislari orasida, birinchi navbatda, reklama
“Ilm-fan muammolari yosh tadqiqotchilar talqinida”
mavzusidagi 9-sonli respublika ilmiy konferensiyasi
85
maqsadida biznesmenlar va sotuvchilar orasida katta shuhrat qozongan. Biroq taʼlim
maqsadlari uchun ushbu dastur juda jozibali hisoblanadi.
Ushbu onlayn xizmatni yaratuvchilar oddiy foydalanuvchi uchun intuitiv tarzda
tushunarli shablonlarni yaratadigan dasturchilar qatorini davom ettirmoqdalar, ular
asosida siz juda jozibali animatsion taqdimotlar qilishingiz mumkin.
Taqdimotlar yaratish uchun pedagoglar koʻproq PowerPoint dasturiga murojaat
qilishga oʻrganib qolgan, lekin bu dasturning afzallik tomoni shundaki, u orqali siz
oʻzingizga mos uslubni, musiqiy parchani, jonlantirilgan obyektlarning kerakli
guruhini tanlaysiz. Hattoki oʻzingizni rasmlaringizni ham kiritish imkoningiz
mavjudligi va tayyorlash uchun juda oz vaqt ketishi juda ham qulay.
Agar biz talabalarni oʻzlarining taqdimotlarini tayyorlashga yoki masofaviy
oʻqitish uchun animatsion videolardan foydalanishga taklif qilsak, resurs eng mos
keladigan variant hisoblanadi. Yaratilgan videolar yoki taqdimotlarni YouToube yoki
PowToon veb-saytida saqlash mumkin.
PowToonning ishlash prinsipi va uning imkoniyatlaridan biri taqdimot yaratish
bosqichlarini koʻrib chiqamiz va bu toʻrt bosqichda amalga oshiriladi:
1.
Format tanlash. Mavjud: infografika, komikslar, qoʻlda chizilgan qora va
oq grafikalar yoki biznes uslubidagi taqdimot. Ikkinchi holda, PowToon-da ustun
boʻlgan multfilm rasmlari oʻrniga, ofisda namoyish qilish uchun koʻproq mos
keladigan slaydlar taklif etiladi.
|