ampula yorgich yordamida indikator trubkasining ichidagi ampulani yorib markirovka qilingan tomonidan ushlab, 2-3 marta qattiq silkish kerak.
trubkaning markirovkalanmagan uchini nasosga o’rnatib, 10-15 marotaba havo haydaladi. So’ng indikator trubkasini nasosdan olib, 1 minut davomida havo haydalgan idish ichidagi rang o’zgarishi kuzatiladi.
Havodagi ipritni aniqlash uchun:
bitta sariq halqali indikator trubkasini olib, ikki uchini kesib markirovka qilinmagan uchini nasosga o’rnatib, 60 marta havo haydaladi.
trubkani nasosdan olib, 1 minut vaqt o’tgach ampuladagi havoning rangi bilan taqqoslanadi.
Havo harorati past bo’lganda indikator trubkasini isitgich yordamida isitish kerak bo’ladi. Yer sathidagi kiyimlardagi va boshqa buyumlardagi zaharli moddalarni aniqlash uchun, nasosga maxsus voronkalik moslamani burib o’rnatiladi. Nasosni tekshiriladigan ob’yektga shunday yaqinlashtirish kerakki, uning moslamasidagi voronka eng ko’p zaharlangan joyni egallasin. Nasos yordamida 60 marta havo haydaladi. Radioaktiv zaharli va bakteriologik moddalar bilan zararlangan oziq-ovqat mahsulotlaridan va suvdan namuna olinib, ularni laboratoriyaga jo’natish uchun yo’llanma tuzish. Suvning radiatsiya, zaharli moddalar va bakteriologik moddalar bilan zararlanganda namuna olish tartibi qo’yidagi ketma-ketlikda olib boriladi:
suv havzasini va unga yaqin bo’lgan joylarni tekshirib, radiatsiya, zaharli modda va bakteriologik modda bilan zararlangani haqida belgilarni aniqlash maqsadida suv havzasi yaqinida radiatsiya me’yori bilan VPXR yordamida havoda zaharli modda borligini aniqlash kerak bo’ladi.
suvdan namuna 0,5-1 litr miqdorda toza idishga olinadi. Quduqdan olingan suv avvaliga chelakka aralashtiriladi, tibbiy suv havzasidan ikkita namuna yuzasidan va chuquridan batometr yordamida yoki ipcha osilgan yukli butilka yordamida olinadi.
