İnformatikanin əsaslari

Proqramın icrası. Proqramı işə buraxdıqdan sonra prosessor proqramdakı operatorları (əmrləri) ardıcıl oxuyub, icra edir. Dəyişənlərin elan edilməsi operatorunun (Dim) icrası prosesində operativ yaddaşda intA və intB tamədədli dəyişənlərinin hər biri üçün 2 yuva, mənfi olmayan tamədədli bytC dəyişəni üçün 1 yuva, birqat dəqiqlikli sngD dəyişəni üçün 4 yuva, ikiqat dəqiqlikli dblE dəyişəni üçün 8 yuva, strA və strB sətri dəyişənlərinin hər biri üçün onların qiymətlərindəki simvolların sayı qədər yuva, blnA, blnB, blnC məntiqi dəyişənlərinin hər biri üçün 2 yuva ayırır. Beləliklə, verilənlərin yaddaşda saxlanması üçün müəyyən yaddaş sahəsi, məsələn, 1-ci yuvadan 39-cu yuvayadək yer ayrılır.
Bu, aşağıdakı cədvəldəki kimidir:

Dəyişənlərin adı	Operativ yaddaş
	yuvalar	qiymətlər
intA	1-2	2
intB	3-4	3

bytC	5	1
sngD	6-9	0,6666667
dblE	10-17	0,66666686534882
strA	18-22	Forma
strB	23-33	Informatika
blnA	34-35	True
blnB	36-37	False
blnC	38-39	False
...
	İ	Proqram kodu
	İ+K
...
	N	Proqramlaşdırma dilinin translyatoru
	N+M
...

Sonra mənimsətmə operatorunun icrasına keçilir. Bu zaman operativ yaddaşa dəyişənin qiyməti¹⁰⁶ yazılır.
Sonra Print metodunun köməyi ilə dəyişənlərin qiymətləri proqramın qrafik interfeysini reallaşdıran forma üzərinə çıxarılır. Bu prosesdə dəyişənlərin qiymətləri yaddaşdan oxunur və monitor ekranında işıqlandırılır.

10. 
    Visual Basic dilində dialoq pəncərələri və fayllarla iş
    

Visual Basic dilindəki funksiyalar.

Proqramlaşdırma dilindəki funksiya anlayışı riyaziyyatdakı funksiya anlayışına yaxındır. Funksiyanın bir və ya bir neçə arqumenti ola bilər. Çoxarqumentli funksiyada arqumentlər vergüllə ayrılır: FunksiyaAdı (ArqumentlərSiyahısı).
Arqumentlərin hər yığımına funksiyanın bir qiyməti uyğun gəlir. Aqumentlərin qiymətləri verildikdə proqramlaşdırmada deyirlər ki, funksiya öz qiymətini alır (qaytarır).
¹⁰⁶ əgər mənimsətmə operatorunun qarşısında, yəni bərabərliyin sağ tərəfində hesablanacaq ifadə varsa, hesablamanın nəticəsi
Funksiyalar adətən ifadələrin tərkibinə daxil olur. Funksiyaların müxtəlif tipləri vardır: verilən tiplərinin dəyişdirilməsi funksiyaları, riyazi funksiyalar, sətri funksiyalar, maliyyə funksiyaları, tarix funksiyaları və s. Funksiyanın tipi arqumentin və funksiyanın özünün aldığı mümkün qiymətlərlə təyin edilir.
Verilən tiplərinin dəyişdirilməsi funksiyaları. Bunlar veriləni bir tipdən başqa tipə çevirir.
Val funksiyası. Bu, sətrin qiymətini ədədə çevirir. Val (Sətir$) kimi yazılır. Yəni bunun arqumenti sətir, qiyməti isə ədəddir. Məsələn, Val (―2012‖) funksiyasının qiyməti 2012-dir. Bu funksiya mətn sahələrinin Text xassəsinin sətri qiymətlərini ədədə çevirmək və onların üzərində hesabi əməllər aparmaq üçün istifadə edilir.
İndi Val funksiyasından istifadə etməklə, ―adi kalkulyator‖ proqram əlavəsi yarat- mağa çalışaq. Bu proqram əlavəsi 10-luq tam ədədlər üzərində hesab əməlləri icra etməli və nəticələri formanın mətn sahələrinə çıxarmalıdır. Sözü gedən proqram əlavəsinin qrafik interfeysini yaratmaq üçün forma üzərində 3 mətn sahəsi¹⁰⁷ və toplama, çıxma, vurma, bölmə və işin bitməsi kimi əməlləri reallaşdıran 5 hadisəvi prosedur düymələri yerləşdirək.
Bunun üçün:

1. 
   Yeni layihə yaratmalı. Forma üzərində 3 mətn sahəsi və 5 düymə yerləşdirib aşağıdakı adları mənimsətməli: txt1, txt2, txt3, cmdPlus, cmdUmn, cmdDelen, cmdExit.
   

cmdPlus_Click proseduru txt1 və txt2 mətn sahələrindəki Text xassəsinin ədədi qiymətlərini toplayıb txt3 mətn sahəsinə çıxarmalıdır. Bu, aşağıdakı proqram kodu ilə reallaşdırılır: