İnnovasiyalar texnoloji avadanlıqların və resursların ümumtəhsil məktəblərində istifadəsinə dair araşdırma
Yüklə 1,17 Mb. Pdf görüntüsü
|
|
Qrafik 5.
Sinifdə internetdən istifadə ilə bağlı şagirdlərin cavab göstəricilərinin paylanması internetdən istifadə edilməsi ilə bağlı suallara verdikləri cavabların faiz göstəriciləri ifadə olunub. Burada şagirdlərin internetdən mürəkkəb, mücərrəd mövzuların izahında, təqdimatların hazırlanmasında və digər məqsədlərlə istifadə edilməsi ilə bağlı cavabları əks olunmuşdur. Məktəblərin tiplərinə görə, tədris prosesində internetdən istifadə edilməsi ilə bağlı cavabların müqayisəli təhlili aparılmış, kompüterdə olduğu kimi, internetdən istifadənin də «Elektron məktəb»lərdə daha yüksək olduğu müəyyən edilmişdir. Şagirdlər «Elektron məktəb»lərdə müəllimlərin 54 faizinin müntəzəm olaraq hər gün, 45 faizinin isə həftədə 2-3 dəfə tədris prosesində internetdən istifadə etməsi ilə bağlı fikir bildirmişlər. Ümumilikdə götürdükdə, «Elektron məktəb»lərdə müəllimlərin 99 faizinin internetdən ya müntəzəm olaraq hər gün, ya da həftədə 2-3 dəfə istifadə etdiyi müəyyən olunmuşdur. «Elektron məktəb»lərlə müqayisədə tipik ümumtəhsil məktəbləri və «İlin ən yaxşı ümumtəhsil məktəbi» müsabiqəsinin qalibi olan təhsil müəssisələrində internetdən istifadə səviyyəsinin aşağı olduğu müəyyən edilmişdir. Bunun səbəbi internet bağlantısının zəif olması ilə əlaqələndirilmişdir. Şagirdlərin cavablarına görə, tipik ümumtəhsil məktəblərində tədris prosesində internetdən müəllimlərin 50 faizi heç vaxt istifadə etmir; 30 faizi isə ayda 1 dəfə; 20 faizi həftədə 2-3 dəfə istifadə edir; «İlin ən yaxşı ümumtəhsil məktəbi» müsabiqəsinin qalibi olan məktəblərdə 40 faiz heç vaxt istifadə etmir; 40 faiz ayda 1 dəfə; 20 faiz həftədə 2-3 dəfə istifadə edir. Qrafik 5-ə istinadən deyə bilərik ki, tədris prosesində hər üç məktəb tipində müəllimlər müasir tədris avadanlıqları və resursları içərisində ən az internetdən istifadə edirlər. Araşdırmada iştirak edən şagirdlərin cavab göstəriciləri əsasında müəllimlərin internetdən istifadə ilə bağlı ümumi cavab göstəriciləri belədir: 30 faiz – heç vaxt istifadə edilmir; 23,7 faiz – ayda 1 dəfə istifadə edilir; 28,3 faiz – həftədə 2-3 dəfə istifadə edilir; 18 faiz – müntəzəm olaraq hər gün istifadə edilir. Qrafik 6-da anket sorğusunda iştirak edən şagirdlərin tədris prosesində proyek- torlardan istifadə edilməsi ilə bağlı suallara verdikləri cavabların faiz göstəriciləri ifadə olunub. Qrafikdən göründüyü kimi, məktəblərin tiplərinə görə (tipik ümumtəhsil məktəbləri, «İlin ən yaxşı ümumtəhsil məktəbi» müsabiqəsinin qalibi olan məktəblər və «Elektron məktəb»lər) proyektorlardan tədris prosesində istifadə edilmə səviyyəsi müxtəlifdir. Bu göstərici yalnız «Elektron məktəb»lərdə yüksəkdir. Belə məktəblərdə müəllimlərin 54 faizi müntəzəm olaraq hər gün, 46 faizi həftədə 2-3 dəfə tədris prosesində proyektorlardan istifadə edir. Digər məktəb tiplərində müəllimlərin proyektorlardan tədris prosesində istifadə göstəricilərinə diqqət yetirək. Tipik ümumtəhsil məktəblərində: heç vaxt istifadə edilmir – 37 faiz; ayda 1 dəfə istifadə edilir – 54 faiz; həftədə 2-3 dəfə istifadə edilir – 9 faiz. «İlin ən yaxşı ümumtəhsil məktəbi» müsabiqəsinin qalibi olan məktəblərdə: heç vaxt istifadə edilmir – 30 faiz; ayda 1 dəfə istifadə edilir – 55 faiz; həftədə 2-3 dəfə istifadə edilir – 15 faiz. AZƏRBAYCAN MƏKTƏBİ. 2019. №2 Yüklə 1,17 Mb. Dostları ilə paylaş:
|