Innovatsiyalar vazirligi namangan davlat universiteti

Kichik biznes va xususiy tadbirkorlikning hududlar bo‘yicha YAHMdagi ulushi, foizda
Yuqorida ta’kidlanganidek, kichik biznes va xususiy tadbirkorlikni rivojlantirish orqali hal etilishi lozim bo’lgan muhim masala yalpi ichki mahsulot hajmini oshirishdir. Mamlakatimizda kichik biznes va xususiy tadbirkorlikning bu qadar jadal rivojlanishida eng avvalo mazkur soha uchun belgilanayotgan soliq imtiyozlari yetarli darajadagi rag’batlantiruvchi rol o’ynayotganligi hisoblanadi. Agar oldingi yillarda bunday o’sishning asosi sifatida kichik tadbirkorlikni rag’batlantirish bo’yicha amalga oshirilgan keng qamrovli chora-tadbirlar, xususan, erkin faoliyat uchun kafolatlarning ta’minlanganligi, ularni davlat tomonidan ro’yxatga olish tartibining ixchamlashtirilishi, kredit mablag’laridan foydalanish doirasining kengayishi, qulay makroiqtisodiy muhitning shakllanganligi, milliy valyuta kursining barqarorligi kabi omillar hizmat qilgan bo’lsa, bugungi kunda o’sishga asosan birja savdolarida tovar-moddiy resurslarni xarid qilish va ta’minot sharoitlarining yaxshilanishi, yalpi to’lov o’rniga yagona soliq to’lovining kiritilishi natijasida tejalgan moliyaviy resurslarning ishlab chiqarishga yo’naltirilishi hisobiga erishildi. Respublika YaIMda kichik biznes va xususiy tadbirkorlik ulushining yuqori o’sishiga uning mintaqalardagi YaHM dagi ulushining o’sishi katta ta’sir ko’rsatgan. Kichik biznes va xususiy tadbirkorlikning mintaqalar rivojlanish darajasi bo’yicha Andijon, Samarqand, Xorazm, Namangan, Buxoro, Surxondaryo va Jizzax viloyatlari yuqori reytingga ega
Kichik biznes va xususiy tadbirkorlik tomonidan hal etiladigan muhim masalalardan yana biri aholi bandligi darajasini oshirish hisoblanadi. Darhaqiqat, tadbirkor o’z mablag’larini ishlab chiqarish sohasiga kiritar ekan, ayni paytda o’z daromadlarini oshirish bilan birga jamiyat boshqa a’zolarining ish o’rinlari hamda daromad bilan ta’minlanishiga moddiy negiz yaratadi. 2022- yilda faoliyat yuritayotgan kichik tadbirkorlik subyektlari sonining har 1000 aholiga nisbatan 17,9 birlikni tashkil etib, bu ko‘rsatkich 2021- yilga nisbatan 1,4 birlikka oshgan