Inson va tuproq” kitobi- “Jayron” ekologik markazi

Sihatgoh-
Silliq dalachoy-
Silos-
Silovsin-(Lynx lynx) — mushuksimonlar oilasiga mansub sut emizuvchi hayvon. Tanasining uzunligi 82—109 sm, dumi 20—40 sm, vazni 8—19 (baʼzan 32) kg ga teng . Quloqlarida bir tutam uzun tuklardan iborat shokilasi bor. Moʻynasi qalin va yumshoq, malla yoki qizgʻishsariq, baʼzan xoldor bo`ladi. Silovsin Yevrosiyo, Amerika oʻrmonlarida, baʼzan oʻrmon choʻllarida tarqalgan. Oʻzbekiston janubidagi togʻlarning oʻrta va yuqori qismida uchraydi. Asosan, tunda faol hayot kechiradi. Silovsin may — iyunda bolalaydi. Bolalar 2—3 yilda to`liq voyaga yetadi. U Quyon, sichqon kabi kemiruvchilar, qushlar, tuyoqlilar bilan oziqlanadi. Hozirda silovsinning soni uzluksiz kamayib borayapti. "Yoʻq boʻlib ketish xavfi ostidagi yovvoyi fauna va flora turlarining xalqarosavdosi toʻgʻrisida"gi Konvensiya (SGGE5)ning 1ilovasiga va Oʻzbekiston Respublikasi Qizil kitobiga kiritilgan.
Sim-
Simob- g’oyatda o’ziga xos metall bo’lib, uy sharoiti temperaturasida suyuq holatda bo’ladi. Simob 39 daraja sovuqlikda muzlaydi, 357 darajada esa qaynaydi. Simob mayda tomchilarga bo’linadi. Tabiatda simob qizil rangda bo`ladi. Simob oson bug’lanadi. Kishilar simobni har xil shaklda anchadan buyon ishlatib kelmoqda. Miloddan avvalgi 415-yilda simobni ruda tarkibidan olinib, metallarning sirtini qoplash va ayrim xastaliklarni davolash uchun qo’llanilar edi. Ular simobni o’z tajribalarida va har xil tadbirlarida keng qo’llaganlar. Hozirgi davrda simob tibbiyyotda keng qo’llanilmoqda. Garchi simob zaharliBiz simobni bemorlarning isitmasini aniqlaydigan vosita — «gradusnik» orqali yaxshi bilamiz. Chunki simob inson tanasidagi harorat darajasining o’zgarishlarini tez va aniq ko’rsatadi.
Sirdaryo shahri- Sirdaryo viloyati Sirdaryo tumanidagi shahar, tuman markazi. 1971-yilgacha shahar posyolkasi bo`lgan. Sirdaryoning chap sohilida joylashgan. Viloyat markazi Gulistondan 40 km masofada. Aholisi 30 ming kishidan koʻproq. Sirdaryoda tuman hokimiyati binosi, sanoat, transport, aloqa, qurilish korxonalari, banklar mavjud. Paxta tozalash, sut, non, gʻisht zavodlari, MTP, 3 qoʻshma, 80 xususiy va kichik korxona, 50 dan ziyod firma, qandolatchilik, kvas va limonad ishlab chiqarish korxonalari faoliyat koʻrsatadi. Dehqon bozori, supermarket, savdo va maishiy xizmat koʻrsatish shoxobchalari mavjud. Umumiy taʼlim maktablari, pedagogika kolleji, bolalar sanʼat maktabi, sport maktablari, kasb-hunar maktabi, markaziy stadion, tuman markaziy kasalxonasi, shoshilinch tibbiy yordam boʻlimi, 3 madaniyat uyi, tuman markaziy kutubxonasi va uning tarmoqlari bor. Yangi qurilgan avtovokzal, kasalxona, dorixona va boshqa savdo, maishiy obʼyektlar ishlab turibdi.