Iqtisodiyot va turizm

1-jadval O`zbekiston Respublikasi korxonalari tomonidan yaratilayotgan

innovatsion mahsulotlar, ishlanmalar va xizmatlarning iqtisodiy ko`rsatkichlari

Yillar	Jami innovatsion mahsulotlar, ishlanmalar va xizmatlar ishlab chiqargan korxonalar, birlik	Innovatsion mahsulotlar, ishlanmalar va xizmatlar hajmi, mlrd. so`m	Innovatsion mahsulotlar, ishlanmalar va xizmatlar uchun xarajatlar mlrd. so`m
2010	289	1849	264,4
2011	385	1348,7	372,6
2012	338	3635,9	311,9
2013	683	4614,7	4634,2
2014	1601	7043	3757,4
2015	2134	8023	5528,5
2016	2374	10688,2	2571,4

Manba: O`zbekiston Respublikasi Davlat statistika qo`mitasi ma`lumotlari.

Jadval ma`lumotlaridan ko`rinadiki, mamlakatda 2010 yil 289 ta korxona 1849 mlrd.so`mlik innovatsion mahsulotlar, ishlanmalar va xizmatlar ishlab chiqargan bo`lsa, 2016 yilda ushbu ko`rsatkichlar mos ravishda 2374 ta va 10688,2 mlrd. so`mni tashkil etdi. Ta`kidlash joizki, ushbu korxonalar sonini shu davrlarda faoliyat ko`rsatgan jami korxonalar soniga nisbatan oladigan bo`lsak, innovatsion mahsulotlar, ishlanmalar va xizmatlar ishlab chiqarish bilan shug’ullangan korxonalar 2010 yilda (229,9 ming) atiga 2,3 foiz va 2016 yilda(285,3 ming birlik) esa 12,0 foizga tengligi aniqlandi.

Muvaffaqiyatli innovatsiyalar foyda va hattoki qo`shimcha foyda keltiradi. Biroq qo`shimcha foyda yoki qo`shimcha foyda yo`lidagi innovatsion bo`sag’adan

barchasi ham o`ta olmaydi. YAngi mahsulot va texnologiyalarni o`zlashtirish davrida xarajat baland bo`ladi. Bu borada O`zbekiston Respublikasi korxonalari tomonidan yaratilayotgan innovatsion mahsulotlar, ishlanmalar va xizmatlarga qilingan xarajatlar 2010 yilda 264,4 mlrd. so`mga teng bo`lgan bo`lsa, 2016 yilda ushbu ko`rsatkich 2571,4 mlrd. so`mga teng bo`lib, 2015 yilga nisbatan 53,5 foiz kamaygan.

Bu borada Vazirlar Mahkamasining “Sanoatda ishlab chiqarish xarajatlarini qisqartirish va mahsulot tannarxini pasaytirish borasidagi qo`shimcha chora-tadbirlar to`g’risida”gi qarori qabul qilingan. Unga ko`ra, mahalliy korxonalar tomonidan ishlab chiqarilayotgan mahsulotlarning raqobatbardoshligini yanada oshirish, ularni ishlab chiqarish hajmlarini ko`paytirish hamda ichki va tashqi bozorlarda sotish va shu asosda sanoat ishlab chiqarishning barqaror rivojlanishi va eksport salohiyat o`sishini ta`minlash ko`zda tutilgan. Innovatsion salohiyat taktik va strategik ko`rinishga ega bo`lgan quyidagi asosiy vazifalarni o`z ichiga oladi:

• 
  tashqi va ichki bozorlardagi mahsulotning real raqobatbardoshligini baholash;
  
• 
  ishlab chiqarish va undan foydalanish umumiy xarajatlarini minimumga olib kelgan holda sifatning berilgan darajasini ta`minlash;
  
• 
  investitsiyalarning zaruriy hajmini va ularni innovatsion jarayon bosqichlarini hamda ishtirokchilari o`rtasida taqsimlanishini aniqlash;
  
• 
  yangi mahsulot sifatiga bo`lgan xarajatlar va ishlab chiqaruvchining innovatsion faoliyati natijalarining o`zaro aloqasini aniqlash.
  

Innovatsion salohiyat yangi ishlab chiqarish korxonalarini tashkil etish, mavjudlarini rag’batlantirish hisobiga yangi mahsulot turlarini ishlab chiqarish va xizmatlarni ko`rsatishni tashkil etishda o`z ifodasini topadi. Mamlakatimizda faoliyat yuritayotgan korxonalarning innovatsion salohiyatini rivojlantirish, kelgusida ushbu sohadagi boshqaruv tizimini mustahkamlash, yangi tur mahsulot ishlab chiqarish va yangi texnologiyalarni yaratuvchi xodimlarni rag’batlantirish chora-tadbirlarini ishlab chiqishga bog’liq bo`ladi.

Mamlakatimizda “2019-2021 yillarda O`zbekiston Respublikasini innovatsion rivojlantirish strategiyasi” qabul qilindi. Hujjatga ko`ra, 2019-2021 yillarda O`zbekiston Respublikasini innovatsion rivojlantirish strategiyasi va

O`zbekistonni 2030 yilgacha innovatsion rivojlantirishning maqsadli ko`rsatkichlari tasdiqlandi. Mamlakatning xalqaro maydondagi raqobatbardoshliligi darajasini va innovatsion jihatdan taraqqiy etganini belgilovchi asosiy omil sifatida inson kapitalini rivojlantirish Strategiyaning bosh maqsadi etib belgilandi. Bosh maqsadga erishishda Strategiyaning asosiy vazifalaridan biri O`zbekistonni 2030 yilga borib, Global innovatsion indeks reytingi bo`yicha jahonning 50 ilg’or mamlakati qatoriga kiritishdan iborat. Amalga oshirilayotgan iqtisodiy islohotlar tom ma`noda Strategiyaning bosh maqsadini amalga oshirishga qaratilgan, shu o`rinda mavjud iqtisodiy hamda ilmiy salohiyatdan samarali foydalanish mamlakatning barqaror iqtisodiy o`sishini ta`minlovchi asosiy omillardan biri bo`lishi bejiz emas.

Kichik biznesning innovatsion faoliyatini moliyalashtirish manbalari mulkchilik shakllariga qarab ikki guruhga ajraladi:

-davlat moliyaviy resurslari;

- nodavlat moliyaviy resurslari.

Davlat moliyaviy resurslarga davlat byudjeti mablag’lari, byudjetdan tashqari jamg’armalar, davlat zayomlari, davlatga tegishli aktsiya paketlari va davlat mulklari kiradi.

Nodavlat moliyaviy resurslari esa turli xo`jalik sub`ektlari, jamoat tashkilotlari va xususiy shaxslarning moliyaviy mablag’laridan tashkil topadi. Bularga turli investor jamoalar, shuningdek sug’urta kompaniyalari, investitsiya jamg’armalari va kompaniyalari, korxonalarning, xususiy shaxslarning mablag’lari, tijorat banklarining kreditlari va hakozalar kiradi.

Ko`pchilik hollarda zamonaviy texnologiyalarga asoslanadigan, yuqori sifatli va raqobatbardosh mahsulotlar ishlab chiqarishni ta`minlaydigan samarali innovatsion loyihalarni moliyalashtirish ko`zda tutiladi. SHuningdek, xorijiy kompaniyalar va firmalarning investitsiya mablag’lari, grantlari hamda homiylari orqali innovatsion loyihalarni moliyalashtirish ham muhim ahamiyatga egadir.

Kichik biznesning innovatsion faoliyatini rag’batlantirishning asosiy yo`nalishlaridan biri sifatida uni moliyaviy rag’batlantirish mexanizmi va uning tarkibini shakllantirish muhim ahamiyatga egadir. SHuning uchun ham tadqiqot jarayonida kichik biznes innovatsion faoliyatini moliyaviy rag’batlantirish masalasiga alohida e`tibor qaratildi.

Bugungi kunda kichik biznes sub`ektlarining innovatsion faoliyatini moliyalashtirish tizimi ko`plab manbalar va ularning mablag’lari orqali tashkil topadi.

Bizning fikrimizcha, kichik biznes sub`ektlarining innovatsion faoliyatini moliyalashtirish mexanizmi asosan quyidagi 5 ta tarkibiy qismlardan tashkil topadi.

1. 
   Byudjet mablag’larini jalb etish.
   
2. 
   Soliq imtiyozlarini yaratish.
   
3. 
   Kredit mablag’lari ajratish.
   
4. 
   Sug’urta kafolatlari berish.
   
5. 
   O`zi va boshqalarning mablag’laridan foydalanish.
   

Byudjet mablag’larini jalb etish.

Davlat ijtimoiy-iqtisodiy rivojlanishning eng muhim yo`nalishlari doirasida, davlat innovatsiya siyosatining ustuvorliklariga mos ravishda, davlat innovatsiya dasturlari, loyihalari va ilmiy-texnika ishlarining ishtirokchilari sifatida kichik biznes sub`ektlarining innovatsion faoliyatini O`zbekiston Respublikasi Davlat byudjeti mablag’lari hisobidan manfaatdor bo`lgan nodavlat tashkilotlar va korxonalarning ulushli moliyaviy hissasi bilan bir qatorda moliyalashtirishda ishtirok etadi.

Davlat byudjetidan innovatsiya dasturlari, loyihalar va ilmiy- texnik ishlarni amalga oshirish uchun zarur bo`lgan jihozlar va texnik vositalarni sotib olishga ajratiladigan mablag’lar innovatsiya faoliyati sub`ektlariga beg’araz asosda, grantlar shaklida taqdim etiladi.

Innovatsiya dasturlarining qanday ko`lamda (respublika yoki mintaqaviy dasturlar) ekanligiga , kichik biznes korxonalarining ularning qaysi birida ishtirok etishlariga qarab mos ravishda respublika va mahalliy byudjetdan moliyaviy mablag’lar ajratiladi.

Innovatsiya faoliyati sohasidagi davlat grantlari belgilangan tartibda innovatsiya dasturlari bo`yicha tanlovlarning g’oliblari bo`lgan davlat innovatsiya loyihalari va ilmiy-texnika ishlarini amalga oshirilishini ta`minlash uchun beriladi.

Soliq imtiyozlarini yaratish.

Mamlakatimizda kichik biznes va xususiy tadbirkorlikning bu qadar

jadal rivojlanishida, avvalo mazkur soha uchun belgilanayotgan soliq imtiyozlari etarli darajadagi rag’batlantiruvchi rol’ o`ynayotganligi hisoblanadi (2.2.2-rasm).

Ma`lumotlardan ko`rinadiki, 1996-2018 yillar mobaynida kichik biznes va xususiy tadbirkorlik uchun belgilangan soliq stavkalari 38 dan 6 foizgacha, ya`ni 6,3 marta qisqargan. Milliy iqtisodiyotimizda kichik biznes iqtisodiy o`sish sur`atlarini belgilovchi etakchi soha hisoblanadi. SHu bois, nafaqat yurtimizda, balki aksariyat rivojlangan davlatlarda ham mazkur soha sub`ektlari muntazam ravishda rag’batlantiriladi.

Keyingi yillarda davlat tomonidan kichik biznes va xususiy tadbirkorlikni jadal rivojlantirish, ayniqsa ularning innovatsion faoliyati uchun qulay ishbilarmonlik muhiti hamda ishonchli huquqiy kafolatlarni shakllantirish borasida keng ko`lamli va izchil chora-tadbirlar ko`rilmoqda.

Kredit mablag’lari ajratish.

Kichik biznesni innovatsion rivojlantirish uchun sohani moliyaviy resurslar bilan ta`minlash tizimida kreditlash masalasi alohida ahamiyat kasb etadi. SHundan kelib chiqqan holda mamlakatimiz banklari barcha sa`y- harakatlarini sohani kreditlash hajmini sezilarli darajada ko`paytirish, kreditlash stavkalarini mumkin qadar kamaytirish va tadbirkorlarga ko`rsatilayotgan bank xizmatlari sifatini oshirishga safarbar qilmoqda.

Jumladan, mamlakatimiz rahbari SH.M.Mirziyoev o`z nutqlarida innovatsiyalar va innovatsion rivojlanish xususida ko`p marotaba to`xtalib o`tdilar: “Bugun biz davlat va jamiyat hayotining barcha sohalarini tubdan yangilashga qaratilgan innovatsion rivojlanish yo`liga o`tmoqdamiz.