|
6.Saxlanan verilənlərin miqdarı.
OLTP-sistemində müəssisənin işini xarakterizə edən cari (operativ) verilənlər saxlanır. Verilənlərin saxlanma müddəti, adətən, bir ay və ya bir kvartal olur. QQDS-də isə verilənlər böyük vaxt intervalı üzrə (adətən 1 ildən 5 ilə qədər) saxlanır. Məsələn, müəssisədə qurulan VB-də gündəlik, aylıq istehsal olunan məhsulun miqdarı saxlanılırsa, VA-da bu göstəricinin illər üzrə ümumiləşdirilmiş qiymətləri saxlanır.
7.Sorğuların xarakteri.
OLTP-sistemlərdə əsas etibarilə, əvvəlcədən hazırlanmış (reqlamentləşdirilmiş) sorğulara cavab verilir. Bu cür sorğuların tərtibi nisbətən çətindir və lazımi peşə hazırlığı tələb edir. Əksər hallarda bu tip sorğular VB əsasında müəyyən formalara uyğun hesabatların alınması üçün istifadə edilir. QQDS-də isə sorğular əvvəlcədən müəyyənləşdirilmir, yəni bu cür sistemlər, əsas etibarilə, məzmunu əvvəlcədən verilməyən ixtiyari sorğularla işləyirlər.
Dostları ilə paylaş: |
