Mühakiməyə əaslanan qərar biliklər və toplanan təcrübə ilə bağlı olur. Bu cür qərarların qəbulu zamanı QQŞ keçmişdə analoji situasiyaların həllində toplanan təcrübədən, cari situasiya haqqında bilikdən və onun əvvəlkilərdən fərqli cəhətlərindən istifadə edir.
Rasional qərarlar mühakiməyə əsaslanan qərarlardan fərqli olaraq keçmiş təcrübədən asılı olmurlar. Rasional qərar obyektiv analitik təhlilə əsaslanır. Bu cür qərarlar, bir qayda olaraq, proqramlaşdırılır. Onlar texniki vasitələrdən istifadə etməklə yaradıla bilərlər.
Müəssisədə qəbul edilən idarəetmə qərarlarının əksəriyyəti baxılan üç tip qərarın –intuitiv, mühakiməyə əsaslanan, rasional- kombinasiyasına əsaslanır.
Problem situasiyası, məqsədlər, məhdudluqlar haqqında tam və dürüst informasiya olduqda qərar müəyyənlik şəraitində qəbul edilir. Müəyyənlik şəraitində qərarların qəbulu məsələləırinə determinləşdirilmiş məsələlər deyilir. Hazırda istehsalat- iqtisadi xarakterli tipik məsələlərin həlli üçün riyazi proqramlaşdırma metodları əsasında alqoritmlər yaradılmışdır. Bu cür məsələlərin siyahısına istehsalatın yerləşdirilməsi, resursların paylanması, ehtiyatların idarə edilməsi, nəqliyyat məsələləri və s.daxildir.
İdarəetmə prosesinə və onun nəticələrinə təsir edən faktorların məlum olmasına baxmayaraq, hər bir konkret qərarın reallaşdırılmasının nəticəsi bəlli deyil, təsadüfidir. Bu halda QQŞ həmişə gözlədiyi nəticəni alacağına risk edir. Bu cür qərar növünə risk şəraitində qəbul edilən qərar deyilir.
Dostları ilə paylaş: |
