Iv fəSİl I avropa Oyunları 2015

. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
75 
 
“
Bakı-2015” Beynəlxalq İdman Mətbuatı Assosiasiyasının “Gənc reportyorlar”  
təşəbbüsünü dəstəkləyir 
 
İlk  dəfə  keçiriləcək  Avropa  Oyunlarını  işıqlandırmaq  üçün  10  yazarın  cəlb  olunacağı  “Gənc 
reportyorlar” təşəbbüsünü reallaşdırmaq üçün “Bakı 2015" Oyunlarının təşkilatçıları Beynəlxalq İdman 
Mətbuatı  Assosiasiyası  (AİPS)  ilə  səylərini  birləşdirmişdir.  Yeni  innovativ  proqram sayəsində  dünyanın 
perspektivli  gənc  idman  jurnalistlərinə  “Bakı-2015”  birinci  Avropa  Oyunlarında  işləmək  imkanı 
veriləcəkdir. 
Avropanın  müxtəlif  ölkələrini  təmsil  edən  beş  qadın  və  beş  kişi  jurnalistdən  ibarət  qrup  “Bakı-2015" 
Oyunlarında təcrübəli idman reportyorları ilə yan-yana çalışmaq imkanı əldə edəcəkdir.  
Azərbaycan  Respublikasının  gənclər  və  idman  naziri,  “Bakı-2015"  Oyunlarının  baş  icraçı  direktoru  Azad 
Rəhimov  bildirmişdir  ki,  bu,  istedadlı  gənc  jurnalistlərin  dünyanın  ən  qabaqcıl  idman  reportyorlarının 
təcrübəsini  öyrənmələri  üçün  əvəzsiz  imkandır.  Tarixdə  birinci  dəfə  keçiriləcək  Avropa  Oyunlarında  işləmək 
imkanı nadir şansdır. Əminəm ki, təcrübəli jurnalistlərlə çiyin-çiyinə işləmək nəticəsində əldə edilən təcrübə bir 
çox gəncin karyerasında böyük təkan olacaqdır”. 
“Bakı 2015"in yarışlardan sonra təlimli və təcrübəli işçi heyət kimi uzunmüddətli bir miras qoymaq vədinə 
uyğun olaraq, seçiləcək on gənc reportyordan ikisi Azərbaycanı təmsil edəcəkdir. 
Hazırda  AIPS-ın  Bakıda  keçirilən  77-ci  konqresində  dünya  idman  məsələləri  və  irimiqyaslı  tədbirlərin 
işıqlandırılmasında medianın gələcəyi mövzuları müzakirə olunur. 
Konqresdə AİPS-in prezidenti Canni Merlo bildirmişdir ki, potensiallı gənc jurnalistlərə bacarıqlarını inkişaf 
etdirmək  imkanı  tanımaq  üçün  “Bakı  2015"  ilə  səylərimizi  birləşdirməkdən  olduqca  məmnunuq.  Gənc 
jurnalistlərlə  təcrübələrimizi  bölüşmək,  onlara  bu  qəbildən  olan  irimiqyaslı  beynəlxalq  idman  tədbirlərində 
çalışmaq  üçün  vacib  biliklər  qazanmaqda  yardım  etmək  bizim  üçün  çox  önəmlidir.  Bu  proqramın  həyata 
keçirilməsini  və  gənc  istedadların  təlimləndirilməsində  ”Bakı  2015"in  Əməliyyat  Komitəsi  ilə  birgə  işləməyi 
səbirsizliklə gözləyirik.  
AİPS daha əvvəllər də Bakıda gənc reportyorlar təşəbbüsünü uğurla həyata keçirmişdir. Dünya ölkələrindən 
seçilmiş 20 jurnalistdən ibarət qrup 2012-ci ildə keçirilmiş “FİFA U-17" qadınlar arasında dünya çempionatında 
yerli və beynəlxalq KİV nümayəndələri ilə yan-yana işləmişdir. 
“Bakı-2015"in  mətbuat  əməliyyatları  üzrə  direktoru  Ceyn  Pears  demişdir:  ”AİPS-in  “Gənc  reportyorlar” 
təşəbbüsü  yüksək  səviyyəli  idman  jurnalistikasının  təqdim  edilməsinin  köhnə  və  qəbul  olunan  yoludur.  Gənc 
jurnalistlərin  arzularını  gerçəkləşdirməsinə  kömək  etmək  üçün  AİPS-in  təcrübəli  əməkdaşları  ilə  birgə 
işləməkdən  çox  məmnunuq  və  onların  ilk  dəfə  Bakıda  keçiriləcək  Avropa  Oyunlarında  çalışmaqdan  razı 
qalacaqlarına ümid edirik. 
 
“Xalq qəzeti”.-2014.-1 may.-N 89.-S.5. 
 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
76 
 
“Bakı-2015” Avropa Oyunları Əməliyyat Komitəsinin yeni baş icraçı direktoru Saymon Kleq 
ictimaiyyətə təqdim olunmuşdur 
 
Britaniya  Olimpiya  Assosiasiyasının  və  İpsviç  Şəhər  Futbol  Klubunun  keçmiş  baş  icraçı  direktoru 
Saymon  Kleq  “Bakı-2015"  Avropa  Oyunları  Əməliyyat  Komitəsinin  (BAOƏK)  baş  icraçı  direktoru 
vəzifəsinə təyin edilmişdir. O, bu posta Cim Şer vəzifəsindən getdikdən sonra təyin olunmuşdur. Mayın 8-
də BAOƏK-in inzibati binasında S.Kleq ictimaiyyətə təqdim olunmuşdur. 
 
“Bakı-2015”ə hazırlığın yüksək səviyyədə getdiyini diqqətə çatdıran S.Kleq Azərbaycanda idmana göstərilən 
dövlət qayğısını yüksək qiymətləndirmişdir. Bildirmişdir ki, dünyada çoxlu sayda irimiqyaslı turnirlər keçirilsə 
də, Avropa Oyunları kimi yarışların keçirilməsi təcrübəsi yoxdur. Lakin bu bizim qarşımıza çətinliklər çıxarmır. 
Çünki  biz  burada  yeni  ideyalar,  yeni  təşəbbüslər  ortaya  qoyuruq.  “Bakı-2015”də  qazanılacaq  yeni  təcrübələr 
gələcəkdə bu tipli yarışların keçirilməsində istifadə ediləcəkdir. 
Olimpiya  Oyunlarının  hazırlığına  7  il  vaxt  sərf  olunduğunu  diqqətə  çatdıran  natiq  “Bakı-2015”in  təşkil 
olunması üçün 30 ay vaxt ayrıldığını söyləmişdir. Vurğulamışdır ki, bu tipli yarışların keçirilməsi üçün bir neçə 
il  tələb  olunur.  Amma  buna  baxmayaraq  peşəkar  komandanın  çalışdığı  “Bakı-2015”də  işlər  uğurla  davam 
etdirilir. 
S.Kleq demişdir: “Avropa Oyunlarının keçirilməsi üçün müasir standartlara cavab verən məkanlar inanılmaz 
dərəcədə  sürətlə  tikilir.  Əminəm  ki,  bu  məkanlar  vaxtında  təhvil  veriləcəkdir.  Ancaq  burada  yalnız  sürət 
məsələsi  deyil,  eyni  zamanda,  keyfiyyət  məsələsi  də  nəzərə  alınır.  Azərbaycan  belə  məkanlar  tikməklə 
keyfiyyətə investisiya yatırmış olur. Çünki bu məkanlar uzun illər Azərbaycanda idmanın inkişafına öz töhfəsini 
verəcəkdir”. 
Azərbaycan idmançılarının “Bakı-2015”də yüksək nəticələr qazanacağına ümidvar olduğunu bildirən S.Kleq 
birinci  Avropa  Oyunları  zamanı  nəqliyyatla  bağlı  problemin  olmayacağını  qeyd  etmişdir.  Bildirmişdir  ki, 
Avropa Oyunlarının keçirilməsi yay aylarına təsadüf edir. Yəni adətən yay aylarında insanlar istirahətə getdiyi 
üçün şəhərdə sıxlıq azalır. Lakin yenə də şəhərdə fəal həyatın davam etdiyini nəzərə alaraq, biz nəqliyyat işlərini 
də planlaşdırırıq. Hər hansı ciddi problemin meydana gələcəyini düşünmürəm. 
Avropa  Oyunları  zamanı  “İ-zona”ların  fəaliyyət  göstərəcəyini  diqqətə  çatdıran  S.Kleq  bunun  bir  yenilik 
olduğunu  diqqətə  çatdırmışdır.  Vurğulamışdır  ki,  yarışdan  sonra  idmançılar  “İ-zona”larda  toplaşacaq  və  KİV 
nümayəndələri ilə rahat ünsiyyət qura biləcəklər. 
S.Kleq  “Bakı-2015”də  təhlükəsizlik,  otel,  kommunikasiya  və  nəqliyyat  baxımından  heç  bir  problemin 
olmayacağını demişdir. 
Qeyd  edək  ki,  birinci  Avropa  Oyunları  2015-ci  il  iyunun  12-dən-28-dək  olan  tarixlərində  keçiriləcəkdir. 
Yarış 19 idman növünü əhatə edəcəkdir. Bunlardan 16-sı Olimpiya idman növü və üçü qeyri-olimpiya idman 
növü olacaqdır. Altı mindən artıq idmançının mübarizə aparacağı “Bakı-2015”də səkkiz idman növü 2016-cı il 
Rio-de-Janeyro Yay Olimpiya Oyunları üçün təsnifat xarakteri daşıyacaqdır. 
 
“Xalq qəzeti”.-2014.-9 may.-N 96.-S.9. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
77 
 
“Bakı 2015” Avropa Oyunları Əməliyyat Komitəsinə kommunikasiya üzrə yeni direktor  
təyin edilmişdir 
 
Vilyam Luis-Mari “Bakı 2015” Avropa Oyunları Əməliyyat Komitəsinin (BAOƏK) kommunikasiya üzrə 
direktoru təyin olunmuşdur 
 
“Bakı  2015”dən  bildirmişlər  ki,  Vilyam  Luis-Mari  kütləvi  informasiya  vasitələrinin  Avropa  Oyunları 
haqqında  məlumatlılıq  səviyyəsinin  və  dünyanın  hər  tərəfində  yarışların  işıqlandırılması  dərəcəsinin 
yüksəldilməsi məqsədi ilə kommunikasiya şöbəsinə rəhbərlik etmək üçün BAOƏK komandasına qoşulur. 
Əslən  fransalı  olan  Vilyam  Luis-Mari  əvvəlki  Olimpiya  Oyunları  və  Beynəlxalq  Futbol  Assosiasiyaları 
Federasiyasının (FIFA) dünya çempionatına cəlb edilməsi də daxil olmaqla bir sıra qurumlarda yüksək səviyyəli 
rəhbərlik təcrübəsinə malikdir.  
O,  BAOƏK-a  160  ölkədə  fəaliyyət  göstərən  qabaqcıl  multimedia  qrupu  “Trace  TV”dən  qoşulmuşdur. 
Əvvəllər  Vilyam  Luis-Mari  “Trace  TV”də  çempionlara  həsr  olunan  yeni  beynəlxalq  kanal  olan  “Trace 
Sports”un baş vitse-prezidenti vəzifəsini tutmuşdur.  
BAOƏK-ın  baş  icraçı  direktoru  Saymon  Kleq  yeni  təyinatla  bağlı  bildirmişdir  ki,  Vilyam  Luis-Marinin 
kommersiya  sektorunda,  kommunikasiya  sahəsində  çox  mükəmməl  və  geniş  təcrübəsi  vardır.  Bizim 
kommunikasiya  strategiyamızın  həyata  keçirilməsinə  rəhbərlik  etməsindən  yararlanaraq,  onun  təcrübəsindən 
istifadə  etməliyik.    Vilyam  Luis-Marinin  beynəlxalq  nüfuzu  və  idmana  məhəbbəti  mövcud  BAOƏK 
komandasını  çox  gücləndirəcək  və  gələn  ilin  iyununda  ilk  Avropa  Oyunlarının  Bakı  şəhərində  uğurla 
keçirilməsinə töhfə verəcəkdir. 
Vilyam Luis-Mari “Trace TV”də “London-2012” Yay Olimpiya Oyunlarının layihə meneceri kimi fəaliyyət 
göstərmiş,  həmçinin  “Atlanta  1996”  Yay  Olimpiya  Oyunları  və  1998-ci  ildə  Fransada  keçirilmiş  futbol  üzrə 
dünya  çempionatında  “Coca-Cola”  şirkətinin  Fransa  üzrə  kommunikasiya  meneceri  vəzifələrində  işləmişdir. 
Onun işlədiyi digər məşhur böyük idman qurumlarının sırasına Fransanın Olimpiya Komitəsi, “Tour de France”, 
Fransanın İdman Federasiyası, beynəlxalq idman federasiyaları və digər tanınmış idman markaları daxildir.  
 Vilyam  Luis-Mari  təyinatla  bağlı  demişdir  ki,  mən  “Bakı  2015”  Avropa  Oyunları  komandasına  qoşulmaq 
kimi gözəl imkandan istifadə etdiyim üçün çox xoşbəxtəm. Belə bir istedadlı komandaya qoşulmaqdan qürur 
duyuram  və  bu  qabaqcıl  tədbir  haqqında  qlobal  miqyasda  məlumatlılıq  səviyyəsinin  yüksəldilməsinə  kömək 
edəcəyimə  ümid  bəsləyirəm.  Biz  Azərbaycanı  elit  idman  növlərinin  keçirilməsi  üçün  gözəl  məkan,  eləcə  də 
müasir  və  dinamik  Avropa  ölkəsi  kimi  tanıtdırmaq  istəyirik.  Avropa  Oyunları  bütün  qitənin  və  Azərbaycan 
əhalisinin zövq alacağı idman bayramı olacaqdır. 
Vilyam  Luis-Marinin  mayın  19-da  Bakı  şəhərinə  gələcəyi  və  mayın  20-də  vəzifəsinin  icrasına  başlayacağı 
gözlənilir. 
 
“Xalq qəzeti”.-2014.-20 may.-N 104.-S.9. 
 
 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
78 
 
“Bakı-2015” Avropa Oyunları Əməliyyat Komitəsi ilə “Procter&Gamble” şirkəti arasında 
tərəfdaşlıq müqaviləsi imzalanmışdır 
 
Mayın 21-də “Fairmont Baku” mehmanxanasında “Bakı-2015” Avropa Oyunları Əməliyyat Komitəsi 
(BEGOC)  ilə  “Procter&Gamble”  (P&G)  şirkəti  arasında  tərəfdaşlıq  müqaviləsinin  imzalanması 
mərasimi keçirilmişdir. 
 
AzərTAc xəbər verir ki, əvvəlcə Azərbaycanın turizm potensialı və “Bakı-2015”ə hazırlıqla bağlı videoçarx 
nümayiş olunmuşdur. 
Mərasimdə  çıxış  edən  Avropa  Oyunları  Əməliyyat  Komitəsinin  baş  icraçı  direktoru,  Azərbaycan 
Respublikasının  gənclər  və  idman  naziri  Azad  Rəhimov  Avropa  Oyunlarına  hazırlığın  yüksək  səviyyədə 
getdiyini diqqətə çatdırmış və bildirmişdir ki, Avropa Oyunlarının birinci rəsmi tərəfdaşı kimi  “P&G” şirkətini 
alqışlayıram. Ümid edirəm ki, bu əməkdaşlıq ümumi işimizə öz töhfəsini verəcək və hər iki tərəf üçün uğurlu 
olacaqdır. 
A.Rəhimov  qeyd  etmişdir  ki,  gələn  həftə  Kiprin  paytaxtı  Nikosiyada  Avropa  Olimpiya  Komitəsinin 
toplantısı  keçiriləcəkdir.  Həmin  tədbirdə  “Bakı-2015”  ilə  bağlı  təqdimat  olacaqdır.  İştirakçılara  Avropa 
Oyunlarına hazırlıqla və idman infrastrukturu ilə bağlı məlumat veriləcəkdir. 
Yaxın  günlərdə  ölkəmizdə  Avropa  Oyunlarına  iki  hazırlıq  turnirinin  keçiriləcəyini  diqqətə  çatdıran 
A.Rəhimov, atletika və bədii gimnastika üzrə təşkil olunacaq yarışların əhəmiyyətindən danışmışdır. 
Avropa Oyunları Əməliyyat Komitəsinin kommersiya məsələləri üzrə direktoru Çarli Vijeratna müqavilənin 
əhəmiyyətini  yüksək  qiymətləndirərək  qeyd  etmişdir  ki,  P&G-nin  böyük  idman  yarışlarına  sponsorluq  etmək 
baxımından  böyük  təcrübəsi  vardır.  Beynəlxalq  Olimpiya  Komitəsi  ilə  tərəfdaş  olan  şirkətin  “Bakı-2015”  ilə 
əməkdaşlığı bu mötəbər yarışın təşviqinə öz töhfəsini verəcəkdir. 
Ölkəmizin  satış  bazarında  P&G-nin  özünə  məxsus  çəkisinin  olduğunu  diqqətə  çatdıran  Ç.Vijeratna,  bu 
əməkdaşlıq sayəsində “Bakı-2015”in bölgələrdə daha da populyarlaşmasına şərait yaradacaqdır. 
P&G-nin  Azərbaycan  nümayəndəliyinin  direktoru  Tayqun  Günay  əməkdaşlıqdan  məmnunluğunu  ifadə 
etmişdir.  Şirkətin  yaranma  tarixi  və  fəaliyyətindən  bəhs  edən  T.Günay  onun  Azərbaycanda  həyata  keçirdiyi 
sosial yönümlü layihələr barədə məlumat vermiş və videoçarx nümayiş olunmuşdur. 
Sonra Azad Rəhimov və Tayqun Günay tərəfdaşlıq müqaviləsini imzalamışlar. 
Sonda üzərində “Bakı-2015”in loqotipi olan tort kəsilmişdir. 
 
 “Xalq qəzeti”.-2014.-22 may.-N 106.-S.3. 
 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
79 
 
Bakı-2015 Avropa Olimpiya Oyunları üçün ilk sınaq yarışları 
 
Bakı-2015  Avropa  Oyunları  bu  həftənin  sonunda  Gənclərin  Avropa  Olimpiya  Sınaq  Yarışları  (EYOT) 
həyata keçirilən zaman özünün ilk sınaq yarışlarına ev sahibliyi edəcək.  
Avropanın 700-dən çox ən güclü gənc idmançısının iştirak etdiyi yarış dünən start götürmüşdür. Atletlər üç 
gün ərzində Tofiq Bəhramov adına Stadionda yarışacaqlar. 
İştirakçılar  yeni  inşa  olunmuş  və  gələn  ilin  yayında  ilk  Avropa  Oyunlarında  istifadə  olunacaq  Atletlər 
kəndində məskunlaşmışlar. 
Azərbaycan  Respublikasının  gənclər  və  idman  naziri,  Bakı  Avropa  Oyunları  Əməliyyat  Komitəsinin 
(BEGOC)  baş  icraçı  direktoru  Azad  Rəhimov  demişdir:  "Mən  Bakı  şəhərinə  gələn  və    Gənclərin  Olimpiya 
Oyunlarında  iştirak  etmək  imkanı  qazanmağa  çalışan  bu  gənc  idmançıları  ürəkdən  salamlayıram.  Gənclərin 
Avropa Olimpiya sınaq yarışları bizim komandamıza gələn ilin Avropa Oyunlarından öncə göstərəcəyimiz  bir 
sıra xidmətləri sınaqdan keçirmək üçün gözəl imkan yaradan möhtəşəm bir tədbirdir". 
Bu  ilin  avqust  ayında  Çin  Respublikasının  Nankin  şəhərində  keçiriləcək  Gənclərin  Olimpiya  Oyunlarında 
iştirakını təmin etməyə çalışan 16 və 17 yaşlı idmançılar 36 idman növü üzrə yarışacaqlar.  
Tofiq  Bəhramov  adına  Respublika  Stadionu  Bakı  -  2015  ilk  Avropa  Oyunlarında  kamandan  ox  atma 
yarışlarına ev sahibliyi edəcək. 
Bakı  Avropa  Oyunları  Əməliyyat  Komitəsinin  əməliyyatlar  üzrə  baş  direktoru  Saymon  Kleq  demişdir: 
"Avropa Oyunlarında yarışlara ev sahibliyi edəcək hər bir obyekt gələn ilin yay aylarına kimi hərtərəfli ətraflı 
şəkildə  sınaqdan  keçiriləcək,  belə  ki,  biz  bütün  Avropanın  iştirak  etməyə  can  atacağı  bir  yarışın  həyata 
keçirilməsi üçün hazırlıq işlərimizi davam etdiririk.  
Gələn ilin yayında keçiriləcək Avropa Oyunlarında 6 mindən çox atletə ev sahibliyi etməyə hazırlaşdığımız 
üçün  yarış  iştirakçılarının  Atletlər  kəndində  qalmasına  imkan  yaradılması  da  bizim  üçün  əhəmiyyətli  bir 
məsələdir". 
Azərbaycan  Atletika  Federasiyasının  prezidenti  Çingiz  Hüseynzadə  demişdir:  "Atletika  üzrə  yeniyetmələr 
arasında  Avropa  təsnifat  turnirinin  Azərbaycanda  keçirilməsindən  qürur  hissi  duyuram.  Yerli  təşkilat 
komitəsinin    üzvləri  də  Avropanın  ən  güclü  gənc  idmançılarını  Bakıda  salamlamaqdan  məmnundurlar. 
Möhtəşəm  atletika  yarışının  uğurla  həyata  keçməsi  üçün  bu  istiqamətdə  biz  BEGOC-un  dəstəyi  ilə    əzmlə 
çalışırıq". 
 
 “Azərbaycan”.-2014.-31 may.-N 113.-S.7. 
 
 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
80 
 
 
Avropa Oyunları öz miqyası, qeyri-adiliyi, gözəlliyi, kütləviliyi ilə seçilməyi bacaracaq 
 
Azər Məhərrəmov: “Ölkə rəhbərliyinin idman sahəsində əldə etdiyi ən böyük uğurlardan biri də  
Bakıda Avropa Oyunlarının keçirilməsinə nail olmaqdır” 
 
“Bu, tarixdə ilk analoji yarış olacaq” 
 
S. İsmayılbəyli 
 
Azərbaycanın  Triatlon  Federasiyası  (ATF)  fəaliyyətinin  10  ayı  dövründə  bir  sıra  nailiyyətlər  əldə  edib. 
Gənclər  və  İdman  nazirliyi,  eləcə  də  Milli  Olimpiya  Komitəsinin  tövsiyyəsilə  yaradılan  bu  qurum  hazırda 
Beynəlxalq və Avropa İttifaqlarında ən fəallardan biridir. Yığmanın idmançıları bir neçə iri reytinqli yarışlarda 
mükafatlar qazanıb, yeniyetmələrdən ibarət komanda isə ilk beynəlxalq turnirdə ilk sınağını həyata keçirib. Ən 
yaxın  prioritet  –  2015-ci  ildə  Bakıda  keçiriləcək  Avropa  Oyunlarına  əsaslı  hazırlaşmaqdır.  Proqramına 
triatlonun  da  daxil  olduğu  bu  Oyunlarda  habelə  2016-cı  il  Olimpiadasına  lisenziyalar  qazanmaq  şansı  verilir. 
ATF direktoru Azər Məhərrəmov qarşıda duran vəzifələr barədə danışıb. 
-Milli  Triatlon  Federasiyasının  yaranmasından  az  vaxt  keçsə  də,  bu  vaxt  ərzində  əldə  olunan  nailiyyətlər 
haqda bu gün danışmaq artıq mümkündür. Tam əminliklə demək olar ki, bizdə iki komanda mövcuddur – yığma 
və  yeniyetmələrdən  ibarət.  Birinciyə  indiyədək  cəmi  3  idmançı  daxil  idi  –  Rostislav  Pevtsov,  Kseniya 
Levkovskaya və Aleksandr Yatsenko, amma bu günlərdə onların sırasına daha bir azərbaycanli idmançı qoşuldu 
–  Zaur  Arkaniya.  İlk  üçlük  çoxlu  sayda  təlim-məşq  toplantılarında  iştirak  edib.  Yığma  sezona  Kaliforniyada 
açılış etdi. Burada idmançılar hazırlıq görməklə yanaşı Klermont şəhərində Panamerika Kubokunda iştirak etdi 
ki,  bu  yarışda  R.  Pevtsov  7-c  i  nəticəni  göstərdi.  İlk  beynəlxalq  uğur  isə    komandaya  Meksikada,  La-Pas 
şəhərindəki Panamerika Kubokunda elə R. Pevtsovun timsalında gəldi. Burada idmançımız 2-ci yeri tutdu. Bu 
nailiyyət  bizdə  qürur  hissi  doğurur.  Çünki  bu,  Gənclər  və  İdman  Nazirliyi  ilə  Milli  Olimpiya  Komitəsinin 
zəhməti və əməyi nəticəsində əldə olunan nəticədir. Kaliforniyadakı təlim-məşq toplanışlarından sonra yığma, 
hazırlığı davam etdirmək üçün Kiprə yola düşdü. Larnakadakı toplanışlar çox önəmli idi. Ən azından ona görə 
ki, burada qitənin ən öndə gedən idmançıları bir araya gələrək birgə məşqlər edirlər. Kiprdəki hazırlıqlar da öz 
bəhrəsini verdi. Çində Asiya Kubokunda Rostislav Pevtsov gümüş medal və xüsusi kuboku qazandı. Triatletin 
nailiyyətləri  bizi  sevindirməyə  bilməz,  çünki  o,  ən  yüksək  bacarıqlarını  Azərbaycan  yığmanın  tərkibində 
nümayiş etdirir. Buna sübut olaraq idmançının beynəlxalq yarışlar çərçivəsində ən mötəbər sayılan, Londonda 
keçirilən  Dünya  seriyası  mərhələsindəki  nəticəsini  də  göstərmək  olar.  Sentyabr ayınadək  Beynəlxalq Triatlon 
Federasiyasının (İTU) bayrağı altında çıxış edəcək Rostislav burada 16 idmançı arasında finişə 11-ci gəldi. Özü 
də bu atletlər dünya triatlonunda adını təsdiqləmiş, olduqca peşəkar olan şəxslər idi. Belə bir ulduzlu komanda 
da 11-ci nəticə, R. Pevtsovun karyerasında ən yüksək nöqtə kimi qəbul etmək olar. Bu turnirdəki çıxışdan sonra 
müxtəlif ölkələrin Triatlon Federasiyalarının üzvləri bizi təbrik edirdilər. Bu, sözsüz ki, bizim üçün çox xoş idi. 
Rostislav  hələ  ki,  dünyanin  birinci  onluğunda  yer  almasa  da,  Azərbaycan  yığmasının  tərkibində  xeyli 
nailiyyətlər  əldə  edə  bilib.  Bizim  üçün  bu,  çox  vacibdir.  Axı,  Federasiyamız  da  beynəlxalq  arenada  ilk 
addımlarını  atır.  Buna  görə  ümidvarıq  ki,  Pevtsov  Bakıda  təşkil  olunacaq  Avropa  Oyunlarında  da  özünü 
göstərməyi bacaracaq və Olimpiada 2016-ya lisenziya uğrunda mübarizə aparacaq. 
 
-Triatlonda idmançı bix çox vərdişlərə, xüsusiyyətlərə malik olmalıdır. Bura həm üzgüçülük, həm 
velosport, həm də qaçış daxildir. Bu dissiplinlərin xüsusiyyətləri nədən ibarətdir? 
 
-Məlumdur  ki,  triatlon,  digər  idman  növlərilə  yanaşı,  çox  bahalı  idmandır.  Bura  həm  velosiped  qismində 
texnika,  müxtəlif  ehtiyyat  hissələri,  onların  təmiri  üçün  xüsusi  təchizat  daxil  olmaqla  yanaşı,  həm  də  idman 
geyimi,  termokostyumlar  daxildir.  Bütün  bunlar  xarici  ölkələrdən  alınır.  Ən  yaxşılarını  əldə  edirik  ki, 
idmançıların xüsusi avadanlıq, idman alətləri, ekipirovka və s dair şikayətləri və sualları olmasın. 
 
-Yeniyetmələrdən ibarət komanda ilə vəziyyət nə yerdədir? 
 
-Ötən  ilin  sonunda  biz  yeniyetmələrdən  ibarət  komandanı  formalaşdırdıq.  Onun  tərkibinə  Nurlan  Əliyev, 
Elmir  Yusifov,  Orxan  Heydərli,  Sahib  Salahov  və  Denis  Karçaşkin  daxildir.  Onlar  yaxşıların  yaxşısıdır.  Bu 
idmançılar  gözəl  şəraiti  olan  Şağandakı  Olimpiya  kompleksində  hər  gün  məşq  edirlər.  Orada  hovuz  da  var, 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
81 
 
stadion da. Eləcə də triatlon üçün əldə etdiyimiz müvafiq avadanklıq, o cümlədən də velosipedlər mövcuddur. 
Yəni  idmançılarımızın  məşqləri  üçün  bütün  şərait  yaradılıb  ki,  onlar  öz  yaşıdları  arasında  nəticələr  əldə  edə 
bilsinlər. Bununla yanaşı, komanda Mingəçevirdə, Avarçəkmə Federasiyasının bazasında məşqlər ediblər. Yeri 
gəlmişkən,  bu  Federasiyaya  təşəkkürümüzü  bildirmək  istəyirəm.  Elə  isti  və  dost  münasibətlərində  olduğumuz 
üzgüçülük,  velosport  və  atletika  Federasiyalarına  da  həmçinin.  Bundan  sonra  biz  gənclərimizi  Antalyaya  da 
apardıq ki, burada da atletlərimiz Avropa Kuboku çərçivəsində bir neçə tədbirdə iştirak etdilər. 
 
-Triatlon barədə danışanda bu idman növünün də təmsil olunacağı Avropa Oyunları mövzusundan 
kənarda qalmaq mümkün deyil. Bu istiqamətdə hansı yeniliklər var, hansı məqamları açıqlaya 
bilərsiniz? 
 
-Yəqin  ki,  ölkə  rəhbərliyinin  idman  sahəsində  əldə  etdiyi  ən  böyük  uğurlardan  biri  də  məhz  Bakıda  belə 
mötəbər  yarışların  keçirilməsinə  nail  olmaqdır.  Bəzən  insanlar  bu  yarışların  əhəmiyyətini  tam  dərk  etmir. 
Anlamır bu, dünya səviyyəsində hansı dərəcədə əhəmiyyətlidir. Dünyada Olimpiada zirvədirsə, Avropada da bu 
oyunların  əhəmiyyəti  şəksizdir.    Daha  bir  əhəmiyyətli  məqam  ondan  ibarətdir  ki,  bu, tarixdə ilk  analoji  yarış 
olacaq.  Azərbaycanın  hər  il  müxtəlif  idman  növləri  üzrə  yarışların  keçirilməsinin  öhdəsindən  yüksək 
peşəkarlıqla  gəlməsini  nəzərə  alaraq,  artıq  indidən  əminliklə  demək  olar  ki,  bu  Avropa  Oyunları  öz  miqyası, 
qeyri-adiliyi,  gözəlliyi,  kütləviliyi  ilə  seçilməyi  bacaracaq.  Mən  bunu  tam  əminliklə  deyirəm.  Çünki  bu 
istiqamətdə  görülən  səylər,  bütün  sahələrin  sürətlə  inkişafı  göz  qabağındadır.  Avropa  Oyunlarının  Təşkilati 
məsələləri üzrə bölməsi tam gücü ilə çalışır. Eyni zamanda biz Macarıstandan olan idman deleqatı Alpar Naqi 
ilə bir çalışırıq. Bu şəxs triatlon üzrə yarışlarda əlaqələndiricidir. İndi son marşrutla əlaqədar iş gedir, yəni bura 
start, könüllülərin yerləşdirilməsi, bu idman növünün bütün nüansları nəzərə alınaraq müvafiq işlərin görülməsi 
üzərində proses gedir.  Bildiyiniz kimi, triatlonda dissiplin üzgüçülüklə başlayır, daha sonra idmançılar 40 km 
məsafəni  velosipeddə  qət  etməlidilər.  Sözsüz  ki,  onların  yolu  bizim  şəhərin  ən  görkəmli  və  gözəl  yerlərindən 
salınacaq. Xüsusilə də Neftçilər prospektilə. Bütün bu yarış çox gözəl və möhtəşəm keçirilməlidir. Çünki bütün 
dünyada onu televiziya ilə milyonlarla tamaşaçı izləyəcək. Azərbaycan ev sahibi qismində 4 idmançı üçün yerə 
malikdir  (iki  qadın,  iki  kişi  idmançı).  Yəni  müəyyən  texniki  məsələlər  qalır  ki,  biz  də  onları  tam  həll  etmək 
məqsədilə Əməliyyat Komitəsilə (BEGOC)  daim sıx təmasda oluruq.