Iv fəSİl I avropa Oyunları 2015

 
Azərbaycan Olimpiya hərəkatinda yeni dövr 
 
Azərbaycan  Olimpiya  hərəkatının  daha  da  genişlənməsində  MOK-un  1997-ci  ilin  31  iyulunda  keçirilən 
növbəti Baş Məclisinin komitənin yeni idarə heyətini formalaşdırmasının böyük rolu oldu. Həmin iclasda cənab 
İlham  Əliyev  Milli  Olimpiya  Komitəsinin  prezidenti  seçildi.  Bununla  da  Azərbaycan  idmanında,  Olimpiya 
hərəkatında yeni və möhtəşəm mərhələnin əsası qoyuldu. 
Həmin  vaxtdan  etibarən,  mərhələ-mərhələ  həyata  keçirilən  siyasət  Azərbaycan  idmanının  tarixində  şanlı 
səhifələrin yazılmasına səbəb olub. Prezident İlham Əliyevin istər dövlət başçısı, istərsə də MOK rəhbəri kimi 
gördüyü işlər Azərbaycanı, demək olar ki, Olimpiya ölkəsinə çevirib. Ötən dövrə nəzər saldıqda, Azərbaycanda 
idman  və  Olimpiya  hərəkatının  inkişafında  da  nə  qədər  böyük  məsafə  qət  edildiyinin  şahidi  oluruq.  Belə  ki, 
dövlət başçısının MOK rəhbəri kimi fəaliyyət göstərdiyi ötən illər ərzində gerçəkləşdirilən çoxistiqamətli siyasət 
nəticəsində  ölkəmizdə  fiziki  və  mənəvi  cəhətdən  sağlam  nəsil,  müasir  idman  infrastrukturu  yaradılıb.  Bu  gün 
Azərbaycanda 30-dan çox müasir Olimpiya İdman Kompleksi fəaliyyət göstərir. İdman bazaları demək olar ki, 
ölkənin bütün bölgələrini əhatə edir. MOK-un fəaliyyətinə ən böyük qiyməti Beynəlxalq Olimpiya Komitəsinin 
prezidenti Jaq  Roqqe  verərək  deyib  ki,  Azərbaycan  Milli  Olimpiya  Komitəsi  başqa  Olimpiya  komitələri üçün 
örnək olmalıdır. 
Məhz  idman  sahəsində  həyata  keçirilən  siyasətin  nəticəsidir  ki,  bu  gün  Azərbaycanda  idmanın  müxtəlif 
növlərinə böyük axın müşahidə olunur. Bu onu təsdiq edir ki, Azərbaycanda idmanın inkişafı üçün gözəl şərait 
yaradılıb.  Dövlət  başçısının  bu  sahədə  həyata  keçirdiyi  siyasət  nəticəsində  Azərbaycan  beynəlxalq  idman 
aləmində  artıq  öz  layiqli  yerini  tutub  və  aparıcı  idman  ölkəsinə  çevrilib.  Bunu  ötən  dövr  ərzində  Olimpiya 
oyunlarında qazanılan uğurlar və idmançılarımızın əldə etdiyi medalların sayının artması da təsdiqləyir. 
Olimpiada  miqyasında  sonuncu  belə  uğurlardan  biri  kimi  “İdman  ili”  elan  olunan  2012-ci  ildə  keçirilən 
London  Yay  Olimpiya  Oyunlarını  qeyd  etmək  olar.  Məlum  olduğu  kimi,  53  lisenziya  ilə  16  idman  növündə 
təmsil  olunan  idmançılarımız  London  Olimpiadasında  ölkəmiz  üçün  rekord  sayda  -  10  medal  qazanmaqla, 
Azərbaycanın dünya Olimpiya hərəkatındakı mövqeyini bir qədər də möhkəmləndirdilər. 
Bütün  bu  göstəricilər  Azərbaycanda  idmanın  dinamik  inkişaf  tempinə  malik  olduğunu,  idman  uğurlarının 
davamlı xarakter daşıdığını bir daha təsdiqləyir. Təbii ki, sadalanan uğurların əsasında idmana dövlət tərəfindən 
göstərilən  yüksək  səviyyəli  qayğı  durur.  Azərbaycan  xalqının  Ümummilli  lideri  Heydər  Əliyevin  əsasını 
qoyduğu  bu  siyasətin  Prezident  İlham  Əliyev  tərəfindən  müasir  dövrün  tələbləri,  reallıqları  və 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
55 
 
qanunauyğunluqlarına  müvafiq  surətdə  uğurla  davam  etdirilməsi  bu  istiqamətdə  davamlı  inkişafın  əldə 
olunmasını təmin edir. 
Nəticə  etibarilə,  Azərbaycanın  idman  müstəvisində  beynəlxalq  nüfuzu  güclənməkdə  və  bu  istiqamətdə 
beynəlxalq  aləmdə  ölkəmizin  uğurları  artmaqdadır.  Bütün  bunların  nəticəsi  kimi,  bir  sıra  mötəbər  idman 
yarışlarının təşkil olunması Azərbaycana etibar edilir. Məsələn, 2012-ci ilin avqust ayında Bakıda yeniyetmələr 
arasında  sərbəst  yunan-Roma  qadın  və  çimərlik  güləşi  üzrə  dünya  çempionatı  keçirildi.  16  ölkənin  futbol 
komandalarının iştirakı ilə keçirilən FİFA U-17 qadınlararası dünya çempionatı isə artıq Azərbaycanın çoxsaylı 
beynəlxalq tədbirlərə ev sahibliyi etməsi ənənəsinə sadiq olmasından xəbər verirdi. 2014-cü ildə isə taekvando 
üzrə dünya çempionatı Bakıda keçiriləcək. 
Beləliklə,  Prezident  İlham  Əliyevin  rəhbərliyi  ilə həyata  keçirilən  siyasət  nəticəsində  Azərbaycanın  hər  bir 
bölgəsində  idman  arenalarının,  müasir  komplekslərin  tikilərək  yeniyetmələrin,  gənclərin  ixtiyarına  verilməsi 
ölkəmizdə böyük idmançı ordusunun formalaşmasını və idmanın inkişafını təmin edib. Eyni zamanda, bir-birini 
əvəzləyən idman yarışları Bakının daha böyükmiqyaslı yarışlara ev sahibliyi etmək imkanlarını artırıb. 
Avropa Olimpiya Komitəsi də məhz bu amilləri nəzərə alaraq, 2015-ci ildə ilk Avropa Olimpiya Oyunlarının 
Bakıda keçirilməsinə qərar verib. 
Bir  sözlə,  I  Avropa  Oyunları  Azərbaycanın  və  Avropanın  idman  tarixində  mühüm  və  əlamətdar  hadisə 
olacaq. 
Hülya Məmmədli 
 
“Yeni Azərbaycan”.-2014.-30 yanvar.-№ 16.-S.6. 
 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
56 
 
Soçidə “Bakı-2015” Birinci Avropa Oyunlarının Təşkilat Komitəsi adından  
ziyafət verilmişdir 
 
Fevralın  8-də  Soçidə  XXII  Qış  Olimpiya  Oyunları  çərçivəsində  “Bakı-2015”  birinci  Avropa 
Oyunlarının Təşkilat Komitəsi adından ziyafət verilmişdir. 
 
Ziyafətdə  Beynəlxalq  Olimpiya  Komitəsinin  (BOK)  prezidenti  Tomas  Bax,  BOK-un  sabiq  prezidenti  Jak 
Roqq,  Avropa  Olimpiya  Komitəsinin  (AOK)  prezidenti  Patrik  Hikki,  bir  sıra  ölkələrin  Milli  Olimpiya 
komitələrinin və nümayəndə heyətlərinin rəhbərləri, digər şəxslər iştirak etmişlər. 
Gənclər  və  İdman  Nazirliyinin  mətbuat  katibi  Səmayə  Məmmədova  AzərTAc-a  bildirmişdir  ki,  Soçi 
Olimpiadasında  Azərbaycan  nümayəndə  heyətinin  şef-demissionu  Konül  Nurullayeva  tədbirə  toplaşanları 
salamlamışdır. 
Azərbaycan  Respublikasının  gənclər  və  idman  naziri  Azad  Rəhimov  qonaqları  birinci  Avropa  Oyunlarının 
Təşkilat  Komitəsi  adından  salamlayaraq  beynəlxalq  olimpiya  hərəkatının  tanınmış  simalarını  bu  tədbirdə 
görməkdən məmnun olduğunu bildirmişdir.  
Avropa Olimpiya Komitəsinin prezidenti Patrik Hikki Bakıda keçiriləcək Birinci Avropa Oyunlarına hazırlıq 
barədə  danışaraq,  Təşkilat  Komitəsinin  fəaliyyətini  yüksək  qiymətləndirmişdir.  “Bakı-2015”in  Təşkilat 
Komitəsinin həm AOK, həm də beynəlxalq federasiyalarla əlaqəli işlədiyini bildirən P.Hikki demişdir ki, gələn 
il təkcə Avropa deyil, ümumilikdə, bütün dünya möhtəşəm bir idman bayramına şahidlik edəcəkdir. 
BOK-un prezidenti Tomas Bax isə çıxışında “Bakı-2015”in beynəlxalq Olimpiya hərəkatında yeni mərhələ 
olacağına  inandığını  bildirmişdir.  Birinci  Avropa  Oyunlarına  hazırlıq  işində,  oyunların  keçirilməsində  Bakı 
şəhərinə və Təşkilat Komitəsinə uğurlar arzulayan BOK prezidenti Azərbaycanın dünya idmanında fəal iştirak 
etdiyini vurğulamışdır. 
Ziyafət Azərbaycan incəsənət ustalarının maraqlı ifaları ilə davam etmişdir.  
 
“Xalq qəzeti”.-2014.-11 fevral.-N 29.-S.3
. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
57 
 
 
Azərbaycan I Avropa Oyunlarını ən yüksək səviyyədə təşkil edəcək 
 
Hədəfdə isə 2024-cü il Yay Olimpiya Oyunlarıdır 
 
Çağdaş  dövrümüzdə  hər  bir  ölkəni  dünya  nizamı  üçün  əhəmiyyətli  edən  meyarlardan  biri  məhz 
beynəlxalq  imicdir.  Bu  kontekstdən  çıxış  edən  beynəlxalq  təşkilatlar  da  hansısa  ölkədə  öz  tədbirlərini 
keçirərkən  onun  imkanları  və  resursları  ilə  yanaşı,  qlobal  miqyasda  mövqelərini  də  nəzərə  alırlar. 
İndiyədək  Azərbaycanda  çoxlu  sayda  beynəlxalq  siyasi,  iqtisadi  və  s.  tədbirlər  keçirilib.  Eyni  fikirləri 
idman  yarışları  barədə  də  demək  olar.  Bu  sıraya  müxtəlif  mövzulu  beynəlxalq  konfransları, 
simpoziumları da aid etmək olar. Bunlar göstərir ki, bütövlükdə Azərbaycan beynəlxalq tədbirlər üçün 
ideal məkandır. 
Azərbaycanın uğuru 
Hazırda Azərbaycan daha mötəbər bir tədbirə - I Avropa Olimpiya Oyunlarına ev sahibliyi etməyə hazırlaşır. 
Qeyd  edək  ki,  dünyada  gedən  qlobal  inteqrasiya  proseslərinin  sürətləndirilməsindəki  rolu,  irqindən,  dinindən 
asılı  olmayaraq  müxtəlif  millətlərin  nümayəndələrini  bir  araya  toplayaraq  onların  ədalətli  oyun  prinsipləri 
əsasında  idman  mübarizəsinə  qoşulmasını  təmin  etməsi  ilə  seçilən  Olimpiya  oyunları  beynəlxalq  aləmin  ən 
möhtəşəm və mötəbər bir tədbiridir. Bu tədbirdən heç bir dövlət kənarda qalmaq istəmir, Olimpiya oyunlarında 
layiqincə təmsil olunmağa çalışır. Olimpiya oyunlarında göstərilən nəticə yalnız dövlətin idman həyatının deyil, 
onun  iqtisadi  potensialının,  ictimai,  sosial-mədəni  həyatının  göstəricisidir.  Olimpiya  oyunlarında  qazanılan 
yüksək nəticələr beynəlxalq miqyasda ölkənin imicini qaldırmaqla yanaşı, onun imkanlarını da nümayiş etdirir. 
Olimpiya  oyunlarına ev  sahibliyi  etmək  hər  bir  ölkənin  arzusudur. Təsadüfi deyil  ki, ev  sahibliyi  uğrunda 
çox ciddi mübarizə gedir. Ona görə hər bir Olimpiya oyunlarına ev sahibliyi edəcək ölkənin adı xeyli əvvəldən 
məlum olur. Azərbaycanın ev sahibliyi edəcəyi Avropa Olimpiya Oyunları isə Avropanın tarixində birinci dəfə 
keçiriləcək. Xatırladaq ki, 2015-ci ildə Birinci Avropa Olimpiya Oyunlarının Bakıda keçirilməsi haqqında qərar 
2012-ci  il  dekabrın  8-də  Romada  Avropa  Olimpiya  Komitəsinin  (AOK)  41-ci  Baş  Assambleyasında  qəbul 
edilib.  AOK  Baş  Assambleyasının  qərarı  səsvermədə  iştirak  edən  48  nəfərdən  38-nin  səs  çoxluğu  ilə  qəbul 
edilib. Ermənistan nümayəndələri səsvermədə iştirak etməkdən boyun qaçırıblar. 
Prezident  İlham  Əliyev  Avropa  Olimpiya  Komitəsinin  2015-ci  ildə  Birinci  Avropa  Olimpiya  Oyunlarının 
Bakıda keçirilməsi ilə bağlı qərarı münasibətilə Azərbaycan xalqını təbrik edib. AOK-nın qərarını tarixi hadisə 
adlandıran  dövlət  başçısı  bunu  ölkəmizin  böyük  uğuru  kimi  dəyərləndirib.  Əlbəttə,  Birinci  Avropa  Olimpiya 
Oyunlarının  Bakıda  keçirilməsi  haqqında  qərarın  qəbul  edilməsində  bir  neçə  amil  öz  rolunu  oynayıb.  Bunlar 
ölkəmizin  artan  beynəlxalq  nüfuzu,  Azərbaycanın  idman  ölkəsi  kimi  tanınması,  sosial-iqtisadi  uğurları, 
infrastrukturunun müasir tələblər səviyyəsində qurulması və sair bu kimi nailiyyətlər dünyanın diqqətini çəkən 
məsələlərdir. Təbrikində  AOK-nın  bu  qərarının  qəbul  edilməsində  əsas səbəb  olan  amillərə  toxunan  Prezident 
İlham  Əliyev  ölkəmizin  bu  oyunları  yüksək  səviyyədə  keçirəcəyini  bildirib:  "Azərbaycan  bu  oyunları  yüksək 
səviyyədə keçirəcəkdir. Beləliklə, Bakı şəhəri birinci oyunların keçirilməsində böyük xidmətlərinə görə Avropa 
Olimpiya Oyunlarının tarixinə daxil ediləcəkdir". 
 
Mötəbər idman yarışlarının keçirildiyi məkan 
 
I Avropa Oyunlarının Azərbaycanda keçirilməsi haqqında qərarın qəbul olunması ölkəmizin dünyada artan 
nüfuzunun təzahürüdür. Eyni zamanda, bu hadisə Azərbaycanda həyata keçirilən idman siyasətinin uğurlarından 
xəbər verir. Hələ 1997-ci ildə Milli Məclisin deputatı, ARDNŞ-nin birinci vitse-prezidenti olarkən cənab İlham 
Əliyevin  Azərbaycan  Milli  Olimpiya  Komitəsinə  prezident  seçilməsindən  sonra  bu  qurumun  fəaliyyətindəki 
canlanma  təkcə  olimpizmin  təbliği,  idmançılarımızın  olimpiadalarda  iştirakını  təmin  etməklə  bitmədi,  həm  də 
bu  sahədə  maddi-texniki  bazanın  gücləndirilməsi  ilə  müşahidə  olundu.  2000-ci  ildən  indiyədək  ölkəmizdə  ən 
müasir standartlara uyğun 40-dan artıq Olimpiya İdman Kompleksi tikilərək istifadəyə verilib. Bu ilin yanvar 
ayında Göygöl rayonunda Prezident İlham Əliyevin iştirakı ilə sayca 41-ci olan Olimpiya İdman Kompleksinin 
açılışı oldu. Bundan başqa, çoxlu sayda ixtisaslaşmış idman qurğuları tikilib istifadəyə verildi, mövcud idman 
obyektləri yenidən quruldu. İndi demək olar ki, respublikamızın bütün bölgələrində, hətta ən ucqar rayonlarda 
belə,  müxtəlif  idman  növləri  ilə  məşğul  olmaq  üçün  lazımi  şərait  var.  Bütün  bunlar  Azərbaycanda  Olimpiya 
hərəkatının  inkişafına  təkan  verir.  Çünki  çoxsaylı  Olimpiya  və  digər  idman  komplekslərinin  mövcudluğu 
Azərbaycanda Olimpiya hərəkatının inkişafına töhfə verən amillərdən biridir. 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
58 
 
Ümumiyyətlə, təkcə Olimpiya oyunlarına deyil, beynəlxalq səviyyəli istənilən idman yarışlarına ev sahibliyi 
etmək  üçün  ölkələr  arasında  ciddi  rəqabət  mövcuddur.  Təsadüfi  deyil  ki,  idman  sahəsində  gerçəkləşdirilən 
dövlət  siyasəti,  Olimpiya  ideallarının  təbliği,  idmanın  maddi-texniki  bazasının  möhkəmləndirilməsi,  tikilmiş 
müasir  idman  kompleksləri  və  digər  tədbirlər  nəticəsində  ölkəmiz  son  illərdə  mötəbər  beynəlxalq  idman 
yarışlarının  keçirildiyi  məkana,  dünyanın  idman  mərkəzlərindən  birinə  çevrilib.  Son  10  ildə  Azərbaycanda 
keçirilmiş bir neçə idman yarışını nəzərdən keçirmək kifayət edər ki, beynəlxalq idman arenasında Azərbaycana 
olan  etimadın  miqyasını  ifadə  etmək  mümkün  olsun.  2004-cü  ildə  bədii  gimnastika  üzrə  dünya  kuboku 
yarışının, 2005-ci ildə bədii gimnastika üzrə 27-ci dünya çempionatının, 2006-cı ildə hərbçilər arasında sərbəst 
güləş  və  yunan-Roma  güləşi  üzrə  24-cü  dünya  çempionatının,  2007-ci  ildə  sərbəst,  klassik-Roma  güləşi  və 
qadın güləşçilərin dünya çempionatının, 2007-ci ildə görmə qüsurlu paralimpiyaçı cüdoçular arasında Avropa 
çempionatının (Azərbaycanın paralimpiya hərəkatı tarixində Bakıda keçirilən ilk  mötəbər yarış), 2009-cu ildə 
ölkəmizdə  bədii  gimnastika  üzrə  25-ci  Avropa  çempionatının,  2009-cu  ildə  pankration-qaydasız  döyüş  üzrə 
üçüncü  dünya  kuboku  yarışının,  2010-cu  ildə  qılıncoynatma  üzrə  gənclər  və  kadetlər  arasında  dünya 
çempionatının, 2010-cu ildə kişilər arasında bodibildinq üzrə 64-cü dünya çempionatının, 2010-cu ildə gənclər 
arasında  boks  üzrə  dünya  çempionatının,  2011-ci  ildə  cüdo  üzrə "World Masters"  beynəlxalq  turniri  və  cüdo 
üzrə dünya kuboku yarışının, 2011-ci ildə boks üzrə dünya çempionatının, 2012-ci ildə yeniyetmələr arasında 
sərbəst,  yunan-Roma,  qadın  və  çimərlik  güləşi  üzrə  dünya  çempionatının,  həmçinin  ən  mötəbər  beynəlxalq 
yarışlardan  olan  FIFA  U-17  qadınlararası  dünya  çempionatının  (Azərbaycanda  keçirilən  ilk  FIFA  tədbiri  və 
Avrasiyada  baş  tutan    ilk  U-17  qadınlararası  dünya  çempionatı  idi),  2012-2013-cü  illərdə  "GT3  və  klassik 
Formula  1"  yarışlarının,  beynəlxalq  velosiped  turnirlərinin  keçirilməsi  təsdiq  edir  ki,  Olimpiya  hərəkatının 
sözün əsl mənasında, möhtəşəm inzibati mərkəzini yaradan, idmanın maddi-texniki bazasının genişləndirilməsi 
və  müasirləşdirilməsi  istiqamətində  böyük  uğurlar  əldə  edən  Azərbaycanın  beynəlxalq  idman  tədbirlərinin 
keçirildiyi əsas ünvana çevrilməsi reallıqda özünü göstərən həqiqətdi. 
Son  on  il  ərzində  Azərbaycanda  300-ə  yaxın  beynəlxalq  səviyyəli  idman  tədbiri  yüksək  səviyyədə 
keçirilmişdir. Bu onu göstərir ki, ölkəmiz olimpiya oyunları kimi mötəbər idman tədbirinə yüksək səviyyədə ev 
sahibliyi edə bilər. 
Azərbaycanda müasir idman infrastrukturunun yaradılması və onun çoxsaylı tədbirlərinə ev sahibliyi etməklə 
yanaşı, 2016-cı ildə XXXI və 2020-ci ildə XXXII Yay Olimpiya Oyunlarının, 2017-ci ildə IV İslam Həmrəyliyi 
Oyunlarının  keçirilməsi  üçün  Bakının  namizədliyinin  irəli  sürülməsi,  FİDE-nin  qərarına  əsasən  ölkəmizin 
Dünya Kuboku-2015 və Şahmat Olimpiadasının 2016-cı ildə Bakıda keçirilməsi hüququnu əldə etməsi dünya 
idman və olimpiya aləminin Azərbaycana olan marağını daha da artırıb. Odur ki, ilk Avropa Oyunlarının Bakı 
şəhərində keçirilməsi ilə bağlı qərarın qəbul edilməsi təsadüfi deyil. 
 
Yay Olimpiya Oyunlarına ev sahibliyi etmək ölkəmizin yüksək nüfuzundan irəli gəlir 
 
Prezident İlham Əliyev 2013-cü il 17 yanvar tarixində "I Avropa Oyunlarının 2015-ci ildə Bakı şəhərində 
keçirilməsi  üzrə  Təşkilat  Komitəsinin  yaradılması  haqqında"  sərəncam  imzalayıb.  Sərəncama  əsasən,  Heydər 
Əliyev  Fondunun  prezidenti,  Azərbaycan  Respublikası  Milli  Olimpiya  Komitəsi  İcraiyyə  Komitəsinin  üzvü, 
UNESCO-nun xoşməramlı səfiri Mehriban xanım Əliyevanın sədrliyi ilə 2015-ci ilin iyun-iyul aylarında Bakı 
şəhərində I Avropa Oyunlarının keçirilməsi üzrə Təşkilat Komitəsi yaradılıb. 
"Azərbaycanda  keçirilən  beynəlxalq  tədbirlərdə,  o  cümlədən  Avropa  və  dünya  çempionatlarında, 
"Eurovision-2012"  mahnı  müsabiqəsində  əldə  etdiyimiz  təcrübəyə  əsaslanaraq  I  Avropa  Oyunlarının  da  ən 
yüksək  səviyyədə  keçirilməsi  üçün  əlimizdən  gələni  əsirgəməyəcəyik  və  bütün  gücümüzlə  çalışacağıq  ki, 
göstərdiyiniz etimadı doğruldaq". Bu sözləri I Avropa Oyunlarının keçirilməsi üzrə Təşkilat Komitəsinin sədri 
Mehriban xanım Əliyeva komitənin ötən ilin fevralında keçirilən ilk iclasında söyləyib. 
2012-ci  ildə  Bakıda  keçirilən  57-ci  "Eurovision"  mahnı  müsabiqəsinin  ən  yüksək  səviyyədə  təşkili  bütün 
Avropada etiraf olundu. Mehriban xanım Əliyevanın rəhbərlik etdiyi Təşkilat Komitəsinin fəaliyyəti nəticəsində 
hazırlıq işləri bir ildən də az vaxt ərzində həyata keçirildi, mahnı yarışması ən yüksək səviyyədə təşkil edildi. 
Yarışmanın  keçirilməsi  ilə  bağlı  hər  istiqamət  üzrə  plan  hazırlanmışdı  və  həm  şounun  təşkili,  həm  də 
müsabiqəyə hazırlıqla bağlı işlər sürətlə aparıldı. Avropa Yayımları Birliyinin mütəxəssisləri də görülən işləri 
yüksək qiymətləndirdilər. Mahnı yarışmasının yüksək səviyyədə təşkili və keçirilməsi Azərbaycanın beynəlxalq 
miqyasda  nüfuzunun  daha  da  yüksəlməsinə  təkan  verdi.  Azərbaycan  2012-ci  ildə  bu  müsabiqəyə  yüksək 
səviyyədə ev sahibliyi etməklə bütün Avropaya ideal təşkilatçılıq və yüksək qonaqpərvərlik örnəyi oldu. 
İndi isə qarşıdan I Avropa Oyunları gəlir. Bakıda yeni infrastrukturun yaradılması və oyunların təşkli üzrə 
digər  işlərin  sürətlə  həyata  keçirilməsi  göstərir  ki,  Mehriban  xanım  Əliyevanın  rəhbərlik  etdiyi  Təşkilat 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
59 
 
Komitəsi  hazırlıq  işlərini  göstərilən  vaxtda  başa  çatdıracaq.  Çünki  2013-cü  ildə  bu  işlərin  böyük  bir  hissəsi 
yerinə yetirilib. 
Dünya  idmanının  tarixində  ilk  dəfə  keçirilən  Avropa  Oyunlarına  ev  sahibliyi  etmək  missiyasının  Bakının 
üzərinə  qoyulması  Azərbaycan  üçün  böyük  önəm  daşıyır.  Əlbəttə,  hazırkı  mərhələdə  qarşıda  duran  ən  vacib 
vəzifə  hazırlıq  işlərinin  vaxtında  başa  çatdırılması  və  yarışların  ən  yüksək  səviyyədə  keçirilməsidir.  I  Avropa 
Oyunları Azərbaycanın gələcəkdə də mötəbər və daha böyük idman yarışlarına ev sahibliyi etmək imkanlarını 
yüksəldəcək.  Belə  ki,  Avropa  Oyunlarının  keçirilməsində  əldə  edəcəyimiz  təcrübə  gələcəkdə  digər  mühüm 
yarışlara  ev  sahibliyi  etməyimizə  şərait  yaradacaq  və  təcrübəmizi  artıracaq.  Ən  əsası,  Azərbaycanın  Yay 
Olimpiya Oyunlarına təşkilatçılıq etmək şansları yüksələcək. Məlum olduğu kimi, Yay Olimpiya Oyunlarının 
Azərbaycanda  keçirilməsi  üçün  iki  dəfə  Bakının  namizədliyi  irəli  sürülüb.  Bu  mənada  I  Avropa  Oyunlarının 
Azərbaycana həvalə olunması gələcəkdə Yay Olimpiya Oyunlarının da Bakıda təşkili üçün gözəl zəmin yaradır. 
Beynəlxalq  idman  təşkilatlarının  Azərbaycanla  bağlı  indiyədək  yeganə  narahatlığı  ölkəmizdə  kompleks  yarış 
təcrübəsinin  olmamasına  dair  idi.  I  Avropa  Oyunlarından,  o  cümlədən  Azərbaycanın  2017-ci  ildə  IV  İslam 
Həmrəyliyi Oyunlarına ev sahibliyi etməsindən sonra narahatlıq tamamilə aradan qalxacaq və hər iki mötəbər 
idman  tədbiri  2024-cü  ildə  Yay  Olimpiya  Oyunlarının  Azərbaycanda  keçirilməsi  barədə  ölkəmizin  verdiyi 
sifarişin  qalib  gəlməsi  üçün  tramplin  olacaq.  Bu  oyunlar  Azərbaycana  zəngin  təcrübə  qazandıracaq.  Nəticədə 
Azərbaycan Yay Olimpiya Oyunlarının keçirilməsi üçün əminliklə sifariş verəcək. 
Yay Olimpiya Oyunları üçün 6-7 il vaxt verilsə də, Azərbaycanın Avropa oyunlarına hazırlıq üçün cəmi iki il 
vaxtı vardı. Bundan başqa, Yay Olimpiya Oyunlarının keçirilməsində artıq böyük təcrübə mövcuddur. Mövcud 
təlimatlarda hər bir istiqamət üzrə müəyyən edilmiş metodiki qaydalar var. I Avropa Oyunları üçün isə heç bir 
təlimat  və  təcrübə  yoxdur.  Belə  olan  halda  bütün  məsuliyyət,  təşkilati  məsələlərin  yoluna  qoyulması 
Azərbaycanın  üzərinə düşür. Beləliklə, Avropa Oyunlarının keçirilməsi ilə bağlı standartları Azərbaycan ortaya 
qoyacaq. Əminlik var ki, növbəti belə yarışlarda  Azərbaycanın nümunəsi əsas götürüləcək. 
 
Rəşad CƏFƏRLİ. 
 
“Azərbaycan”.-2014.-23 fevral.-N 40.-S.1.; 25 fevral.-N 41.-S.1. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
60 
 
Azərbaycan Prezidenti İlham Əliyev Bakı Olimpiya Stadionunda tikinti işlərinin gedişi ilə 
tanış olmuşdur  
(28 fevtal 2014-cü il) 
 
Bakı, 28 fevral (AzərTAc). Fevralın 28-də Azərbaycan Respublikasının Prezidenti İlham Əliyev Bakı 
Olimpiya Stadionunda tikinti işlərinin gedişi ilə tanış olmuşdur. 
Azərbaycan  dünyada  idman  dövləti  kimi  tanınır.  Birinci  Avropa  Oyunları  kimi  mötəbər  idman 
tədbirinin  ölkəmizdə  keçirilməsi  ilə  bağlı  qərarın  qəbul  edilməsi  bunun  daha  bir  əyani  göstəricisidir.  Əlbəttə, 
belə  bir  qərarın  qəbulunda  ölkəmizdə  dayanıqlı  ictimai-siyasi  sabitlik, sürətli  iqtisadi  inkişaf  proseslərinin 
getməsi,  Azərbaycanın  dünyada  nüfuzunun  durmadan  artması, respublikamızın  müxtəlif  mötəbər  beynəlxalq 
idman  tədbirlərinə  ev  sahibliyi  etməsi  və  bu  sahədə  zəngin  təcrübəyə  malik  olması  mühüm  rol  oynamışdır. 
İdmanın inkişaf etdirilməsinə prioritet sahələrdən biri kimi böyük önəm verən dövlətimizin başçısının birbaşa 
göstərişi ilə paytaxtda və regionlarda ən müasir idman infrastrukturunun yaradılması istiqamətində ardıcıl işlər 
həyata  keçirilir.  Ölkəmizin  bütün  regionlarında  Olimpiya  İdman  kompleksləri  tikilib  istifadəyə  verilir. 
İdmançılara  diqqət  və  qayğı  artırılır.  Azərbaycan  idmançıları  dünyanın ən  mötəbər  yarışlarında  bir-birinin 
ardınca parlaq qələbələr əldə edirlər. Dünya çempionatlarında və Beynəlxalq Olimpiya yarışlarında qızıl medal 
qazanmış idmançılarımızın sayı ildən-ilə artır. Birinci Avropa Oyunları kimi mötəbər idman tədbirinin ilk dəfə 
olaraq Azərbaycanda keçirilməsi məhz ölkəmizə beynəlxalq aləmdə inamın sübutudur. 
Birinci  Avropa  Oyunlarının  keçirilməsinə  az  vaxtın  qalmasına  baxmayaraq,  ölkəmizdə  bu  mötəbər 
tədbirə  hazırlıqla  bağlı  işlər  yüksək  səviyyədə  həyata  keçirilir.  Respublikamızın  paytaxtında  da  Su  İdmanı 
Növləri  Sarayı,  Milli  Gimnastika  Arenası,  Bakı  Atıcılıq  Mərkəzi  və  digər  belə  mükəmməl  infrastruktur 
obyektlərinin inşası davam etdirilir. Müxtəlif idman yarışlarının keçirilməsi üçün nəzərdə tutulan Bakı Olimpiya 
Stadionunun  inşası  da  bu  istiqamətdə  görülən  tədbirlərdən  biridir.  Orijinal  layihə  əsasında  inşa  edilən  Bakı 
Olimpiya Stadionu dünyanın möhtəşəm və nadir idman qurğularından biri olacaqdır. 
Azərbaycan Respublikası Dövlət Neft Şirkətinin prezidenti Rövnəq Abdullayev dövlətimizin başçısına 
ötən müddətdə layihə əsasında görülən işlər barədə ətraflı məlumat verdi. 
Azərbaycan Prezidentinə stadionun müxtəlif görüntüləri təqdim edildi. Bildirildi ki, tikintidə ən müasir 
avadanlıq və inşaat materiallarından istifadə olunur. 
Qeyd  edildi  ki,  Bakı  Olimpiya  Stadionunun  loqosu  da  mükəmməlliyi  ilə  diqqəti  cəlb  edir.  Stadionun 
inşasında bu sahədə dünyada mövcud olan ən qabaqcıl təcrübədən istifadə edilir. 
Diqqətə  çatdırıldı  ki,  stadionun  yerləşdiyi  ərazi  inşaat  işləri  üçün  Azərbaycan  Dövlət  Neft  Şirkətinin 
tikinti təşkilatları tərəfindən hazırlanmışdır. Layihənin icrasına 2012-ci ilin noyabrından başlanmışdır. 
2011-ci ildə dövlətimizin başçısının iştirakı ilə təməli qoyulan və 70 min tamaşaçı tutumu olacaq Bakı 
Olimpiya  Stadionu  ən  müasir  standartlara  uyğun  inşa  edilir.  İndiyədək  layihə  çərçivəsində  nəzərdə  tutulan 
işlərin bir çox hissəsi həyata keçirilmişdir. Burada əsas stadion, məşqlər üçün köməkçi stadion və yardımçı bina 
inşa  olunur.  İdman  obyektində  əlil  tamaşaçılar  üçün  də  bölmələr  nəzərdə  tutulmuşdur.  Stadionun  layihəsi 
iqtisadi səmərəliliyi, müasirliyi, funksional baxımdan əlverişliliyi, paytaxtın memarlığına və irəli sürülən texniki 
şərtlərə  maksimum  uyğunluğu  ilə  seçilir.  Beynəlxalq  Olimpiya  normativlərinə  əsasən  tamaşaçıların  stadiona 
daha çox ictimai nəqliyyatdan istifadə etməklə gəlmələri nəzərdə tutulur. 
Məlumat  verildi  ki,  ərazidə  avtomobillər  üçün  3  min  100  yerlik  park  da  yaradılacaqdır.  Stadionun 
ətrafında əsaslı abadlıq və geniş həcmdə yaşıllaşdırma işləri aparılacaqdır.  
Tikinti işlərinin gedişi ilə tanış olan Prezident İlham Əliyev müvafiq tapşırıq və tövsiyələrini verdi.