Iv fəSİl I avropa Oyunları 2015

 
İntiqam 
 
“Ekspress”.-2014.-25 iyul.-№ 131.-S.20. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
108 
 
Bakı 2015 Avropa Oyunları "McDonald’s" şirkətini özünün rəsmi tərəfdaşı elan edib 
 
Bakı  2015  Avropa  Oyunları  Əməliyyat  Komitəsi  bu gün  "McDonald's"  şirkətini  gələn il  keçiriləcək  tarixi 
idman yarışlarının rəsmi tərəfdaşı elan edib. 
Bu  tərəfdaşlığa  "McDonald's"  şirkətinin  restoranları, eləcə  də  Bakı  şəhərində  və  Azərbaycanın  hər  yerində 
ilk  Avropa  Oyunları  haqqında  məlumatların  çatdırılmasına  yönələn  marketinq  kampaniyaları  daxilində  brend 
tərəfdaşlığı daxildir. 
Bundan  başqa,  "McDonald's"  şirkəti  öz  restoranlarında  müştərilərə  məlumat  verməklə  Oyunlarla  bağlı 
yarışlar  və  Bakı  2015  Avropa  Oyunları  üçün  xüsusi  olaraq  tərtib  olunmuş  müxtəlif  qidalardan  ibarət  menyu 
vasitəsilə Azərbaycanın hər yerində Avropa Oyunları ilə bağlı təbliğat işi aparacaq. 
Bakı 2015 Avropa Oyunları Əməliyyat Komitəsinin əməliyyatlar üzrə baş direktoru Saymon Kleq qeyd edib: 
"McDonald's brendi dedikdə bütün dünyada əsas beynəlxalq idman yarışları yada düşür və mən şirkətin birinci 
Avropa  Oyunlarının  rəsmi  tərəfdaşı  olması  haqqında  sazişə  imza  atdığımızdan  məmnunam.  Sözügedən  saziş 
bütün Azərbaycanda Bakı 2015 Avropa Oyunları haqqında daha çox məlumatın yayılmasına imkan yaradacaq. 
Mən əminəm ki, bu imkan gələn yay Bakı şəhərində keçiriləcək tarixi və unudulmaz idman yarışlarına daha çox 
maraq oyadacaq". 
"McDonald's"  şirkətinin  Azərbaycandakı  bütün  restoranlarında  aparılacaq  marketinq  kampaniyaları  hər  ay 
minlərlə müştərini əhatə edəcək. 
"McDonald's"  şirkətinin  Azərbaycandakı  filiallarının  icraçı  direktoru  Maqsud  Mirzəyev  qeyd  edib: 
"Azərbaycan  üçün  bu  dərəcədə  əhəmiyyətli  olan  yarışlara  dəstək  göstərmək  McDonald's  üçün  böyük  şərəfdir. 
Biz  restoranlarımıza  gələn  müştərilərimiz  arasında  Avropa  Oyunlarını  daha  da  unudulmaz  edəcək  və 
məşhurlaşdıracaq  yaradıcı  marketinq  strategiyalarının  hazırlanmasına  bütün  səylərimizi  və  təcrübəmizi 
qoymağa çalışacağıq". 
 Bakı 2015 Avropa Oyunları Əməliyyat Komitəsinin Kommersiya şöbəsinin direktoru Çarli Vijeratna əlavə 
edib: "McDonald's şirkətinin malik olduğu böyük nüfuzu nəzərə alsaq, onun Oyunlara göstərdiyi dəstəyə etibar 
etmək çox gözəldir. Bu dəstək bizim Bakı 2015 brendimizə olan etibarı daha da artıracaq". 
McDonald's şirkəti 1976-cı ildən etibarən hər Olimpiya və Qış Olimpiya Oyunlarının əsas sponsoru olub və 
2012-ci ildə sponsorluğunu daha səkkiz il müddətinə uzadıb. Şirkət, eyni zamanda, FIFA Dünya Kuboku kimi 
digər əsas beynəlxalq idman yarışlarında da təcrübə və təsdiqlənmiş bacarığa malikdir. 
 
“İki sahil”.-2014.-1 avqust.-N 135.-S.20. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
109 
 
I Avropa Oyunlarının keçirilməsi ilə əlaqədar bəzi tədbirlər haqqında 
Azərbaycan Respublikası Prezidentinin Sərəncamı  
(8 avqust 2014-cü il) 
 
Azərbaycan  Respublikası  Konstitusiyasının  109-cu  maddəsinin  32-ci  bəndini  rəhbər  tutaraq qərara 
alıram: 
1. Azərbaycan Respublikasının Nazirlər Kabineti iki ay müddətində: 
1.1.  I  Avropa  Oyunlarının  təşkilində  və  keçirilməsində  iştirak  edən  şəxslərin,  habelə  Oyunların 
iştirakçılarının akkreditasiya sisteminin təşkili üçün müvafiq tədbirlər görsün; 
1.2.  akkreditasiya  olunacaq  şəxslərin  dairəsini  müəyyən  etsin,  akkreditasiyadan  keçmə  qaydasını  və 
akkreditasiya kartının formasını təsdiq etsin; 
1.3. akkreditasiya sisteminin fəaliyyətinin təmin edilməsi üçün zəruri tədbirlər görsün. 
2. Müəyyən edilsin ki: 
2.1.  müvafiq  qaydada  akkreditasiyadan  keçmiş  əcnəbilər  və  xarici  dövlətlərdə  daimi  yaşayan 
vətəndaşlığı  olmayan  şəxslər  I  Avropa  Oyunlarının  açılışına  60  gün  qalmışdan  başlayaraq  Oyunların 
bitməsindən  30  gün  keçənədək  olan dövrdə  pasport və  ya  digər  sərhədkeçmə  sənədləri  və  akkreditasiya  kartı 
əsasında Azərbaycan Respublikasına gələ və Azərbaycan Respublikasından gedə bilərlər; 
2.2.  I  Avropa  Oyunlarına  bilet  əldə  etmiş  əcnəbilər  və  xarici  dövlətlərdə  daimi  yaşayan  vətəndaşlığı 
olmayan şəxslər: 
2.2.1. Oyunların açılışına 10 gün qalmışdan etibarən Azərbaycan Respublikası Xarici İşlər Nazirliyinin 
Konsulluq İdarəsinin Azərbaycan Respublikasının beynəlxalq hava limanlarında yerləşən struktur bölmələrində 
viza ala bilərlər; 
2.2.2. viza üçün müraciət etdikdə I Avropa Oyunlarına bileti və ya biletin əldə olunmasını təsdiq edən 
sənədi təqdim etməlidirlər; 
2.3. I Avropa Oyunlarının təşkili və keçirilməsi ilə bağlı Azərbaycan Respublikasının ərazisində əmək 
fəaliyyətinə  cəlb  olunan  və  müvafiq  qaydada  akkreditasiyadan  keçmiş  əcnəbilər  və  xarici  dövlətlərdə  daimi 
yaşayan vətəndaşlığı olmayan şəxslər üçün iş icazəsinin alınması tələb olunmur. 
3. Azərbaycan Respublikasının Maliyyə Nazirliyi və Azərbaycan Respublikasının Xarici İşlər Nazirliyi 
I Avropa Oyunları ilə bağlı Azərbaycan Respublikasına gələn şəxslərə Azərbaycan Respublikasının beynəlxalq 
hava limanlarında viza verilməsi işinin təşkili ilə bağlı maddi-texniki təminat məsələlərini həll etsinlər. 
4. Azərbaycan Respublikasının Xarici İşlər Nazirliyi: 
4.1.  I  Avropa  Oyunları  ilə  bağlı  Azərbaycan  Respublikasına  gələn  şəxslər  üçün  viza  prosedurlarının 
sadələşdirilməsi barədə Avropa Olimpiya Komitəsinə və xarici ölkələrin müvafiq orqanlarına məlumat versin; 
4.2.  I  Avropa  Oyunları  ilə  bağlı  Azərbaycan  Respublikasına  gələn  şəxslər  üçün  viza  prosedurlarının 
sadələşdirilməsi  barədə  məlumatın  Nazirliyin,  habelə  Azərbaycan  Respublikasının  xarici  ölkələrdəki 
səfirliklərinin və konsulluqlarının internet informasiya ehtiyatlarında yerləşdirilməsini təmin etsin. 
5.  Azərbaycan  Respublikasının  Dövlət  Miqrasiya  Xidməti  Azərbaycan  Respublikasına  uçuşlar  həyata 
keçirən  aviasiya  şirkətlərinə  I  Avropa  Oyunları  ilə  bağlı  Azərbaycan  Respublikasına  gələn  şəxslər  üçün  viza 
prosedurlarının sadələşdirilməsi barədə məlumat versin. 
6. Azərbaycan Respublikasının Nazirlər Kabineti bu Sərəncamdan irəli gələn digər məsələləri həll etsin. 
7. Bu Sərəncamın 2.1-ci bəndi 2015-ci il yanvarın 1-dən qüvvəyə minir. 
 
 
İlham Əliyev 
Azərbaycan Respublikasının Prezidenti 
 
Bakı şəhəri, 8 avqust 2014-cü il. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
110 
 
2015-ci ilin iyun ayında Avropa idmanının ürəyi Bakıda döyünəcək 
 
Azərbaycan paytaxtında birinci Avropa Oyunları ilə qitəmizin idman hərəkatında yeni  səhifə açılacaq 
Gələn il iyunun 12-də starta çıxıb həmin ayın 28-də finişə çatacaq birinci Avropa Oyunlarına 300 gün 
qalmış cəsarətlə deyə bilərik ki, bu yarışlardan sonra Azərbaycanın bir idman ölkəsi kimi nüfuzu hətta 
qitəmizin  sərhədlərini  də  aşaraq  bütün  dünyada  ikiqat  artacaqdır.  Respublikamız  ilk  Avropa 
Oyunlarının təşkili hüququnu qazanmaqla çox böyük uğura imza atmışdır və bu yüksək etimada heç bir 
ölkə biganə qala bilməz. Azərbyacan yarışların bütün beynəlxalq standartlara uyğun şəkildə təşkili ilə bir 
daha bütün dünyaya bəyan edəcək ki, onun imkalarına inananlar tamamilə haqlıdırlar. 
 
Bununla  əlaqədar  2013-cü  il  fevralın  2-də  Azərbaycan  Prezidenti  İlham  Əliyevin  sədrliyi  ilə  keçirilmiş 
birinci  Avropa  Oyunları  Təşkilat  Komitəsinin  ilk  iclasında  Təşkilat  Komitəsinin  sədri  Mehriban  xanım 
Əliyevanın öz çıxışında söylədiyi bir fikri qeyd etmək kifayətdir: 
“2012-ci il dekabrın 8-də Romada Avropa Olimpiya Komitəsinin 41-ci Baş Assambleyasında 2015-ci ildə I 
Avropa  Oyunlarının  Azərbaycanda  keçirilməsi  barədə  qərar  qəbul  edilmişdir.  Avropa  Olimpiya  Komitəsinin 
üzvü olan 49 milli olimpiya komitəsindən 48-nin iştirakı ilə keçirilmiş gizli səsvermədə 38 ölkə lehinə, 8 ölkə 
əleyhinə,  2  ölkə  bitərəf  olmaqla  I  Avropa  Oyunlarının  Bakıda  keçirilməsi  təsdiqlənmişdir.  I  Avropa 
Oyunalarının  Bakıda  keçirilməsi  ölkəmiz  üçün,  ümumiyyətlə,  bütün  Avropa  Olimpiya  hərəkatı  üçün  tarixi 
hadisədir.  Reginonun  lider  dövlətinə  çevrilən  Azərbaycanın  surətli  inkişafı,  dünya  birliyində  tutduğu  mövqe, 
ictimai-siyasi  sabitlik  beynəlxalq  ictimaiyyətdə  əminlik  yaradıb  ki,  ölkləmiz  bu  mötəbər  tədbirə  uğurla  ev 
sahibliyi  edə  biləcəkdir.  Bu  qərarın  qəbul  edilməsi  respublikamızda  çoxsaylı  idman  yarışlarının,  Avropa  və 
dünya çempionatlarının yüksək səviyyədə  keçirilməsinə, idmançılarımızın beynəlxalq yarışlarda  əldə etdikləri 
nailiyyətlərə,  ümumilikdə  Azərbaycanda  idman  sahəsində  görülmüş  işlərə  beynəlxalq  və  Avropa  Olimpiya 
Komitəsi tərəfindən verilən yüksək qiymətdir.” 
Bu fikrin ən yüksək səviyyədə təsdiqi kimi Avropa Olimpiya Komitəsinin prezidenti Patrik Hikkenin ötən il 
oktayabrın 29-da Bakıda keçirdiyi mətbuat konfransında dediklərini xatırlatmaq yerinə düşər:—Burada güclü və 
peşəkarlardan  təşkil  olunmuş  komanda  çalışır.  Dövlətin  idmana  göstərdiyi  qayğı  isə  bizi  daha  çox  sevindirir. 
Azərbayacan Prezidenti İlham Əliyevin Milli Olimpiya Komitəsinin prezidenti olması burada idman siyasətinin 
düzgün istiqamətdə aparılmasından xəbər verir. 
Yuxarıda  diqqətinizə  çatdırıldığı  kimi,  gizli  səsvermədə  iştirak  etmiş  48  ölkədən  38-i  birinci  Avropa 
Oyunlarının Bakıda keçirilməsinin lehinə,  8-ci əleyhinə səs vermiş, 2 ölkə isə bitərəf qalmışdır. Əlbəttə ki, bu 
çox  yüksək  göstərici,  Azərbaycan  paytaxtına  göstərilən  böyük  etimaddır.  Səsvermədə  Bakının  namizədliyinə 
tərəfdar  çıxmış  38  milli  olimpiya  komitəsinin  rəhbərləri  və  üzvləri,  şübhəsiz,  ayrı-ayrı  vaxtlarda  şəhərimizdə 
keçirilmiş  idmanın  müxtəlif  növləri  üzrə  dünya  və  Avropa  çempionatlarının,  Olimpiya  təsnifat  turnirlərinin, 
“Qran-Pri”lərin  və  “Qızıl  dəbilqə”lərin,  digər  mötəbər  beynəlxalq  yarışların  yüksək  səviyyədə  təşkilindən, 
burada onlara göstərilən qonaqpərvərlikdən böyük zövq almışlar və öz seçimlərində bu amilləri üstün tutmuşlar. 
Bakıda Avropa Oyunlarından sonra isə beynəlxalq idman dairələrinin Azərbaycanda idmana dövlətin böyük 
qayğısı barədə təsəvvürləri daha da genişlənəcəkdir. Əgər onlar buna qədər paytaxtımızdakı idman bazalarından 
Heydər  Əliyev  adına  İdman-Konsert  Kompleksi,  Tofiq  Bəhramov  adına  Respublika  Stadionu,  Bakı  İdman 
Sarayı,  “Sərhədçi”  İdman  Olimpiya  Mərkəzi  və  bəzi  başqa  qurğularla  tanış  idilərsə,  on  aydan  sonra  Bakının 
qonaqları artıq gimnastlarla yanaşı, yeniyetmələr arasında taekvondo üzrə dünya çempionatı iştirakçılarının da 
sınaqdan  çıxardıqları  Bakı  Gimnastika  Arenasına,  bu  günlər  inşası  tam  surətlə  davam  etdirilən  əzəmətli 
Olimpiya Stadionunun, Su İdmanı Növləri Sarayının, Atıcılıq Mərkəzinin, eləcə də yenidən qurulan, bir vaxtlar 
ulu  öndər  Heydər  Əliyevin  təşəbbüsü  ilə  ucaldılan,  indi  isə  onun  adını  daşıyan  İdman-Konsert Kompleksinin 
gözəlliyinə  heyran  qalacaq  və  təbii  ki,  Azərbaycan,  Bakı  haqqında  gələcək  təəssüratlarında  onlara  geniş  yer 
ayıracaqlar. Başqa cür ola da bilməz, inkişaf, tərəqqi, həyata keçirilən böyük işlər, əldə olunan uğurlar həmişə 
hər yerdə rəğbətlə qarşılanır. 
Elə ölkələri, şəhərləri bütün dünyaya tanıdan, məşhurlaşdıran da onların yüksək  səviyyədə gördükləri işlər, 
təşkilatçısı  olduqarı  mötəbər  tədbirlərdir.  Bu  il  avqustun  əvvəlinədək  Norveçin  Tromsö  şəhəri  haqqında 
məlumatımız o qədər də çox deyildi, bu şəhər az-çox futbol həvəskarlarına tanış idi, “Tromsö” klubunun UEFA-
nın  bayrağı  altında  keçirilən  yarışlarda  iştirakını  bilirdik.  İndi  isə  Tromsö  şahmatın  sayəsində  daha  çox 
tanınmışdır. Avqustun 2-də orada starta çıxıb iki gün əvvəl başa çatmış 41-ci Ümumdünya Şahmat Olimpiadası 
sayəsində Tromsö düz iki həftə ərzində idman aləminin, o cümlədən azərbaycanlı idman həvəskarlarının diqqət 
mərkəzində olmuşdur. Deməli, Olimpiadanın təşkilinə çəkilən zəhmət, xərc hədər getməmişdir. Növbəti, 42-ci 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
111 
 
Olimpiadanın  təşkili  hüququnun  2016-cı  ildə  Bakıya  həvalə  olunması  isə  idmanımızın  daha  bir  növbəti 
qələbəsidir. 
“Bakı 2015"də on altı gün ərzində bir şəhərdə idmanın 19 növü üzrə yarışlar keçirilməsi və bu turnirlərdə 49 
ölkənin  6  mindən  çox  təmsilçisinin  qitəmizin  ən  ali  idman  məclisinin  medalları  uğunda  mübarizə  aparması 
tarixi  bir  hadisəyə  çevriləcək.  Bu,  o  deməkdir  ki,  iki  həftədən  də  bir    qədər  çox  vaxt  ərzində  bakılı  idman 
həvəskaları və şəhərimizin qonaqları hər gün bir neçə yarışın-oxatanların, su idmanı növləri nümayəndələrinin, 
atletika,  basketbol,  boks  ustalarının,  kanoelərdə  avarçəkənlərin,  velosipedçilərin,  taekvondoçuların 
mübarizəsini,  güləş,  voleybol  və  daha  bir  neçə  növ  üzrə  turnirlərin  gedişini  izləmək,  onların  iştirakçılarının 
medallar  uğrunda  maraqlı  və  gərgin  rəqabətinin  həyəcanını  yaşamaq  imkanı  qazanacaqlar.  Mingəçevirdəki 
“Kür”  Təlim-İdman  Mərkəzində  keçiriləcək  kanoelərdə  avarçəkmə  yarışlarından  başqa  bütün  növlər  üzrə 
turnirlərin təkcə bir şəhərdə Bakıda təşkili Azərbaycan paytaxtının çox mötəbər bir idman bayramını ən yüksək 
səviyyədə keçirmək imkanlarına ciddi baxışa çevriləcəkdir. Avropa Oyunları proqramına daxil olan növlərdən 
doqquzunda  2016-cı  ildə  Braziliyanın  Rio-de-Janeyro  şəhərində    keçiriləcək  XXXI  Yay  Olimpiya  Oyunlarına 
lisenziyaların oynanılması isə xüsusilə diqqət mərkəzində olacaq. 
Olimpiya Oyunlarından söz düşmüşkən, Bakı artıq yay Olimpiadasını keçirmək üçün təşəbbüs göstəmişdir. 
Lakin  elə  ilk  cəhdlərdə  bu  arzunu  reallaşdrmaq  hələ  heç  bir  şəhərə  müyəssər  olmayıb.  Bu  səbəbdən  də 
Azərbaycan  paytaxtının  ilk  cəhdlərini  “döyüş  qarşısında  kəşfiyyat”  kimi  də  qiymətləndirmək  olar.  Bakı  öz 
təşəbbüsü ilə bütün dünyaya bəyan etmişdir ki, hətta Olimpiya Oyunları kimi ən böyük yarışalrın təşklatçısı və 
paytaxtı olmaq üçün hər cür imkan və bacarığa malikdir. 
Deməli, bu qənaətə gələ bilərik ki, yaxın gələcəkdə dünya idmançılarının ən ali məclisinin təşkilatçısı olmaq 
üçün  namizədliklərini  irəli  sürəcək  şəhərlərin  rəqabətində  Azərbaycan  paytaxtı  öz  uğruna  daha  çox  ümid 
edəcək.  Belə  düşünməyə  Bakıda  Avropa  Oyunlarının  ən  yüksək  səviyyədə  təşkilinə  böyük  ümidlərimiz  əsas 
verir.  Oyunların  unudulmaz  bayrama  çevrilməsi  Bakının  imkanlarını  qiymətləndirəcək  insanların,  xüsusən  də 
Beynəlxalq Olimpiya Komitəsi üzvlərinin ölkəmizə maraq və inamını daha da artıracaq. 
Ən qabaqcıl təcrübədən istifadə olunmaqla inşa edilən və təkcə Azərbaycan və Avropanın deyil, dünyanın 
nadir idman qurğularından birinə çevriləcək Bakı Olimpiya Stadionunda Avropa Oyunlarının təntənəli açılış və 
bağlanış  mərasimləri,  Milli  Gimnastika  Arenasında  gimnastların  yarışı,  hələ  “Eurovision-2012”  mahnı 
müsabiqəsi  günlərində  öz  gözəlliyi  ilə  qəlbləri  riqqətə  gətirmiş    “Krystall  Hall”da  voleybol,  Heydər  Əliyev 
adına  İdman-Konsert  Kompleksində  cüdo,  güləş  turnirləri  və  digər  idman  bazalarında  startlar  çoxlu  tamaşaçı 
auditoriyası toplayacaq  və bütün  Avropa  Azərbaycanın    imkanları  və  getdikcə  daha  da  artan  nüfuzu,  qüdrəti, 
onun  idman  işlərinin  təşkilində  nümunəvi  bir  ölkə  olması  haqqında  məlumatlarını  daha  da  artırmaq  imkanı 
qazanacaq. 
Qitəmizin idman həyatında yeni bir bir səhifə açacaq və əhəmiyyətinə görə tayı-bərabəri olmayacaq birinci 
Avropa  Oyunlarına  300  gün  qalır.  Ötən  hər  gün  bizi  “Bakı  2015”ə-  bütün  Avropa  üçün  tarixi  bir  hadisəyə 
yaxınlaşdırır. 
 
Oqtay BAYRAMOV. 
 
“Xalq qəzeti”.-2014.-17 avqust.-N 176.-S.4. 
 
 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
112 
 
Azərbaycanın birinci xanımı Mehriban Əliyeva ilk Avropa Oyunlarına hazırlıqla əlaqədar inşası 
davam etdirilən və yenidən qurulan idman obyektlərində görülən işlərlə tanış olub 
(28 avqust 2014-cü il)  
 
Avqustun  28-də  Azərbaycanın  birinci  xanımı,  Heydər  Əliyev  Fondunun  prezidenti,  ilk  Avropa 
Oyunlarının  Təşkilat  Komitəsinin  sədri  Mehriban  Əliyeva  ölkəmizdə  keçiriləcək  bu  mötəbər  tədbirə 
hazırlıqla inşası davam etdirilən və yenidən qurulan idman obyektlərində görülən işlərlə tanış olub. 
 
Bu  gün  dünyada  idman  ölkəsi  kimi  tanınan,  idmana,  Olimpiya  hərəkatına  dəstəyi  dövlət  siyasətinin  əsas 
istiqamətlərindən biri seçən Azərbaycan birinci Avropa Oyunlarına ev sahibliyi etməyə ciddi hazırlaşır. Birinci 
Avropa Oyunlarının keçirilməsinə az vaxt qalmasına baxmayaraq, ölkəmizdə bu mötəbər tədbirə hazırlıqla bağlı 
işlər  yüksək  səviyyədə  həyata  keçirilir.  Dövlətimizin  başçısının  birbaşa  tapşırığına  əsasən  Azərbaycanın 
paytaxtı ilə yanaşı, regionlarında da ən müasir idman infrastrukturu yaradılır, yeni Olimpiya idman kompleksləri 
tikilib  istifadəyə  verilir.  Müxtəlif  idman  yarışlarının  keçirilməsi  üçün  nəzərdə  tutulan  Bakı  Olimpiya 
Stadionunun  inşası  da  bu  istiqamətdə  görülən  tədbirlərdən  biridir.  Orijinal  layihə  əsasında  inşa  edilən  Bakı 
Olimpiya Stadionu dünyanın möhtəşəm və nadir idman qurğularından biri olacaq. 
 Azərbaycanın  birinci  xanımı,  Heydər  Əliyev  Fondunun  prezidenti,  birinci  Avropa  Oyunlarının  Təşkilat 
Komitəsinin sədri Mehriban Əliyeva əvvəlcə Bakı Olimpiya Stadionunda tikinti işlərinin gedişi ilə tanış oldu. 
 Gənclər və idman naziri Azad Rəhimov layihə əsasında görülən işlər barədə ətraflı məlumat verdi. 
 Mehriban  Əliyevaya  stadionun  müxtəlif  görüntüləri  təqdim  edildi.  Bildirildi  ki,  stadionda  işlər  sürətlə  və 
yüksək  keyfiyyətlə  davam  etdirilir.  Tikintidə  ən  müasir  avadanlıq  və  inşaat  materiallarından  istifadə  olunur. 
Mükəmməlliyi ilə diqqəti cəlb edən, 70 min tamaşaçı tutumu olacaq, altımərtəbəli stadionda indiyədək layihə 
çərçivəsində nəzərdə tutulan tikinti işlərinin əsas hissəsi başa çatıb. Beynəlxalq standartlara tam cavab verəcək 
bu  idman  obyektində  əsas  stadion,  məşqlər  üçün  köməkçi  stadion  və  yardımçı  bina,  müxtəlif  funksiyalı 
tribunalar  və  digər  infrastruktur  tikilir.  İdman  obyektində  əlil  tamaşaçılar  üçün  də  bölmələr  nəzərdə  tutulub. 
Stadionun layihəsi iqtisadi səmərəliliyi, müasirliyi, funksional baxımdan əlverişliliyi, paytaxtın memarlığına və 
irəli sürülən texniki şərtlərə maksimum uyğunluğu ilə seçilir. Ərazidə avtomobillər üçün 3 min 100 yerlik park 
da yaradılacaq, stadionun ətrafında əsaslı abadlıq və geniş yaşıllaşdırma işləri aparılacaq. 
 2012-ci ilin noyabrında tammiqyaslı inşasına başlanılan stadionda işlər layihə üzrə nəzərdə tutulduğu kimi 
gələn  ilin  fevralında  yekunlaşacaq.  Beləliklə,  Bakı  Olimpiya  Stadionu  gələn  il  ölkəmizin  ev  sahibliyi  edəcəyi 
birinci Avropa Oyunlarınadək istifadəyə veriləcək. 
 Tikinti  işlərinin  gedişi  ilə  tanış  olan  birinci  Avropa  Oyunlarının  Təşkilat  Komitəsinin  sədri  Mehriban 
Əliyeva müvafiq tapşırıq və tövsiyələrini verdi. 
 
X X X 
 
Sonra  Azərbaycanın  birinci  xanımı  Mehriban  Əliyeva  Heydər  Əliyev  adına  İdman-Konsert  Kompleksində 
görülən təmir işləri ilə tanış oldu. Məlumat verildi ki, ümumi ərazisi 46 min kvadratmetr olan kompleksin təmir 
işlərinin  gələn  ilin  yanvarında  başa  çatdırılması  nəzərdə  tutulub.  Məşq  korpusunun  birinci  və  ikinci 
mərtəbələrinin divar və döşəmələri keramoqranit və metlaxla örtülüb. Əsas korpusun birinci mərtəbəsinin foyesi 
yeni  keramik  örtüklə  üzlənib,  tavanda  son  tamamlanma  işləri  gedir.  İdman-Konsert  Kompleksi  yeni  internet 
şəbəkəsi,  təhlükəsizlik  və  xəbərdarlıq  sistemləri  ilə  təchiz  ediləcək.  Binada  yeni  yanğınsöndürmə  və 
videomüşahidə sistemləri də quraşdırılacaq. 
 
X X X 
 
Paytaxtın mərkəzində, Dənizkənarı Bulvarda yerləşən Bakı  İdman Sarayında da  əsaslı təmir işləri aparılır. 
Binanın 1974-cü ildə inşa olunduğu nəzərə alınaraq burada müasir tələblərə uyğun yenidənqurma işləri görülür. 
Bina  yenidənqurmadan  sonra  Olimpiya  və  Paralimpiya  oyunlarının  keçirilməsi  üçün  ən  münasib  idman 
qurğularından biri olacaqdır. Bakı İdman Sarayında aparılan təmir işləri də birinci Avropa Oyunlarına hazırlıq 
tədbirləri çərçivəsində həyata keçirilir. 
 Azərbaycanın  birinci  xanımı  Mehriban  Əliyeva  binada  aparılan  yenidənqurma  işləri  ilə  tanış  olmaq  üçün 
Bakı İdman Sarayına gəldi. 
 Məlumat  verildi  ki,  artıq  sarayın  yenidənqurma  işləri  yekunlaşıb,  struktur  işləri  də  tamamlanmaq  üzrədir. 
Bildirildi  ki,  struktur  işləri  ilə  paralel  binanın  daxili  tamamlanma  işləri  də  yerinə  yetirilir.  Hazırda  otaqlar, 

Azərbaycan Respublikası Prezidentinin İşlər İdarəsinin 
PREZİDENT  KİTABXANASI 
───────────────────────────────────────────────────────────── 
113 
 
arakəsmələr və tavan işləri görülür. Qeyd olundu ki, bu idman sarayında müasir havalandırma sistemi qurulur, 
su və elektrik təchizatı işləri aparılır. Təmir işləri zamanı binanın seysmik dayanıqlığı da nəzərə alınıb. Bunun 
üçün  sarayda  xeyli  sayda  bərkitmə  işləri  aparılıb.  Əlavə  olaraq  binaya  zirzəmi  qatından  5  ədəd  yanğın  çıxışı 
pilləkən qəfəsləri də qoyulub. Bununla yanaşı, birinci mərtəbədə yanğın üçün 12 təxliyyə qapısı nəzərdə tutulub. 
Dördmərtəbəli  binada  6  müasir  lift  də  quraşdırılıb.  Olimpiya  və  Paralimpiya  oyunlarının  keçirilməsi  üçün 
nəzərdə tutulan kompleksdə oturacaqların sayı artırılaraq 1500-dən 1850-yə çatdırılıb. 
 Avropa Oyunları Təşkilat Komitəsinin sədri Mehriban Əliyevaya Bakı İdman Sarayının fasad işləri barədə 
də  məlumat  verildi.  Bildirildi  ki,  layihəyə  uyğun  olaraq  sarayın  fasadının  yenidən  üzlənməsi  işləri  həyata 
keçirilir. Binada təmir işləri ilin sonunadək yekunlaşacaq. 
 
X X X 
 
Prezident İlham Əliyev Azərbaycanda su idmanı növlərinin inkişaf etdirilməsi, yerli və beynəlxalq səviyyəli 
yarışların  təşkili  məqsədilə  2012-ci  il  avqustun  30-da  Bakıda  müasir  standartlara  cavab  verən  Su  İdmanı 
Sarayının  tikilməsi  haqqında  Sərəncam  imzalayıb.  Su  İdmanı  Sarayının  layihələndirilməsini  Koreya 
Respublikasının "Securo CO.LTD" şirkəti qısa müddətdə başa çatdırıb və inşaat işlərinə başlanılıb. 
 Azərbaycanın birinci xanımı Mehriban Əliyeva Su İdmanı Sarayında inşaat işlərinin gedişi ilə tanış oldu. 
 Gənclər və idman naziri Azad Rəhimov Su İdmanı Sarayında layihə əsasında görülən işlərlə bağlı məlumat 
verdi.  Bildirdi  ki,  tikintisinə  ötən  ilin  fevral  ayında  başlanılan  Su  İdmanı  Sarayı  üçün  6  hektar  torpaq  sahəsi 
ayrılıb.  Ümumi  sahəsi  66  min  kvadratmetr  olan  saray  Beynəlxalq  Üzgüçülük  Federasiyasının  tələblərinə  tam 
cavab verir. Sarayda üç üzgüçülük hovuzu yaradılır. Uzunluğu 50, eni 25 metr olacaq əsas hovuz yarışlar üçün 
nəzərdə  tutulub.  İkinci  hovuzda  isə  məşqlər  keçiriləcək.  Məşq  hovuzunun  bir  hissəsində  dərinliyi  artırıb-
azaltmaq  mümkün  olacaq.  Hündürlükdən  suyatullanma  hovuzunun  uzunluğu  25,  eni  20  metrdir.  Sarayda 
keçiriləcək idman yarışlarını 6 min 200 tamaşaçı izləyə biləcək. Burada idmançıların məşq etmələri, respublika 
və  beynəlxalq  səviyyəli  yarışların  təşkili  üçün  hər  cür  şərait  olacaq.  Ən  vacib  məqamlardan  biri  isə  odur  ki, 
idman  sarayının  enerji  tələbatının  25  faizini  burada  quraşdırılan  günəş  batareyaları  təmin  edəcəkdir.  Bundan 
başqa, sarayda fitnes zalları, SPA mərkəzi, trenajor zalları, restoran, 100 nəfərlik konfrans zalı, ofislər, digər işçi 
və köməkçi otaqlar fəaliyyət göstərəcək. Su İdmanı Sarayının ərazisində köməkçi bina və qurğular, 500 yerlik 
yerüstü avtomobil dayanacağı yaradılacaq. 
 Bildirildi ki, xarici və yerli şirkətlərin icra etdiyi tikinti işləri cədvəl üzrə vaxtında başa çatdırılacaqdır. 
 
“Xalq qəzeti”.-2014.-29 avqust.-N 186.-S.4.