İxtisasın adı: Tərəvəz ustası Modulun nömrəsi

Eko-məhsulların sertifikatlaşdırılması nə üçün lazımdır?
Son dövrdə daha çox istehlakçılar ekoloji məhsula maraq göstərirlər, çünki onlar öz 
sağlamlıqları barəsində narahat olur, ətraf mühitin qayğısına qalırlar. Onlardan bəziləri 
ekoloji məhsul üçün hər hansı yüksək qiyməti ödəməyə hazırdırlar. Digər tərəfdən daha çox 
fermerlər ekoloji kənd təsərrüfatına müxtəlif səbəblərdən keçirlər. Bəzi fermerlər öz ekoloji 
məhsulları üçün yüksək qiymətə ümid edirlər, çünki gərgin əmək sərf edərək onlar az məhsul 
əldə edirlər. İstehlakçı aldığı məhsulun həqiqətən də ekoloji istehsalın məhsulu olduğuna 

---

İxtisasın adı: Tərəvəz ustası (Tərəvəzçilik mütəxəssisi) 
174 
əmin olmaq istəyir. “Bioloji fermer”in «ekoloji» sözündən yalan yolla istifadə edərək, onu 
düzgün olmayan rəqabətə cəlb edən digər fermerlərdən qorunmağa ehtiyacı var. Bu 
səbəbdən də sertifikatlaşmaya böyük ehtiyac var. 
“Ekoloji təmiz kənd təsərrüfatı” haqqında Azərbaycan Respublikasının Qanununa uyğun 
olaraq ekoloji nəzarət və sertifikatlaşdırma üzrə akkreditasiya olunmuş orqanlar dövlət və ya 
xüsusi mülkiyyətdə olan hüquqi şəxslərdən ibarət olmaqla müvafiq icra hakimiyyəti orqanları 
tərəfindən akkreditasiya olunurlar və ayrı-ayrılıqda fəaliyyət göstərirlər. 
Sertifikatlaşdırma orqanları aşağıdakı tələblərə cavab verməlidirlər:
1.
Kənd təsərrüfatı və ərzaq məhsullarının, xammalın, torpaq, su, hava, pestisidlər, 
bioloji preparatlar və aqrokimyəvi maddələrin, dərman vasitələrinin laboratoriya 
analizi üçün müasir avadanlıqlarla və ləvazimatlarla təchiz olunmuş 
laboratoriyalara və peşəkar mütəxəssislərə malik olmalı;
2.
Ekoloji təmiz kənd təsərrüfatı istehsalçılarından asılılığı olmamaqla ekoloji təmiz 
kənd təsərrüfatı məhsullarının istehsalı, emalı, saxlanması, daşınması, idxalı, ixracı 
və satışı ilə məşğul olmamalı.
 
Ekoloji təmiz kənd təsərrüfatında ekoloji müşahidə və sertifikatlaşdırma qaydaları və 
akkreditasiya olunmuş orqanların funksiyaları müvafiq icra hakimiyyəti orqanı tərəfindən 
müəyyən edilir. “Ekoloji fermer” öz məhsulunun sertifikat almasını istəyirsə, ildə heç olmasa 
bir dəfə yoxlamadan (inspeksiya) keçməlidir. İnspektor təsərrüfat fəaliyyətinin mənzərəsini 
fermerin dediklərinə, göstəricilərə, sahələrin vəziyyətinə, heyvandarlığa və təsərrüfat 
quruculuğuna əsasən qiymətləndirir. O yoxlayır ki, verilən məlumatlar və nəticələr dəqiq və 
inandırıcı olsun. Öz borcunu vicdanla yerinə yetirmək məqsədi ilə inspektor laborator 
yoxlama aparmaq üçün nümunələr götürür və sonra müstəqil yoxlamalar aparır. Bununla 
belə verilən faktlara, məlumatlara şübhə olduqda və ya qadağan olunmuş üsullarla çirklənmə 
faktları qeyd edildikdə laborator analizlər yoxlamanın bir forması olaraq aparılır. Kimyəvi 
analizlər bu və ya digər nümunədə hansısa maddənin yaxud kimyəvi gübrələrin və 
pestisidlərin çöküntülərinin olub-olmamasını təyin etmək üçündür. Əlavə etmək lazımdır ki, 
kimyəvi analizlər çox baha başa gəlir və bunun üçün xərcləri fermer təsərrüfatı ödəməlidir.
Sertifikatlaşdırma orqanı müəyyən prosedurlar daxilində təsərrüfatı və ya şirkəti 
qiymətləndirir və yazılı şəkildə bildirir ki, o, (yəni sertifikatlaşdırmaya iddialı qurum) 
həqiqətən də ekoloji standartların tələblərinə cavab verir. İnspektor öz qeydlərini yazılı 
şəkildə sertifikatlaşdırma orqanına göndərir. Sertifikatlaşdırma orqanı yoxlamanın 
nəticələrini ekoloji standartların tələbləri ilə müqayisə edir. Sertifikatlaşdırma orqanı qərar 
verir ki, sertifikatlaşdırmaya icazə verilə bilər ya yox. 
 

---