Fan bo‘yicha talabalarning bilimiga, ko‘nikma va malakasiga qo‘yiladigan talablar Matematik modellashtirish asoslari o‘quv fanini o‘zlashtirish jarayonida amalga oshiriladigan masalalar doirasida bakalavr:
Ko‘pgina amaliy masalalarni va fizikaviy jarayonlarni yetarlicha tasavvur qilish, ushbu masalalar va jarayonlarning matematik modellarini tuzish hamda yechimlarini topish usullarini o‘rganish, yechimlarni tahlil qilish va matematik modellarni tanlay bilish Matematik modellashtirish asoslari fanining asosiy vazifasiga kiradi.
«Matematik modellashtirish asoslari» o‘quv fanini o‘zlashtirish jarayonida amalga oshiriladigan masalalar doirasida magistr:
Tabiatning saqlanish qonunlari; matematik model qurish prinsiplari; modellarni diskret analogini qurish usullari; xususiy hosilali differensial tenglamalar va ularni tadqiq qilish usullari, hisoblash eksperimenti haqida tasavvurga ega bo‘lishi;
Masalalarni korrekt qo‘yish; tabiatning saqlanish qonunlari; matematik model qurish prinsiplari; masalani matematik formallashtirish va yechish usulini tanlash, xususiy hosilali differensial tenglamalarni analitik va sonli yechish usullarini, amaliy masalalarni yechishda olingan natijalarni tahlil qilish; dasturlashni va axborot texnologiyalarini bilishi va ulardan foydalana olishi; Masalani matematik formallashtirish va yechish usulini tanlash, samarali diskret modellar qurish va ular asosida hisoblash eksperimenti o‘tkazish, olingan sonli natijalarni tahlil qilish va ularni real jarayonga bog‘lash ko‘nikmasi va tajribasiga ega bo‘lishi kerak.
Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviy ketma – ketligi Matematik modellashtirish asoslari fani matematik analiz, chiziqli algebra, differensial tenglamalar, extimollar nazariyasi va matematik statistika, matematik fizika tenglamalari fanlari bilan uzviy bog‘liq va ushbu fanlarni bilish zarur. Bu fan usullari amaliy ahamiyatga ega bo‘lgan iqtisodiy masalalarni yechishda keng qo‘llaniladi.
