Jismoniy shaxslar

Advalor soliq – 
tovar qiymatiga nisbatan qat‘iy foiz stavkasida 
o‗rnatilgan to‗lov. Inflyatsiya sharoitida o‗zining funksiyalarini 
avtomatik ravishda saqlab qoladi. Bu soliqning tarkibiga savdo 
soliqlari, imoratga nisbatan ko‗pgina poshlinalar va boshqalar kiritilishi 
mumkin. Tovarlarni (import tovarlarni ham) jismoniy va yuridik 
shaxslarning mulklarini soliqqa tortishda qo‗llaniladi. 
Asosiy ish joyi
– ish beruvchi mehnati to‗g‗risidagi qonun 
hujjatlariga muvofiq xodimning mehnat daftarchasini yuritishi shart 
bo‗lgan ish joyi. 
Asosiy faoliyat turi
– yuridik shaxsning hisobot davri yakunlari 
bo‗yicha umumiy realizatsiya qilish hajmidagi tushum ulushi ustunlik 
qiladigan faoliyati 
Balans qiymati – 
buxgalteriya balansida asosiy fondlar va 
aylanma mablag‗larning pulda ifodalangan bahosi. 

---

366 
Balans foyda – 
mahsulot tannarxiga kiritiladigan barcha xarajatlar 
va chiqimlar hamda majburiy to‗lovlar chegirilganidan so‗nggi 
korxona yalpi daromadining qismi. Balans foyda soliqqa tortulguncha 
qadar bo‗lgan yalpi foydadir. 
Byudjet dotatsiyasi – 
o‗z daromadlari va byudjet tomonidan 
tartibga solinadigan barcha mablag‗lar yetishmagan holda quyi 
byudjetning xarajatlari bilan daromadlari o‗rtasidagi farqni qoplash 
uchun yuqori byudjetdan quyi byudjetga tekinga (beg‗araz) 
ajratiladigan pul mablag‗lari. 
Byudjet profitsiti – 
muayyan davrda byudjet daromadlarining 
byudjet xarajatlaridan ortiq bo‗lgan summasi. 
Byudjet ssudasi – 
yuqori byudjetdan quyi byudjetga yoki 
respublika byudjetidan rezident – yuridik shaxsga yoki xorij davlatiga 
qaytarish sharti blan ajratiladigan mablag‗. 
Byudjet tizimi – 
turli darajadagi byudjetlar va byudjet mablag‗lari 
oluvchilar yig‗indisini, ularni tashkil etishni va tuzish prinsiplarini, 
shuningdek‚ byudjet jarayonida paydo bo‗ladigan ular o‗rtasida o‗zaro 
munosabatlarni o‗zida ifodalaydi.