Kafedrasi anvarova dildora anvarovna

7. O’zbekistonda fuqarolar huquqiy ongi va madaniyatini yuksaltirishda “Jamiyatda huquqiy madaniyatni yuksaltirish milliy Dasturi”ning ahamiyati

Bugungi kunda, mamlakatimizda demokratik huquqiy davlat va fuqarolik jamiyatini barpo etishda, ijtimoiy-iqtisodiy, siyosiy, sud-huquq islohotlarini amalga oshirishning huquqiy asoslarini yaratishda, qonunchilikni ta’minlashda, fuqarolarning huquqlari va erkinliklarini muhofaza qilishda, ularning huquqiy ongi va madaniyatini oshirishda muhim omil bo’lib hizmat qilmoqda.

Fuqarolarning huquqlari va erkinliklarini himoya qilish, davlat hokimiyati organlari tomonidan qabul qilinadigan qonun va qarorlarning ijrosini ta’minlash huquqiy ta’lim sifati bilan chambarchas bog’liqdir. Shuningdek, jamiyatda huquqiy ong va huquqiy madaniyatni yuksaltirish fuqarolik jamiyatini shakllantirish va huquqiy-demokratik davlat qurishning muhim omillaridan biri bo’lganligi bois, bugungi kunda mamlakatimizda huquqiy ong va huquqiy madaniyatning mohiyati, mazmuni, tarkibiy tuzilishi va namoyon bo’lishining falsafiy, ijtimoiy, iqtisodiy, psixologik va yuridik muammolarini tadqiq etish masalalariga jiddiy e’tibor qaratilmoqda.
Xususan, O’zbekiston Respublikasining 1997 yil 29 avgustda qabul qilingan “Jamiyatda huquqiy madaniyatni yuksaltirish Milliy dasturi”ning zaruriyati mamlakatimizda inson huquqlari va manfaatlarini ta’minlash, ijtimoiy hayotni demokratlashtirish uchun shart-sharoitlar yaratish va huquqiy davlat asoslarini shakllantirishdan iboratdir.
Milliy dasturning maqsadi - aholining barcha qatlamlari huquqiy savodxonlikka erishishlari, yuksak darajadagi huquqiy ongga ega bo’lishlari hamda huquqiy bilimlarini kundalik hayotda qo’llay olishlari uchun huquqiy madaniyatni shakllantirishning keng qamrovli muntazam tizimini yaratishdir⁷.


9-mavzu. HUQUQ NORMALARI


Mavzuning asosiy yo’nalishlari

1. 
   Huquq normalari tushunchasi, belgilari.
   
2. 
   Huquq normasining tuzilishi: gipoteza, dispozitsiya va sanktsiya.
   
3. 
   Normativ-huquqiy hujjatlarda huquq normalarini bayon etish usullari.
   
4. 
   Huquq normalarini turli asoslarga ko’ra tasniflash.