Kirish qismi

ENG KAM RIVOJLANGAN MAMLAKATLAR VA ULARNING 
IJTIMOIY-IQTISODIY RIVOJLANISHINI FAOLLASHTIRISH 
IMKONIYATLARI
 
 
 
 
Afrikaning 30 dan ko‘proq hamda Osiyo va Okeaniyaning bir nechta davlati 
dunyoning eng kam rivojlangan davlatlari ro‘yxatiga kiritildi. Bu haqdagi ma'lumot 
BMTning savdo va rivojlanish bo‘yicha konferensiyasi (YuNKTAD) hisobotida 
keltirilgan. YuNKTAD vakili Shantal Karpentening ta'kidlashicha, hisobotni 
tuzishda uchta mezon e'tiborga olinadi: aholi jon boshiga daromad (yiliga 1230 
dollardan kam bo‘lsa), inson resurslari va iqtisodiyotning zaifligi.
Ro‘yxatga 47 ta davlat kiritilgan. Unga asosan Afrika davlatlari, jumladan, 
Angola, Benin, Burkina-Faso, Burundi, MAR, Chad, Kongo Demokratik 
Respublikasi, Jibuti, Eritreya, Efiopiya, Gambiya, Madagaskar, Mali, Sudan, 
Janubiy Sudan, Uganda, Zambiya va boshqa davlatlar kirgan. Shuningdek, ro‘yxatga 
Okeaniyaning Kiribati, Tuvalu, Vanuatu, Solomon orollari kabi orol davlatlari, 
Osiyoning Afg‘oniston, Bangladesh, Kamboja, Laos, Myanma, Nepal, Yaman va 
Butan kabi davlatlari kirgan. 
BMT hisobot asosida va Barqaror rivojlanish maqsadlariga amal qilib, ushbu 
davlatlar rahbariyatlariga vaziyatni yaxshilash bo‘yicha tavsiyalar ishlab chiqadi. 
Hisobot tuzilishi tarixi davomida uni bor-yo‘g‘i 5 ta davlatgina tark etishga 
muvaffaq bo‘lgan, bular: Botsvana, Kabo-Verde, Ekvatorial Gvineya, Maldiv 
orollari va Samoa. 
Mamlakatlar barqaror asosda o'sish va rivojlanishga erishish uchun o'zlarining 
iqtisodiy tuzilmalarini o'zgartirishga qaratilgan siyosatni amalga oshirishga sodiq 
bo`lishlari zarur. Davlatlar zarur islohotlarni qat'iyat bilan amalga oshirishlari va 
milliy iqtisodiyotni boshqarish tizimini, jumladan, ichki resurslarni samarali 
safarbar etish va ulardan foydalanishni takomillashtirishlari talab etiladi. 
Mamlakatlar o'z iqtisodiyotlarining sanoat integratsiyasini rag'batlantirish va qit'ada 
qishloq xo'jaligi, moddiy, sanoat va institutsional infratuzilmalarning ishonchli 
tizimlarini yaratish va ishlashini ta'minlashga intilishlari kerak.
Afrika davlatlari qishloq xoʻjaligini milliy iqtisodiyotga toʻliq integratsiya 
qilish, shuningdek, oziq-ovqat xavfsizligi va oʻzini-oʻzi oziq-ovqat bilan 
taʼminlashga erishish uchun qishloq xoʻjaligi va qishloqlarni rivojlantirish 
sohalarida siyosat va strategiyalarni yanada amalga oshirish muhim. Afrika 
mamlakatlari qishloq xo'jaligi siyosatini yaxshilash, qishloq xo'jaligi mahsulotlarini 
yanada samarali ishlab chiqarish, taqsimlash mexanizmlarini takomillashtirish, 
mustahkam bozor va kredit tizimlarini va tegishli omborlarni yaratishga intilishda 
qat'iydir. Oziq-ovqat ishlab chiqaruvchilarni, xususan, xotin-qizlarni zarur resurslar 
bilan ta’minlashga harakat qilish zarur. 

---