Kompozitsion materiallarning zamonaviy texnologiyalari

Nazorat savollari:

1. 
   Yog‘och-mineral asosidagi kompozitlar turlari va ishlab chiqarish asoslari.
   
2. 
   Yog‘och-mineral asosidagi kompozitlar klassifikatsiyasi, xomashyo materiallar tarkibi.
   
3. 
   Biotexnologiyani yog‘och kompozitlari ishlab chiqarishda va xomashyo materiallarni qayta ishlashda qo‘llash.
   

1. Fibrolit va u asosidagi buyumlar. Fibrolit xossalari, ishlab chiqarish texnologiyasi va ishlatilish sohalari. Arbolit va u asosidagi buyumlar turlari.

Arbololit xossalari, ishlab chiqarish texnologiyasi va ishlatilish sohalari

Sanoat chiqindilari asosidagi zamonaviy issiqlik izolyatsiyalovchi materiallar

Arbolit va uning turlari zamonaviy material sirasiga kiradi, xorijda uni issiqlik izolyatsiyalovchi va konstruksion material sifatida qaraladi. Xorijda arbolitga o‘xshash bo‘lgan va turli nomlar bilan yuritiladigan qurilish materiallari mavjud: Shveytsariyada "Durizol", AQShda "Vindstoun", Chexiyada "Pilinobeton", Yaponiyada "Chenteri-Boad", Germaniyada "Duripanel", Avstriyada "Veloks" va boshqalar o‘zining yuqori ekspluatatsion xossalarini namoyon etadi (3.1, 3.2, 3.3-rasmlarga qarang).

3.1-rasm. Yog‘och qirindi asosidagi arbolit blok

3.2-rasm. Veloks firmasining qurilish panellari

3.3-rasm. Dyurizol firmasining qurilish bloklari

«VELOKS» yog‘och-sementli plitalarni tayyorlash uchun optimal namligi 22% bo‘lgan yog‘och chiqindilaridan foydalaniladi. Qalinligi 25 mm bo‘lgan plitalarni mahsuldorligi yiliga 1,2 mln.m² bo‘lgan zavod uchun 35 ming m³ yog‘och chiqindisi zarur bo‘ladi. SHuning uchun namligi yuqori bo‘lgan yog‘och chiqindilari namligi me’yoriga etgunicha omborda ushlab turiladi va quritiladi. Plitalarni ishlab chiqarish uchun archa, qarag‘ay, terak kabi yog‘och turlaridan foydalaniladi.