Kompyuter geometriyasi va grafikasi”

Rasm. 4.11.2. Arrow Tool bilan obyektni belgilash
Belgilangan ob'yekt mayda nuqtali to’r bilan qoplanib, ajralib qoladi.
Ob'yekt chegara chizig’ini alohida belgilash uchun:

• 
  agar ob'yekt chegarasi silliq chiziq bilan qoplangan bo’lsa, sichqoncha ko'rsatkichini ob'yekt chegarasiga olib borib, sichqoncha tugmasi bosiladi; Natijada ob'yektning chegara chizg’I to’laligicha belgilangan holatga o’tadi(4.11.3-rasm (a));
  
• 
  agar ob'yekt chegarasi burchak hosil qiluvchi (burchagi mavjud) chiziqlar bilan o’ralgan bo’lsa, uning chegara chizig’i ustida:
  

• 
  1) sichqoncha chap tugmasini bir marta bosishda obyektning sinish joylarigacha bo’lgan, faqatgina shu tanlangan chegara chizig’i belgilangan holatga o’tadi;(4.11.3-rasm (b))
  
• 
  2) sichqoncha chap tugmasini ikki marta bosilsa,ob'yekt chegara chizig’i to’laligicha belgilanadi. (4.11.3-rasm (c))
  

Agar obyektning ma’lum bir qismlarinigina tanlash kerak bo’lsa (Masalan, to’rtburchakning bitta burchak hosil qiluvchi ikkita tomoni chegara chizig’ini), bunda shu tomonlar <Shift> tugmasini bosib turgan holda tanlanadi.

Rasm. 4.11.3. Arrow Tool bilan ob'yekt chegara chizig’ini belgilash
Ob'yektni bo’yalgan sohasini chegara chizig’ini qo’shmagan holda belgilab olish uchun, ArrowTool ni tanlab ob'yekt bo’yalgan sohasida sichqoncha tugmasini bir marta bosish etarli.
Belgilashni bekor qilish uchun ish muhitining ixtiyoriy bo’sh joyiga sichqoncha ko’rsatkichini olib borib, chap tugmasini bir marta bosish etarli.
Arrow uskunasi tanlangda panelning Options bo’limida uning qo’shimcha imkoniyatini beruvchi tugmachalar paydo bo’ladi(4.11.4-rasm):

• 
  Snap to Objects. Biror ob’yektni Arrow Tool bilan belgilab uni bir joydan ikkinchi joyga siljitish paytida uning markazida qora aylana borligini ko’rishimiz mumkin. Bu aylana shu obyektni boshqa ob’yektga bog’lash tuguni hisoblanadi. Agar Snap to Objects tugmasi tanlangan(“bosilgan”) holatda turgan bo’lsa obyektni siljitiayotgan paytimizda obyektni bog’lash tuguni o’ziga yaqin turgan ob’yektga tortiladi, va u bilan bitta ob'yekt sifatida birlashadi. (4.11.5-rasm);
  
• 
  Smooth — siniq chiziqlarni egri silliq chiziqqa aylantirish uchun ishlatiladi.(4.11.6-rasm). Buning uchun egri chiziqqa aylantirilishi kerak bo’lgan chiziqning “singan” sohalarini belgilab olish kerak;
  

• 
  Straighten – Egri chiziqlarni to’gri chiziqqa aylantirish uchun ishlatiladi. Egri chiziqni tanlab, ushbu tugmachani bir necha marta bosish bilan chiziqni to’g’irlanadi..