Uzun dumli qarqo‘noq – Lanius schach L.
Chumchuqsimonlar turkumi qarqo„noqlar oilasiga
kiradi. Boshqa qarqo„noqlarga nisbatan dumining uzun
bo„lishi bilan farq qiladi. Qarqo„noqlarni asosiy
belgilaridan biri tumshug„i yirtqich qushlarning tumshug„i
singari tuzilgan. Yon tomondan qisilgan, tumshug„i ichida
ilmoqchasi bor, ilmoqcha oldida o„tkir tishchasi bor.
Tumshug„ining asosi kengaygan va og„iz bo„shlig„i katta.
Boshi katta, bo„yni qisqa, qanotlari kaltaroq, dumi uzun.
Boshining usti, gavdasining oldingi qismi, ikki yoni
kulrang. Boshining yon tomonida qora yo„llari bor, kelib
ketuvchi qushlar sirasiga kiradi. Osiyo materigining
janubiy qismida qishlaydi. Oktyabr, ba‟zida noyabrda
uchib ketadi, bahorda aprelning ikkinchi yarmi va may
oylarida uchib keladi.
To„qaylarga, tog„, o„rmonlarga, bog„larda daraxt-butasimon o„simliklarga
uya quradi, ko„pincha, parvarishda bo„lgan bog„larga ham uya quradi. Uyalarini
daraxtlarning 5-6 m. balandliklariga quradi.
Makiyonlari tuxum bosganda, xo„rozlari boqadi.
Tuxumini 12-13 kun bosadi, bolalari 14-15
kunda uchirma bo„lib uyadan chiqadi, bu davrda
qanotlari, patlari yaxshi rivojlanmagan bo„ladi,
ikki haftalar davomida boqqanidan keyin
uchadigan holatga keladi. Uzundumli qarqo„noq
qaldirg„och, chumchuq va musilchalarni ham
bolalariga hujum qiladi. Lekin asosiy ovqati
hasharotlar, qo„ng„izlardir.
Dostları ilə paylaş: |